Technical Training Centre Sui

Overseas Employment Program Date Extension has been cancelled.

اوورسیز ایمپلائمنٹ پروگرام کیلئے تاریخ میں توسیع کیا تھا وہ توسیع موخر کردیا گیا ہے۔

Chief Minister Balochistan Overseas Employment Program k Liye Candidate Apply karte Hue.15-01-2026.
KSA
Qatar
Bahrain

Employment opportunity for the people of District Dera Bugti
Application Submission Last Date 15th January 2026

اوورسیز ایمپلائمنٹ پروگرام کیلئے درخواست دینے کیلئے ٹیکنیکل ٹریننگ سینٹر سوئی تشریف لائیں۔

اوورسیز ایمپلائمنٹ پروگرام کیلئے درخواست ٹیکنیکل ٹریننگ سینٹر سوئی میں جمع ہونگے۔
خواہشمند حضرات اپنے ڈاکومنٹس کے ہمراہ ٹی ٹی سی سوئی کے دفتر ہذا میں تشریف لائیں اور مزید معلومات کیلئے دیئے گئے نمبرز پر رابطہ کریں۔

حکومتِ بلوچستان کے وژن کے تحت نوجوانوں کو باعزت روزگار اور ہنر مند بنانے کے لیے ایک اہم پیش رفت سامنے آئی ہے۔ بلوچستان ٹیکنیکل ایجوکیشن اینڈ ووکیشنل ٹریننگ اتھارٹی (بی ٹیوٹا) نے وزیراعلیٰ بلوچستان کے خصوصی احکامات کی روشنی میں وزیراعلیٰ یوتھ اسکل ڈیولپمنٹ اینڈ اوورسیز ایمپلائمنٹ پروگرام پر عملدرآمد تیز کر دیا ہے۔
بی ٹیوٹا کی جانب سے تمام ڈپٹی کمشنرز بلوچستان کو ارسال کردہ مراسلے میں ہدایت کی گئی ہے کہ اضلاع کی سطح پر نوجوانوں کی اسکریننگ اور نامزدگی کا عمل فوری طور پر شروع کیا جائے۔ پروگرام کا بنیادی مقصد بلوچستان کے کم از کم 30 ہزار نوجوانوں کو معیاری فنی تربیت فراہم کر کے بیرونِ ملک باعزت روزگار کے مواقع مہیا کرنا ہے، جس سے نہ صرف نوجوانوں کی معاشی خودمختاری ممکن ہوگی بلکہ صوبے کی مجموعی خوشحالی میں بھی اضافہ ہوگا۔
مراسلے کے مطابق بی ٹیوٹا اب تک سعودی عرب، قطر اور بحرین میں 250 نوجوانوں کو روزگار دلوانے میں کامیاب ہو چکی ہے۔ پروگرام کے دائرہ کار کو مزید وسعت دینے اور شفاف و میرٹ پر مبنی انتخاب کو یقینی بنانے کے لیے اضلاع کی سطح پر ضلعی کمیٹیاں قائم کرنے کا فیصلہ کیا گیا ہے۔
ڈپٹی کمشنرز کی سربراہی میں قائم کی جانے والی ان ضلعی کمیٹیوں میں ڈسٹرکٹ ہیلتھ آفیسر، متعلقہ میڈیکل آفیسرز اور ٹیکنیکل ٹریننگ سینٹرز (ٹی ٹی سی) و پولی ٹیکنک اداروں کے ماہرین شامل ہوں گے۔ یہ کمیٹیاں درخواستوں کی وصولی، طبی معائنہ، جسمانی فٹنس اور اہلیت کی بنیاد پر نوجوانوں کی شارٹ لسٹنگ کا عمل مکمل کریں گی۔
بی ٹیوٹا نے ہر ضلع سے کم از کم 100 اہل، صحت مند اور قابل نوجوانوں کی نامزدگی کی ہدایت کی ہے، جن کی فہرست دو ہفتوں کے اندر منیجنگ ڈائریکٹر، بی ٹیوٹا، کوئٹہ کو ارسال کی جائے گی۔
پروگرام کے تحت بیرونِ ملک روزگار کے لیے جن شعبوں میں نوجوانوں کو مواقع فراہم کیے جائیں گے ان میں ویلڈر، الیکٹریشن، مستری، ٹائل فکسر، پلمبر، کارپینٹر، اسٹیل فکسر، پینٹر، ایچ وی اے سی ٹیکنیشن، ہیوی مشین اور فورک لفٹ آپریٹر، ڈرائیور، اسٹور کیپر، سیلز پرسن، جنرل لیبر، ہیلتھ کیئر اسسٹنٹ، نرس، ہاؤس کیپنگ اٹینڈنٹ اور سیکیورٹی گارڈ سمیت دیگر ٹریڈز شامل ہیں۔
بی ٹیوٹا کے مطابق 18 سے 40 سال کی عمر کے نوجوان اس پروگرام کے لیے اہل ہوں گے، جبکہ مملکتِ سعودی عرب میں ملازمت کے لیے 21 سے 40 سال کی عمر کو ترجیح دی جائے گی۔ امیدواروں کا طبی لحاظ سے فٹ اور پڑھنے لکھنے کے قابل ہونا لازمی قرار دیا گیا ہے۔
عوامی حلقوں نے وزیراعلیٰ بلوچستان کے اس اقدام کو صوبے کے نوجوانوں کے لیے روشن مستقبل کی جانب ایک اہم قدم قرار دیتے ہوئے امید ظاہر کی ہے کہ یہ پروگرام بے روزگاری کے خاتمے اور ہنرمند افرادی قوت کی تیاری میں سنگِ میل ثابت ہوگا۔

Youm e Quaid.

آج 25 دسمبر ہے، اس عظیم شخصیت کا دن ہے۔ قائدِ اعظم محمد علی جناح کی ولادت کے موقع پر ہم انہیں خراجِ عقیدت پیش کرتے ہیں۔ ان کا دیا ہوا پیغام 'اتحاد، ایمان اور نظم و ضبط' آج بھی ہماری کامیابی کی کنجی ہے۔"

NAVTTC ADMISSION TEST DATE 27 DECEMBER 2025

نیوٹک انٹری ٹیسٹ *ٹیکنیکل ٹریننگ سینٹر سوئی*

مختلف ٹریڈز میں NAVTTC پروگرام کے لیے درخواست دینے والے امیدواروں کو مطلع کیا جاتا ہے کہ ان کی رول نمبر سلپس NTS پورٹل پر اپ لوڈ کر دی گئی ہیں۔

آپ اپنی رول نمبر سلپ یہاں سے ڈاؤن لوڈ کر سکتے ہیں: https://nts.org.pk/Test&Products/Lists/12_25/NAVTTAC_26Dec2025_FL/Search.php

اہم معلومات:
- ٹیسٹ 26 سے 30 دسمبر 2025 کو شیڈول ہے۔
- تصدیق کے لیے اصل CNIC اور اصل دستاویزات لائیں۔
- کسی بھی امیدوار کو اصل شناختی کارڈ اور دیگر اصل دستاویزات کے بغیر داخلے کی اجازت نہیں ہوگی۔ ٹیسٹ سے 30 منٹ پہلے *ٹیکنیکل ٹریننگ سینٹر سوئی* میں حاضر ہوجائیں
تفصیلات کے لیے NTS پورٹل چیک کریں.
تمام امیدواروں کو وقت پر پہنچنے اور ضروری تیاری کرنے کی ہدایت کی جاتی ہے۔