22/11/2020
خواجہ سرا پن - کلائنفیلٹرز سینڈروم
(Klinefelter Syndrome)
خواجہ سرا پن جسے جینیات میں کلائینفیلٹرز سینڈروم بھی کہتے ہیں ایک جنسی کروموسومز کی خرابی سے پیدا شدہ کیفیت ہے۔ ایک عام انسان میں 46 کروموسومز 23 جوڑوں کی شکل میں ہوتے ہیں۔ ان میں سے 22 کروموسومز کے جوڑے مردوں اور خواتین میں ایک جیسے ہوتے ہیں۔ ان جوڑوں کو آٹوسومز کہتے ہیں۔ 23 واں جوڑا مردوں اور خواتین میں مختلف ہوتا ہے۔ کروموسومز کا یہ جوڑا جنسی کروموسوم کا جوڑا کہلاتا ہے۔ مردوں میں جنسی کروموسومز کا جوڑا XY جبکہ خواتین میں XX کی شکل میں ہوتا ہے۔
کلائینفیلٹرز سینڈروم کے حامل فرد میں ایک جنسی کروموسوم زیادہ ہوتا ہے۔ اسے S*x chromosome trisomy بھی کہتے ہیں۔ ایک خواجہ سر دراصل XXY ہوتا ہے۔ چونکہ ان افراد میں Y کروموسوم موجود ہوتا ہے اس لئے یہ مردانہ خصوصیات کے حامل ہوتے ہیں لیکن چونکہ ان میں دو X کروموسومز بھی پائے جاتے ہیں اسلئے ان میں زنانہ خصوصیات بھی موجود ہوتی ہیں۔
دنیا بھر میں ہر 650 میں سے 1 بچہ کلائینفلیٹرز سینڈروم کے ساتھ پیدا ہوتا ہے۔ لیکن اگر حمل کے دوران ماں کی عمر 35 سال سے زیادہ ہو تو یہ امکانات بڑھ جاتے ہیں۔ یہ افراد اپنی نسل آگے بڑھانے کی صلاحیت سے محروم ہوتے ہیں۔ اس سینڈروم سے متاثرہ زیادہ تر افراد طبعی طور پر نارمل ہوتے ہیں لیکن ان میں کچھ بیماریوں کی شرح عام انسانوں سے زیادہ ہوتی ہے۔ ان افراد میں زیابیطس، آٹو امیون بیماریوں اور ہڈیوں کی بیماریوں کے امکانات زیادہ ہوتے ہیں۔
