Saltoro Students Welfare Society

ایس ایس ڈبلیو ایس سکردو یونٹ کے جنرل سیکرٹری کمیل عباس علی فو کو یونیورسٹی آف بلتستان سے وزیر اعظم کے لیپ ٹاپ حاصل کرنے پر مبارکباد پیش کرتے ہیں اور ان کے روشن مستقبل کے لیے دعاگو ہیں۔"

دلی مبارکباد

ہمیں یہ بتاتے ہوئے بے حد خوشی ہو رہی ہے کہ سلترو کے دو سپوتوں، رینگچن حسین اور محمد حسنین نے اپنی خداداد صلاحیتوں کے بل بوتے پر کیڈٹ کالج سکردو میں اپنا مقام بنا لیا ہے۔ 🎊
اس موقع پر ایس ڈبلیو ایس کے بانی رکن جناب مظہر حسین اور علی محمد صاحب کو دلی مبارکباد! یہ کامیابی نہ صرف ان طلباء کی ہے بلکہ پورے سلترو کے لیے فخر کا باعث ہے۔
اللہ پاک ان کے مستقبل کو درخشاں بنائے۔ (آمین)

منجانب:
انتظامیہ و اراکین SSWS

OFFICIAL NOTIFICATION

Date: April 15, 2026

Subject: Notification of Cabinet Appointments – SSWS Skardu Unit

In pursuance of the constitutional provisions of the Saltoro Students Welfare Society (SSWS) and in light of the resolutions adopted during the joint meeting of the SSWS Skardu Unit Cabinet and the Council of Guidance held at the University of Baltistan, the following individuals are hereby appointed to the Cabinet of SSWS Skardu Unit with immediate effect.

These appointments are made to strengthen organizational structure and ensure effective coordination, administration, and service delivery.

Information Sec
SSWS Skardu Unit

سکردو (پریس ریلیز)
آج یونیورسٹی آف بلتستان سکردو میں کونسل آف گائیڈنس ایس ایس ڈبلیو ایس زلفقار علی بھٹو کی زیرصدارت یونیورسٹی میں زیر تعلیم سلترو اسٹوڈنٹس کا ایک اہم میٹنگ منعقد ہوا۔ میٹنگ میں صدر ایس ایس ڈبلیو ایس سکردو یونٹ نجم الدین نیئر، جنرل سیکرٹری کمیل علی فو اور سلترو کے اسٹوڈنٹس نے شرکت کی، جن میں عمران علی، علی رضا، علی امین، کمیل عباس، یاسر علی، ولایت علی، کاظم علی، زاکر علی اور بشارت علی شامل تھے۔ اس کے علاوہ فیمل اسٹوڈنٹس آئمہ بتول، نسرین بانو اور صفورا بتول نے بھی اجلاس میں شرکت کی۔
صدر ایس ایس ڈبلیو ایس سکردو یونٹ نجم الدین نیئر نے اجلاس کے ایجنڈا پیش کرتے ہوئے تمام سلترو کے اسٹوڈنٹس کو خوش آمدید کہا۔ اجلاس کے ایجنڈا میں خواتین وینگ کی کابینہ، ایس ایس ڈبلیو ایس سکردو یونٹ کی کابینہ، سکردو میں سلترو کے اسٹوڈنٹس کے لیے ویلکم پارٹی، اور یونیورسٹی میں زیر تعلیم سلترو کے اسٹوڈنٹس کے مسائل پر گفتگو شامل تھی۔
کونسل آف گائیڈنس ایس ایس ڈبلیو ایس زلفقار بھٹو نے تمام اسٹوڈنٹس کو یونیورسٹی آف بلتستان میں خوش آمدید کہا اور نصیحت کرتے ہوئے کہا کہ ہم سب نے تعلیم حاصل کرنے کے لیے اپنے گھر بار چھوڑ کر یہاں آئے ہیں، اور ہمارا مقصد یہ ہونا چاہیے کہ ہم دل لگا کر تعلیم حاصل کریں اور اپنے علاقے کا نام روشن کریں۔ انہوں نے مزید کہا کہ وہ یونیورسٹی میں لائبریرین کے فرائض انجام دے رہے ہیں اور اسٹوڈنٹس کو کسی بھی مسئلے کی صورت میں ان سے رابطہ کرنے کی ہدایت دی۔
زلفقار بھٹو نے اسٹوڈنٹس کو یہ بھی بتایا کہ یونیورسٹی میں جب بھی کوئی اسکالرشپ آتی ہے تو اسے یونیورسٹی کے تمام گروپس میں شیئر کر دیا جاتا ہے، اس لیے اسٹوڈنٹس کوشش کریں کہ اسکالرشپ کے لیے ضرور درخواست دیں۔
اجلاس کے دوران ایس ایس ڈبلیو ایس سکردو یونٹ کو دوبارہ فعال کرنے کے لیے کابینہ میں مزید اسٹوڈنٹس کو شامل کیا گیا، جبکہ فیمل اسٹوڈنٹس کو یہ ہدایت دی گئی کہ ایک سے دو دن کے اندر گرلز وینگ کی کابینہ کے لیے فائنل اسٹوڈنٹس کا انتخاب کر کے کابینہ کی فہرست بھیجیں تاکہ ویلکم پارٹی کے دوران ان سے حلف لیا جا سکے۔ اسی طرح سلترو کے فیمل اسٹوڈنٹس کی ویلکم پارٹی کی تمام ذمہ داریاں گرلز وینگ کو سونپ دی جائیں گی۔
کونسل آف گائیڈنس اور سی ای سی کے ممبران نے فیصلہ کیا ہے کہ سکردو میں زیر تعلیم فیمل اور میل اسٹوڈنٹس کی ویلکم پارٹی الگ الگ منعقد کی جائے گی۔ تاہم فیمل اسٹوڈنٹس کی ویلکم پارٹی میں ایس ایس ڈبلیو ایس کے سینئر ممبران شرکت کریں گے تاکہ خواتین اسٹوڈنٹس کے مسائل پر تفصیلی بات چیت کی جا سکے۔
کونسل آف گائیڈنس کے سینئر ممبر زلفقار بھٹو کی جانب سے یونیورسٹی میں زیر تعلیم سلترو کے اسٹوڈنٹس کے اعزاز میں ٹی پارٹی کا بھی اہتمام کیا گیا، جس پر تمام اسٹوڈنٹس نے زلفقار بھٹو کا شکریہ ادا کیا۔

