Jamia Islamia Skardu,Gilgit Baltistan

05/10/2025

حضرت اقدس مولانا قاضی نثار احمد صاحب مدظلہ، امیر اہلسنت و الجماعت گلگت بلتستان و کوہستان پر گلگت سی پی او کے قریب دہشت گردوں کے حملے کی نہ صرف سخت مذمت کرتے ہیں بلکہ حکومت وقت سے مطالبہ کرتے ہیں کہ دہشت گردوں کو فوری گرفتار کر کے کٹہرے میں کھڑا کرے. یہ حملہ صرف حضرت قاضی صاحب پر حملہ نہیں یہ خطے کے امن پر حملہ ہے. سنٹر پولیس آفس کے مین گیٹ پر اس قدر اہم شخصیت پر حملہ حکومتی سیکیورٹی اداروں پر سوالیہ نشان ہے.
اس امن دشمن اقدام میں ملوث تمام افراد کو فوری گرفتار کیا جائے.
امید ہے گلگت بلتستان میں رہنے والے اس دہشت گردی کو کسی ایک فرد پر حملہ تصور نہیں کرینگے بلکہ امن پر حملہ تصور ۔
۔کرکے اس کی مذمت کرین گے.

29/09/2025

سہیل نواز
جامعہ اسلامیہ سیٹلائٹ ٹاؤن سکردو بلتستان

""انا للہ و انا الیہ راجعون ""

ہمارے بھائیوں جیسے دوست مفتی اسداللہ غالب صاحب، کے والد محترم بلتستان کے عظیم عالم دین، عالم باعمل شیخ الحدیث، امیر اتحاد علماء کونسل گلگت بلتستان، مدیر مدرسہ قاسمیہ ماڈل ٹاؤن ہمک اسلام آباد، حضرت اقدس مولانا ثناء اللہ غالب صاحب رحلت فرما گئے ہیں۔
اللہ تعالٰی مرحوم کی کامل بخشش فرمائے اور جنت الفردوس میں اعلیٰ مقام عطا فرمائے،تمام محبین اور لواحقین کو صبر جمیل عطاء فرمائے۔
🤲 اللّٰهُمَّ اغفِر له وارحَمه، وَعافِه وَاعفُ عَنه، وَأكرِم نُزُلَه وَوَسِّع مُدخَلَه، وَاغسِله بالماءِ والثَّلجِ والبَرد، ونَقِّه مِنَ الخَطايا كَما يُنقَّى الثَّوبُ الأَبيَضُ مِنَ الدَّنَس.
۔آمین ثم آمین

حضرت ایک عظیم محدث، عالم ربانی، بلند پایہ مدرس اور مسند طریقت کے عظیم پیشوا تھے۔
آپ کی رحلت صرف اہل خانہ کا نہیں بلکہ علمی و دینی حلقہ کا ایک ناقابلِ تلافی نقصان ہے۔
آپ بلند پایہ عالمِ دین سچے داعی پختہ نظریاتی شخصیت اور بالخصوص بلتستان کے اہل سنت کے لیے مخلص و بے لوث رہنما تھے انہوں نے اپنی پوری زندگی دین کی خدمت درس و تدریسِ اور دین کی جدوجہد میں بسر کی ان کا اخلاص استقامت اور فکری پختگی ہم سب کے لیے ہمیشہ مشعلِ راہ رہے گی۔
آپ کی علمی دینی اور علاقائی خدمات رہتی دنیا تک یاد رکھی جائیں گی۔
آپ کی وفات سے جو خلا پیدا ہوا ہے وہ مدتوں پر نہ ہو سکے گا۔

(اعلان جنازہ۔۔۔

حضرت مولانا ثنإاللہ غالب مرحوم کا جنازہ صبح 11:00 مدرسہ قاسمیہ ماڈل ٹاون ہمک اسلام میں ادا کیا جاے گا۔۔)

25/09/2025

جامعہ اسلامیہ سیٹلائٹ ٹاؤن سکردو بلتستان تعزیتی اجلاس۔

14/08/2025

جامعہ اسلامیہ سکردو

آج بروز جمعرات 14 اگست 2025، جامعہ اسلامیہ مرکز اہلِ سنت سکردو میں پاکستان کے یومِ آزادی کے موقع پر ایک پُررونق اور پُرجوش تقریب کا انعقاد کیا گیا۔ تقریب میں طلبہ، اساتذہ، علما کرام، معززینِ علاقہ اور بڑی تعداد میں عوام نے شرکت کی۔ جامعہ کے صحن کو سبز ہلالی پرچم، جھنڈیوں اور رنگ برنگے بینرز سے سجایا گیا، جن پر پاکستان کی آزادی اور قومی یکجہتی کے پیغام درج تھے۔

تقریب کا آغاز تلاوتِ کلامِ پاک سے ہوا، جس کے بعد نعتِ رسولِ مقبول ﷺ پیش کی گئی۔ تلاوت اور نعت کے بعد جامعہ کے طلبہ نے جوش و ولولے سے لبریز ملی نغمے اور تقاریر پیش کیں۔ تقاریر میں پاکستان کی آزادی کی قربانیوں، قائداعظم محمد علی جناحؒ اور علامہ اقبالؒ کے افکار، اور وطنِ عزیز کی تعمیر و ترقی میں نوجوانوں کے کردار کو اجاگر کیا گیا۔

مرکزی خطاب میں صدرانجمن اہلسنت والجماعت مولانا محمد ابرہیم خلیل صاحب نے فرمایا کہ آزادی اللہ تعالیٰ کی ایک عظیم نعمت ہے جس کی حفاظت ایمان، اتحاد اور قربانی سے ممکن ہے۔ انہوں نے کہا کہ 14 اگست محض جشن کا دن نہیں بلکہ اس دن ہمیں عہد کرنا چاہیے کہ ہم وطن کے دفاع، خوشحالی اور ترقی کے لیے اپنی تمام تر صلاحیتیں وقف کریں۔
تقریب سے سکردو کے معروف صحافی سیدبہادرعلی سالک نےبھی اپنے خیالات کا اظہار کیا
تقریب کے آخر میں پاکستان کی سلامتی، خوشحالی اور امتِ مسلمہ کے اتحاد کے لیے خصوصی دعا کی گئی۔ دعا کے بعد طلبہ اور اساتذہ نے سبز ہلالی پرچم کے ساتھ قومی ترانہ پڑھا، اور وطن کی محبت سے فضا گونج اُٹھی۔

یہ تقریب نہ صرف آزادی کی خوشی کا اظہار تھی بلکہ اس نے شرکاء میں وطن سے محبت اور قومی یکجہتی کا جذبہ بھی مزید مضبوط کیا۔

15/06/2025

08/05/2025

جامعہ اسلامیہ سیٹلائٹ ٹاؤن سکردو بلتستان۔