25/05/2026
اڄ مورخہ 25-05-2026 تي ڊائريڪٽر ايجوڪيشن هائير سيڪنڊري سکر ڊويزن محترم سائين حافظ شهاب الدين انڍڙ صاحب سان پ ٽ الف سکر ڊويزن جي قيادت جي هڪ انتهائي اهم، تاريخي، تفصيلي ۽ ڪامياب ميٽنگ ٿي گذري، جيڪا تقريباً ٻن ڪلاڪن تائين نهايت خوشگوار، سنجيده ۽ باوقار ماحول ۾ جاري رهي.
ميٽنگ جو آغاز قرآن پاڪ جي تلاوت سان ٿيو، جيڪا ڊائريڪٽر صاحب پاڻ وڏي عقيدت سان فرمائي۔ ان کان پوءِ تعارفي مرحلي بعد پ ٽ الف سکر ڊويزن جي صدر محترم محمد ذڪريا ٻرڙو صاحب تفصيلي ايجنڊا پيش ڪيو، جنهن ۾ استادن، تعليمي عملي ۽ تعليم سان لاڳاپيل ڪيترن ئي اهم مسئلن کي انتهائي مدلل انداز ۾ رکيو ويو.
ميٽنگ دوران جيڪي اهم ايجنڊا زيرِ بحث آيا، تن ۾ خاص طور:
✔️ PST کان SST پروموشنز جي تيز ۽ شفاف عملدرآمد
✔️ Treasury کان Director Office تائين Power DDO منتقل ڪرڻ وارو اهم معاملو
✔️ Official Recognition App کي هر تعلقي سطح تي لاڳو ڪرڻ
✔️ DRC سکر جي Credential رپورٽ بابت اهم اڳڀرائي
✔️ گهوٽڪي ضلعي جا 105 Credential مڪمل طور Verify ٿيڻ
✔️ خيرپور ضلعي جي جاري پروسيس تي اطمينان ۽ جلد مڪمل ٿيڻ جي اميد
✔️ Face Recognition ۽ سڃاڻپ واري عمل کي تعلقي سطح تي ڪرائڻ لاءِ سهولتون فراهم ڪرڻ
ڊائريڪٽر صاحب سائين حافظ شهاب الدين انڍڙ صاحب هر ايجنڊا کي نهايت غور، سنجيدگي ۽ مثبت انداز سان ٻڌو ۽ ڪيترن ئي معاملن تي فوري حل، تعاون ۽ اڳڀرائي جي خاطري پڻ ڪرائي, پاڻ واضح طور تي چيو ته تعليم کاتي ۾ بهتري، استادن جي سهولت ۽ نظام جي مضبوطی لاءِ هر ممڪن قدم کنيو ويندو.
🌹 خاص طور تي پ ٽ الف جي نوجوان قيادت، سندن تنظيم، سنجيدگي، اتحاد ۽ استادن جي حقن لاءِ جدوجهد کي ڊائريڪٽر صاحب پاران تمام گهڻو ساراهيو ويو۔ پاڻ فرمايو ته پ ٽ الف ۾ نوجوان قيادت جو جذبو، شعور ۽ مثبت سوچ مستقبل لاءِ خوش آئند ڳالهه آهي.
ميٽنگ دوران پ ٽ الف ضلع خيرپور جي بهادر، متحرڪ ۽ قابل صدر محترم خير محمد سومرو صاحب ضلعي ليٽر پيڊ تي اهم مطالبو پيش ڪيو ته Face Recognition ۽ سڃاڻپ واري عمل کي استادن جي سهولت خاطر تعلقي سطح تي مڪمل ڪيو وڃي، جنهن کي ڊائريڪٽر صاحب نهايت مثبت انداز ۾ قبول ڪندي عملي سهولت فراهم ڪرڻ جي خاطري ڪرائي ۽ان حوالي سان ٻن ٻن تعلقن کي گڏ ڪري استادن لاءِ آسان ۽ بهتر انتظام ڪرڻ تي پڻ اتفاق ڪيو ويو.
ميٽنگ ۾ شرڪت ڪندڙ معزز اڳواڻن ۾:
محمد ذڪريا ٻرڙو (صدر پ ٽ الف سکر ڊويزن)
ياسر شاهه (جنرل سيڪريٽري سکر ڊويزن)
محمد عيسيٰ حاجاڻو (سينيئر نائب صدر پ ٽ الف سکر ڊويزن)
خير محمد سومرو (صدر ضلع پ ٽ الف خيرپور)
محمد اسماعيل عامر (صدر ٺري ميرواھ)
نياز حسين شاهه (جنرل سيڪريٽري ضلع سکر)
محمد سليم پتافي (انفارميشن سيڪريٽري ڊويزن سکر)
مختيار علي گڏاڻي (صدر ضلع سکر)
تاج محمد ڪٽپر ( تعلقا صدر روهڙي)
شاهد حسين جٽ
۽ ٻين ڪيترن ئي ساٿين ڀرپور شرڪت ڪئي.
الحمدللہ، هي ميٽنگ نه صرف انتهائي ڪامياب رهي، پر ڪيترن ئي اهم معاملن ۾ واضح اڳڀرائي، مثبت نتيجا ۽ استادن لاءِ خوشخبريون پڻ سامهون آيون۔ پ ٽ الف جي قيادت هڪ ڀيرو ٻيهر ثابت ڪيو ته گڏيل اتحاد، مضبوط آواز، سنجيده جدوجهد ۽ باوقار قيادت سان هر جائز حق حاصل ڪري سگهجي ٿو.
پ ٽ الف هميشه وانگر استادن جي حقن، تعليم جي بهتري، نوجوان قيادت جي حوصلا افزائي ۽ تعليمي نظام جي مضبوطی لاءِ پنهنجو ڪردار ادا ڪندي رهندي.
🌹 اتحاد • جدوجهد • ڪاميابي 🌹