یونیورسٹی آف بلتستان، سکردو:
پریس ریلیز
آج یونیورسٹی آف بلتستان، سکردو میں فیکلٹی ممبر اور کونسل آف گائیڈنس ایس ایس ڈبلیو ایس، زلفقار بھٹو، اور صدر ایس ایس ڈبلیو ایس سکردو یونٹ، نجم الدین نیئر نے ڈائریکٹر اسٹوڈنٹس افیئرز، ناصر حسین سے ان کے دفتر میں ملاقات کی۔ ملاقات میں یونیورسٹی آف بلتستان میں زیر تعلیم سلترو کے طلباء کے مسائل، خاص طور پر مالی معاونت اور اسکالرشپ کے حوالے سے تفصیلی گفتگو کی گئی۔
ڈائریکٹر اسٹوڈنٹس افیئرز، ناصر حسین، پہلے ہی یونیورسٹی میں تقریباً 12 طلباء کو اپنی جانب سے اسکالرشپ فراہم کر رہے ہیں۔ اس علم دوست اقدام پر کونسل آف گائیڈنس زلفقار بھٹو اور صدر ایس ایس ڈبلیو ایس سکردو یونٹ، نجم الدین نیئر نے انہیں خراج تحسین پیش کیا اور سلترو کے طلباء کو بھی اسکالرشپ دینے کی درخواست کی۔
اس پر ڈائریکٹر اسٹوڈنٹس افیئرز، ناصر حسین نے خوشی کا اظہار کرتے ہوئے یقین دہانی کروائی کہ وہ سلترو کے طلباء کو ہر ممکن تعاون فراہم کریں گے۔

