29/09/2025
بڑی گیارویں شریف جامع مصطفاٸ مسجد شیخ محلہ روہڑی میں 4 اکتوبر کو ہوگی ،ڈاکٹر وجیح شیخ
میلادمصطفےکیمٹی کے بانی چیرمین غیاث الدین قادری مہمان خصوصی ہونگے، محفل کی تیاریاں جاری
سکھر (اسٹاف رپورٹر) جامع مصطفائی مسجد شیخ محلہ روہڑی میں حضرت سیدنا شیخ عبدالقادر جیلانی غوث الاعظم دستگیر کی بڑی گیارہویں شریف کی سالانہ محفل 4 اکتوبر 2025 بروز ہفتہ بعدنماز مغرب ہوگی جس کے مہمان خصوصی میلاد مصطفےٰ کمیٹی سکھر کے بانی چیئرمین غیاث الدین قادری ہونگے جبکہ علامہ صدر الدین فیضی اور علامہ عبدالماجد سعیدی خطاب کریں گے معروف نعت خواں صوفی فقیر صغیر احمد قاسمی، سید سعد علی شاہ قاسمی، حاجی علی اشرف قاضی اور حافظ محمدنثار قادری گلہائے عقیدت اور منقبت پیش کریں گے محفل کے میزبان الطاف شیخ قاسمی عرف لالو فقیر، ڈاکٹر محمد وجیح شیخ قاسمی، ڈاکٹر محمد صبیح شیخ قاسمی اور ڈاکٹر محمد وقیع شیخ قاسمی نے کہا کہ بڑی گیارہویں شریف کی سالانہ محفل میں علمائے کرام، ثناءخواں اور عاشقان رسول بڑی تعداد میں شریک ہونگے تمام احباب سے گزارش کی جاتی ہے کہ یہ پروگرام مغرب تا عشاءجاری رہے گال لہذا وقت کی پابندی کے ساتھ غلامان مصطفےٰ شرکت فرمائیں۔ انہوں نے کہا کہ شرکائے محفل کےلئے لنگر غوثیہ اور توشہء قادریہ میٹھی کھیر کا خصوصی اہتمام کیا گیا ہے۔
27/09/2025
سکھر (اسٹاف رپورٹر) جماعت اہلسنت پاکستان کے مرکزی رہنما جامعہ انوار مصطفےٰ کے پرنسپل ممتاز عالم دین مفتی محمد عارف سعیدی نے کہا ہے کہ حضور نبی کریم کی حیات طیبہ سراپا رحمت، شفقت، حقیقت، سچائی، عفوو درگزر انکساری، عدل و مساوات، احسان و اخلاق سے مزین تھی ہر مظلوم کی داد رسی آپ کے اخلاقی عظیمہ کا حصہ تھی۔ ان خیالات کا اظہار انہوں نے آل پاکستان انجمن تاجران کے سرپرست اعلیٰ اور آل سکھر اسمال ٹریڈرز اینڈ کاٹیج انڈسٹریز کے بانی و قائد حاجی محمد ہارون میمن کی اہلیہ کے ایصال ثواب کےلئے منعقدہ قرآن خوانی ختم قادریہ شریف، قصیدہ بردہ شریف، محفل میلاد مصطفےٰ و گیارہویں شریف کے بڑے اجتماع میں خطاب کرتے ہوئے کیا۔ دعائیہ اجتماع میں علامہ مفتی محمد شہزاد قادری، علامہ قاری محمد ساجد رفیق قادری، علامہ محمد احمد رضا میمن میلاد مصطفےٰ کمیٹی کے بانی چیئرین غیاث الدین قادری، نے بھی خطاب کیا جبکہ ممتاز و معروف نعت خواں علامہ رضوان خان قادری، سید سعد علی شاہ قاسمی، سید معاذ علی شاہ قاسمی، محمد حسان رضا، محمد جیلان رضا نے گلہائے عقیدت پیش کیئے اور پیران پیر غوث الاعظم دستگیر حضرت سیدنا شیخ عبدالقادر جیلانی کی شان میں منقبت بھی پیش کی گئیں شرکائے محفل نے حاجی محمد ہارون میمن، مرحوم کے صاحبزادگان حاجی محمد آصف میمن، محمد عمران میمن، محمد رفیق میمن، عبدالرحیم میمن کی دعوت پر بڑی تعداد میں شرکت کی۔ اس موقع پر سیاسی سماجی مذہبی تاجر رہنماٶں، صحافیوں ،عزیز و اقارب، دوست احباب بھی موجود تھے۔ درود و سلام اور دعا پر محفل کا اختتام ہوا مفتی محمد عارف سعیدی نے پڑھے گئے قرآن مجید، قرآن و پاک کی مختلف سورتیں، درود شریف کلمہ طیبہ اور دیگر ذکر اذکار کو ایصال ثواب کیا اور اجتماعی دعا کرائی جبکہ شرکائے محفل کےلئے طعام کا اہتمام کیا گیا تھا۔
25/09/2025