Jamia Qabazardia

بلتستان کی سرزمین میں دینی تعلیم و تبلیغ کے فروغ میں محمدیہ ٹرسٹ کا کردار نہایت نمایاں اور قابلِ تحسین ہے۔ اس ٹرسٹ کے زیرِ انتظام قائم متعدد مدارس آج بھی سینکڑوں طلباء کو ابتدائی دینی تعلیم فراہم کر رہے ہیں، جہاں سے نکلنے والے طلاب علم و عرفان کی روشنی پا کر اپنے معاشرے کے لیے قیمتی سرمایہ ثابت ہو رہے ہیں۔ انہی مدارس کے فارغ التحصیل طلباء میں سے ایک بڑی تعداد نے قم المقدسہ اور نجف اشرف جیسے عظیم حوزاتِ علمیہ میں اعلیٰ تعلیم حاصل کی اور تعلیماتِ محمد و آلِ محمدؐ سے بہرہ مند ہو کر اپنی سرزمین کو منور کیا۔

اس کارواں کے سرپرستِ اعلیٰ، حجۃ الاسلام والمسلمین شیخ غلام حسین مقدس دام ظلہ ایک نہایت مخلص، متقی اور خدمت گزار شخصیت ہیں۔ آپ کی سرپرستی میں نہ صرف مدارس کی سرسبزی و شادابی جاری ہے بلکہ یتیم پروری، فلاحی منصوبے اور مختلف امورِ خیریہ بھی کامیابی سے انجام پا رہے ہیں۔ آپ کی شب و روز کی محنتوں نے بلتستان کے علمی و دینی افق پر جو روشن باب کا اضافہ ہوا ہے وہ آنے والی نسلوں کے لیے مشعلِ راہ ہے۔
وکیلِ مرجعیت علامہ انور علی نجفی سمیت جامعة الکوثر کے اساتذہ کے وفد نے قبلہ شیخ غلام حسین مقدس حفظہ اللہ کی عیادت کے موقع پر ان کی جلد صحتیابی اور طولِ عمر کے لیے اپنی نیک تمناؤں اور مخلصانہ دعاؤں کا بھی اظہار فرمایا۔

خطبہ جمعہ 05/09/2025
Thanx Wazir Nusrat

مجلس حضرت علی اصغر باب الحوائج پر قبلہ علامہ آغا سید احمد الحسینی صاحب خطاب فرمارہے
مسجد حیدریہ سٹیلائیٹ ٹاؤن سکردو

تجوید کی اہمیت

تجوید کی اہمیت (آیت اللہ سید عقیل الغروی حفظہ اللہ)

تبریک و تہنیت
وَ لِبَاسُ التَّقۡوٰی ذٰلِکَ خَیۡرٌ (سورۃ الاعراف: 26)
اور تقویٰ کا لباس ہی بہترین ہے۔
نہایت ادب و احترام کے ساتھ حوزہ علمیہ جامعہ قبازردیہ کے وہ تمام درخشندہ ستارے جنہوں نے رسائل و مکاسب جیسے گراں قدر مراحل کو طے کیا اور آج لباسِ روحانیت سے سرفراز ہو کر ذریعہ‌رشد و ہدایت بننے کی طرف بڑھ رہے ہیں ان کی خدمت میں دل کی گہرائیوں سے تبریک و تہنیت پیش کرتا ہوں۔
خاص کر ہمارے ان مخلص ، بااستقامت، محنتی اور بردبار دوستوں و ساتھیوں کو جنہوں نے ایک طویل علمی سفر صبر، خلوص، تقویٰ اور استقامت کے ساتھ طے کیا۔ آج ان کے بدن پر لباسِ تقویٰ کی ضیا ہے جو ان کی علم دوستی خدا پرستی اور عزمِ خدمتِ دین کا مظہر ہے۔
لباسِ روحانیت نہ صرف ایک اعزاز ہے بلکہ ایک بڑی ذمہ داری بھی ہے۔ یہ لباس علم، حلم، اخلاق، تواضع، اخلاص اور امت کی رہبری کا نشان ہے۔ جنہیں اللہ تعالیٰ اس عظیم درجے پر فائز کرتا ہے، وہ یقیناً اس کے انتخاب کا مرکز ہوتے ہیں۔
امید ہے مزید علم و عمل کے میدان میں ارتقائی مراحل کی طرف بڑینگے ۔
ہم دعا گو ہیں کہ اللہ تعالیٰ آپ سب کو مزید علمی، روحانی اور سماجی رفعتوں سے نوازے، اور آپ کے وجود کو دینِ محمدیؐ کی بقاء، نشرِ معارفِ اہل بیتؑ اور فکری اصلاحِ امت کا ذریعہ بنائے اورخصوصا ہمارے تمام اساتذہ کرام جو ان تمام جوانوں کو اس مقام تک پہنچانے میں ہر قسم کی قربانی پیش کرنے میں دریغ نہیں کیا انکو مبارکبادی کے ساتھ دعاگو ہے سب صدا سلامت رہیں