سکردو: پریس ریلیز
ایس ایس ڈبلیو ایس سکردو یونٹ کے زیرِ اہتمام ایک اہم میٹنگ ارتغول ہوٹل سکردو میں منعقد ہوئی۔ میٹنگ میں کونسل آف گائیڈنس کے معزز ممبران ذوالفقار بھٹو اور ابراہیم سیاچنی نے شرکت کی، جبکہ سی ای سی ممبران میں عارف نور، مظفر حسین، ارشد ثانی اور محمد نواز نے شرکت کی۔ اس کے علاوہ سکردو یونٹ کے صدر نجم الدین نیئر، کمیل علی فو، محمد یاسر اور محمد جمال بھی میٹنگ میں موجود تھے۔ سلترو کے دیگر اسٹوڈنٹس میں عمران علی، علی رضا، محمد امین، بشارت حسین اور ولایت علی نے بھی شرکت کی۔
میٹنگ کے آغاز پر صدر ایس ایس ڈبلیو ایس سکردو یونٹ نجم الدین نیئر نے ایجنڈا پیش کیا، جس میں درج ذیل نکات شامل تھے:
1:سکردو میں سلترو لیول پر ایک پروگرام کا انعقاد، جس میں نئے آنے والے اسٹوڈنٹس کے لیے ویلکم پارٹی دی جائے۔
2:گرلز ونگ کا حلف برداری۔
3:اسٹوڈنٹس کے لیے اسکالرشپ کے اقدامات۔
4:بینک اکاؤنٹ اور دیگر متعلقہ امور۔
تمام معزز ممبران نے ان نکات پر بحث و مباحثہ کے بعد فیصلہ کیا کہ سکردو میں نئے آنے والے اسٹوڈنٹس کے لیے میل اور فیمل اسٹوڈنٹس کے لیے الگ الگ ویلکم پارٹی کا انعقاد کیا جائے گا۔ گرلز کی پارٹی کے دوران ان کے باقاعدہ کیبنٹ کی حلف برداری بھی رکھی جائے گی۔ اس حوالے سے کونسل آف گائیڈنس اور سی ای سی ممبران نے ایس ایس ڈبلیو ایس سکردو یونٹ کو ذمہ داری سونپی کہ وہ سکردو میں موجود اسٹوڈنٹس کی تعداد معلوم کریں تاکہ مکمل تفصیلات دستیاب ہوں۔
کونسل آف گائیڈنس اور سی ای سی ممبران نے صدر ایس ایس ڈبلیو ایس سکردو یونٹ کو ہدایت دی کہ وہ اپنے کیبنٹ میں مزید ممبران شامل کریں اور یونٹ کو فعال بنائیں۔ نیز، یونیورسٹی آف بلتستان سکردو میں تعلیم حاصل کرنے والے مستحق اسٹوڈنٹس کے لیے اسکالرشپ کے اجرا کی ذمہ داری ذوالفقار بھٹو اور نجم الدین نیئر پر رکھی گئی ہے۔ مزید برآں، تنظیم کے لیے صدر نجم الدین نیئر اور فائنانس سیکرٹری محمد جمال کے نام پر بینک میں مشترکہ اکاؤنٹ کھلوانے پر اتفاق کیا گیا۔
تمام معزز ممبران نے عہد کیا کہ وہ اپنے جنت نظیر وادی سلترو کے ہونہار اسٹوڈنٹس کے بہتر مستقبل کے لیے اتفاق و اتحاد کے ساتھ کام کرتے رہیں گے۔

پریس ریلیز
سلترو سٹوڈنٹس ویلفیئر سوسائٹی (SSWS) – سکردو یونٹ
سکردو: سلترو سٹوڈنٹس ویلفیئر سوسائٹی (SSWS) سکردو یونٹ کے صدر جناب نجم الدین نیئر نے GBIST کالج سکردو کے معزز پرنسپل جناب آغا کامران سے ان کے دفتر میں ایک اہم اور بامقصد ملاقات کی۔

ملاقات کے دوران سلترو کے طلبہ و طالبات کو درپیش تعلیمی مسائل، خصوصاً مالی مشکلات، پر تفصیلی گفتگو کی گئی۔ اس موقع پر معزز پرنسپل نے سلترو کے مستحق طلبہ کے لیے کالج ہذا میں اسکالرشپس فراہم کرنے پر آمادگی ظاہر کی اور مستقبل میں بھی ہر ممکن تعلیمی تعاون جاری رکھنے کے عزم کا اظہار کیا۔

مزید برآں، سلترو کے ایک طالب علم کو درپیش فیس کا مسئلہ بھی زیرِ غور آیا، جس پر جناب آغا کامران صاحب نے نہ صرف فوری طور پر مسئلہ حل کیا بلکہ طالب علم کو Need-Based اسکالرشپ بھی فراہم کی۔ اس بروقت اور ہمدردانہ اقدام کو نہایت سراہا گیا۔

اس اہم ملاقات میں ایس ایس ڈبلیو ایس کے کونسل آف گائیڈنس کے معزز رکن جناب بابو حسین صاحب بھی موجود تھے، جنہوں نے اس مثبت پیش رفت کو خوش آئند قرار دیتے ہوئے اسے طلبہ کے روشن مستقبل کی جانب ایک اہم قدم قرار دیا۔

سلترو سٹوڈنٹس ویلفیئر سوسائٹی اس تعاون پر GBIST کالج سکردو کی انتظامیہ خصوصاً پرنسپل جناب آغا کامران صاحب کی تہہِ دل سے مشکور ہے اور امید رکھتی ہے کہ یہ اشتراک مستقبل میں بھی مزید مضبوط ہوگا۔

سلترو سٹوڈنٹس ویلفیئر سوسائٹی (SSWS) جہاں طلبہ کی فلاح و بہبود کے لیے کوشاں ہے، وہیں معاشرے کے ان روشن دماغوں کی حوصلہ افزائی کو بھی اپنا فرض سمجھتی ہے جنہوں نے خواتین کی تعلیم اور خود مختاری کے لیے عملی اقدامات کیے۔
"تیسری پری بورڈ" کے نتائج کی تقریب کے موقع پر، کوہِ زن ویمن آرگنائزیشن سلترو کی بانی اراکین محترمہ ثمینہ بتول صاحبہ اور محترمہ گلشن فاطمہ صاحبہ کو ان کی فقید المثال سماجی و تعلیمی خدمات کے اعتراف میں ایسں ڈبلیو ایس کے جانب سے "تعریفی سند" پیش کی گئی۔ یہ اعزاز انہیں علاقے کی معروف تعلیمی شخصیت اور ہیڈ ماسٹر ہائی اسکول، محترم اسماعیل سعودی صاحب کے دستِ مبارک سے دیا گیا۔

محترمہ ثمینہ بتول اور محترمہ گلشن فاطمہ نے اپنی انتھک محنت سے سلترو میں خواتین کی نمائندگی اور بااختیاری کے لیے جو پلیٹ فارم مہیا کیا، اس کے اثرات دور رس ہیں:
• سہیلی سرکل اور مائیکرو لیب: خواتین کے لیے اظہارِ خیال اور باہمی تعاون کے منفرد پروگرامز کا آغاز کیا، جہاں وہ بلا جھجھک اپنی صلاحیتوں کو نکھار سکتی ہیں۔
• جدید مہارتوں کی منتقلی: طالبات کو روایتی تعلیم کے ساتھ ساتھ کمپیوٹر، مصوری اور کہانی نویسی جیسی تخلیقی مہارتوں سے روشناس کروا کر ان کے اعتماد میں اضافہ کیا۔
• عملی تربیت: مختلف ورکشاپس اور آگاہی مہمات کے ذریعے خواتین کو جدید دور کے تقاضوں کے مطابق عملی ہنر سکھائے۔
• ماحولیاتی و سماجی شعور: شجرکاری، ماحولیاتی تحفظ اور ادبی سرگرمیوں کے ذریعے ایک باشعور معاشرے کی بنیاد رکھی۔

محترم اسماعیل سعودی صاحب نے اسناد پیش کرتے ہوئے دونوں معماروں کی کاوشوں کو سراہا اور کہا کہ سلترو کی ترقی خواتین کی شمولیت کے بغیر نامکمل ہے، اور "کوہِ زن" اس خلا کو پُر کرنے میں بہترین کردار ادا کر رہی ہے۔ آپ دونوں کی خدمات آنے والی نسلوں کے لیے ایک مشعلِ راہ ہیں۔
ہم محترمہ ثمینہ بتول صاحبہ اور محترمہ گلشن فاطمہ صاحبہ کی ہمت اور وژن کو سلام پیش کرتے ہیں اور ان کے روشن مستقبل کے لیے دعاگو ہیں۔

منجانب:
شعبہ نشر و اطلاعات
سلترو سٹوڈنٹس ویلفیئر سوسائٹی (SSWS)