منجانب ۔۔۔طلاب و اساتیذ حوزہ علمیہ جامعہ قبازردیہ
و محمدیہ ٹرسٹ پاکستان

بسم اللہ الرحمٰن الرحیم
مذمتی اعلامیہ

ہم طلاب و اساتیذ جامعہ قبازردیہ سکردو بلتستان کی جانب سے، امریکہ کے سابق جنونی صدر ڈونلڈ ٹرمپ کی جانب سے رہبر معظم انقلاب اسلامی، مرجعِ عالی مقام، ولی امر مسلمین آیت اللہ العظمیٰ سید علی خامنہ‌ای دام ظلہ العالی کو قتل کی دھمکی پر شدید غم و غصے کا اظہار کرتے ہیں اور اس گھٹیا، مذموم اور سفاک سوچ کی شدید ترین الفاظ میں مذمت کرتے ہیں۔

رہبر معظم صرف ایک سیاسی شخصیت نہیں، بلکہ جہانِ تشیع کے مرجعِ کبیر، امت مسلمہ کے روحانی قائد، اور مظلومین عالم و مستضعفین عالم کے لیے امید کا مینار ہیں۔ اُن کے خلاف ایسا بغض آلود بیان دراصل حق و باطل کی کشمکش میں شکست خوردہ قوتوں کی چیخ ہے، جو عالم اسلام کو کمزور کرنا چاہتی ہیں۔

ہم واضح اور دوٹوک انداز میں عالمی اداروں، اقوام متحدہ، OIC، اور دنیا کی بااثر حکومتوں خصوصا پاکستانی حکومت کو متنبہ کرتے ہیں کہ وہ اس اشتعال انگیز بیان کی فوری اور باوقار مذمت کریں، تاکہ بین الاقوامی سطح پر امن، قانون اور مذہبی شخصیات کے احترام کی پاسداری قائم رہے۔

مزید برآں، ہم دشمنانِ اسلام کو کھلا انتباہ کرتے ہیں کہ ایسے غیر دانشمندانہ اور احمقانہ اقدامات سے باز رہیں، ہم اپنے مرجعِ عالی مقام، رہبرِ معظم کی حفاظت اور سربلندی کے لیے ہر قسم کی قربانی دینے کو اپنی سعادت سمجھتے ہیں، اور کسی بھی حد تک جانے سے دریغ نہیں کریں گے۔

پروردگارِ عالم سے دعا ہے کہ
رہبرِ معظم انقلاب کو ہر شر، فتنے اور سازش سے محفوظ فرمائے
اور ان کا سایہ عالم اسلام پر تا دیر قائم رکھے۔
آمین یا رب العالمین۔
صادر کردہ: میڈیا سیل جامعہ قبازردیہ سکردو بلتستان

قائد بلتستان، امام جمعہ و جماعت شیخ محمد حسن جعفری کی قیادت میں علمائے کرام کے ایک وفد نے مرحوم شیخ عیسیٰ نجفی کے گھر جا کر ایصالِ ثواب کے لیے فاتحہ خوانی کی، مرحوم کے لواحقین سے تعزیت اور ان کے فرزندان سے ہمدردی کا اظہار کیا۔ وفد میں قائد بلتستان شیخ محمد حسن جعفری، مجاہدِ ملت آغا علی رضوی اور
جامعہ قبازردیہ کے اساتذہ و
دیگر علمائے کرام شامل تھے۔

علم کی شمع جلانے والوں کو سلام! آپ کا یہ ترجمہ و تشریح فکر و شعور کی دنیا میں ایک روشن چراغ ہے

کل بروز پیر 11 بجے تمام طلاب کی طرف سے پرنسپل جامعہ قباذردیہ سکردو بلتستان حجت الاسلام و المسلمین جناب شیخ محمد حسن سروری صاحب کا ترجمہ و تشریح کردہ کتاب

*معارف الاسلام*

کی رونمائی کی جا رہی ہے اور اس تقریب میں آپ سب کو مدعو کیا جاتا ہے
لھٰذا سب شرکت فرما کر استاد محترم کی حوصلہ افزائی فرمائیں شکریہ

بہت بہت مبارک ہو
اللہ تعالی طول عمر عطا فرمائے