سلترو سٹوڈنٹس ویلفیئر سوسائٹی (SSWS) سلترو یونٹ کے زیرِ اہتمام منعقدہ “تیسری پری بورڈ امتحان” کے کامیاب انعقاد اور نتائج کی اس باوقار تقریب کے موقع پر، ہم اپنے تمام تعلیمی محسنین، مخلص اساتذہ کرام اور مدبر افسرانِ بالا کا تہہِ دل سے شکریہ ادا کرتے ہیں، جنہوں نے سلترو کے روشن مستقبل کی تعمیر میں ہمارے ساتھ بھرپور تعاون کیا۔

ہم خصوصی طور پر (DDO) سلترو جناب غلام نبی صاحب اور ان کی پوری ٹیم کی گزشتہ تین سالہ مسلسل سرپرستی کو خراجِ تحسین پیش کرتے ہیں۔ ان معزز شخصیات نے نہ صرف انتظامی و فکری معاونت فراہم کی بلکہ امتحانی مراکز کے دورے کر کے طلبہ کے حوصلوں کو مزید بلند کیا۔
جناب DDO غلام نبی صاحب اور ہیڈ ماسٹر ہائی سکول جناب اسماعیل سعودی صاحب کی بصیرت افروز قیادت ، مالی و انتظامی معاونتنے اس تعلیمی مشن کو کامیابی سے ہمکنار کرنے میں کلیدی کردار ادا کر رہے ہیں ۔

ان گراں قدر خدمات کے اعتراف میں، صدر ایس ایس ڈبلیو ایس سلترو یونٹ، جناب ثناء اللہ صاحب نے محترم ڈی ڈی او سلترو جناب غلام نبی صاحب کو ایس ڈبلیو ایس کے جانب سے خصوصی تعریفی اسناد پیش کیں۔

اس امتحانی عمل کی شفافیت اور اعلیٰ تعلیمی معیار کو برقرار رکھنے میں سلترو کے تمام اساتذہ کرام کا کردار ریڑھ کی ہڈی کی حیثیت رکھتا ہے۔ ہم ان تمام اساتذہ کے بے حد مشکور ہیں جنہوں نے اپنی پیشہ ورانہ مہارت سے امتحانی پرچوں کی تیاری (Paper Setting) میں بھرپور رہنمائی فراہم کی اور کڑی نگرانی کے ذریعے ایک پُرامن ، شفاف اور علمی ماحول یقینی بنایا۔

ہم جناب لیاقت احمد صاحب (پرنسپل و چیئرمین، سیاچن پبلک اسکول سلترو)، جناب سر اختر صاحب (ہیڈ ماسٹر، مڈل اسکول گوما)،جناب سر عابد صاحب (ہیڈ ماسٹر، مڈل اسکول گبھکور)، جناب سر شمشیر صاحب (ہیڈ ماسٹر، مڈل اسکول غاغلو) اور جناب سر سخاوت صاحب (ہیڈ ماسٹر، پرائمری اسکول سیتھ) اور جناب سر جعفر صاحب ( ہیڈ ماسٹر پرائمری اسکول مندک ) کے مخلصانہ تعاون اور مالی مدد کو قدر کی نگاہ سے دیکھتے ہیں۔اور تمام سربرہان کا بھی دل سے شکریہ ادا کرتے ہیں ۔

علاوہ ازیں، تمام اسکولوں کے محنتی اساتذہ، اسکول مینجمنٹ کمیٹی (SMC) کے اراکین اور سلترو کے معزز عمائدین کا شکریہ ادا کرنا ہم اپنا فرض سمجھتے ہیں، جنہوں نے اس تعلیمی مشن کو اپنی اجتماعی ذمہ داری سمجھتے ہوئے اسے ایک عوامی تحریک کی صورت دی۔

سلترو سٹوڈنٹس ویلفیئر سوسائٹی (SSWS) ان تمام تعلیمی ستونوں کے سامنے سرِ تسلیم خم کرتی ہے اور پُرامید ہے کہ یہ باہمی تعاون آئندہ بھی اسی جذبے کے ساتھ جاری رہے گا، تاکہ ہماری آنے والی نسلیں علم کے نور سے منور ہو کر علاقے اور قوم کا نام روشن کریں۔

منجانب:
شعبہ نشر و اطلاعات
سلترو سٹوڈنٹس ویلفیئر سوسائٹی

تیسری پری بورڈ امتحان
پرنٹ میڈیا کوریج
روزنامہ سیاچن
روزنامہ ڈیلی موتک سکردو