GBELS Razidero

21/09/2026

پنجين ڪلاس جي شاگردن جي انگريزي مضمون جي ماهوار ٽيسٽ جون ڪجهه تصويري جهلڪيون، جن ۾ ٻار پنهنجي ٽيسٽ حل ڪرڻ ۾ مصروف نظر اچي رهيا آهن. 📖✍️

13/09/2026

سنڌ ڪا ورهائڻ جي زمين ناهي، سنڌ اسان جي سڃاڻپ آهي.

ڪراچي هجي يا حيدرآباد، سکر هجي يا لاڙڪاڻو، ٿر هجي يا لاڙ — سنڌ جو هر شهر، هر ڳوٺ ۽ هر انچ اسان جي گڏيل ڌرتي آهي.

نوان صوبا ٺاهڻ ۽ سنڌ کي ورهائڻ جون ڳالهيون اسان لاءِ رڳو سياسي بحث ناهن؛ هي اسان جي تاريخ، ثقافت ۽ قومي سڃاڻپ جو سوال آهي.

اسان جي اسڪولن ۾ به نئين نسل کي پنهنجي ڌرتيءَ جي تاريخ، ثقافت ۽ وحدت بابت شعور ڏيڻ گهرجي، ته جيئن هي ٻار سڀاڻي به فخر سان چون:

سنڌ هڪ هئي، سنڌ هڪ آهي، سنڌ هڪ رهندي. ❤️

08/09/2026

استاد رڳو سبق نٿو پڙهائي، پر مشڪل ڳالهہ کي بہ آسان انداز ۾ شاگردن جي ذھن تائين پهچائي ٿو.
اڄ اسان جي اسڪول ۾ استاد محرم علي سيال Human Skeleton جي خوبصورت ڊاياگرام ذريعي ڪلاس ڏھين جي شاگردن کي انساني ھڏائين ڍانچي Human skeleton جي بناوت ۽ ڪم بابت سمجهائيندي.

06/09/2026

ڪالهه رات ڪنهن نامعلوم ماڻهو اسڪول ۾ رکيل ڪتاب ۽ ٻارن جو تعليمي سامان ڦاڙي ڇڏيو...

دل ڏکيو آهي، ڇو ته اهي رڳو ڪتاب نه هئا؛ انهن سان ڪيترن ئي ٻارن جون اميدون جڙيل آهن.

هي اسان جي شهر جو سرڪاري اسڪول آهي، جيڪو سوين ٻارن لاءِ علم جي روشني ۽ اميد جو سهارو بڻيل آهي.

بس ايترو چوڻ چاهيون ٿا:
جنهن به هي ڪم ڪيو، هڪ ڀيرو ضرور سوچجانءِ—هي ڪتاب تنهنجا دشمن نه هئا، هي تنهنجي ئي سماج جي ٻارن لاءِ هئا.

اسڪول ۽ ڪتابن کي نقصان ڏيڻ تي شرم اچڻ گهرجي.

هي ادارو ڪنهن هڪ جو ناهي، اسان سڀني جو آهي.

04/09/2026

02/09/2026

اڄ صبح جي اسيمبلي دوران شاگردن جي حاضري ۽ نظم و ضبط جو خوبصورت منظر۔ 🌿📚

31/08/2026

يونيفارم، نظم ۽ ضبط سان گڏ صبح جي اسيمبلي اسان جي اسڪول جي خوبصورت روايت آهي.

اڄ شاگردن جي چهري جي سڃاڻپ ذريعي حاضري لڳائي وئي، جڏهن ته رهيل شاگردن جي چهرن جي رجسٽريشن جو عمل پڻ جاري آهي.

📢 والدين کي گذارش آهي ته پنهنجن ٻارن کي پابندي سان اسڪول موڪلين. گهٽ حاضري جي صورت ۾ خاص طور ڏهين جماعت جي شاگردن کي امتحان ۾ ويهڻ جي اجازت نه هوندي.

30/08/2026

📢 والدين لاءِ اهم اطلاع

🔹 سنڌ حڪومت جي نئين پاليسي تحت اسڪول ۾ چهري ذريعي آن لائن حاضري شروع ٿي چڪي آهي.

🔹 والدين کان گذارش آهي ته پنهنجي ٻارن کي روزانو ۽ وقت تي اسڪول موڪلين.

🔹 جيڪڏهن شاگرد جي 75٪ حاضري مڪمل نه ٿي ته کيس امتحان ۾ ويهڻ نه ڏنو ويندو.

🔹 امتحان جي وقت مهرباني ڪري اها درخواست نه ڪئي وڃي ته ”هن ڀيري ٻار کي امتحان ۾ ويهاريو“، ڇو ته هاڻي حاضري ۽ داخلا جو رڪارڊ ڊجيٽل نظام ۾ محفوظ ٿي رهيو آهي ۽ اسڪول انتظاميا به مجبور هوندي.

📌 اڄ کان ئي پنهنجي ٻارن جي باقاعده حاضري يقيني بڻايو.

30/08/2026

🔬 سائنس کي آسان ۽ دلچسپ انداز ۾ سمجهائڻ جي هڪ بهترين ڪوشش!

اسان جي اسڪول جي استاد محترم محرم علي صاحب پاران تيار ڪيل هن معلوماتي مصنوعي ذهانت واري وڊيو ۾ پروڪاريوٽڪ ۽ يوڪاريوٽڪ خلين جي وچ ۾ فرق کي سادي ۽ دلچسپ انداز ۾ سمجهايو ويو آهي.

استادن پاران جديد ٽيڪنالاجي ۽ تخليقي انداز کي تعليم سان گڏائڻ، شاگردن جي سکيا کي وڌيڪ دلچسپ، آسان ۽ اثرائتو بڻائي سگهي ٿو. 👏📚

اھڙيون دلچسپ سائنسي ويڊيوز ڏسڻ لاءِ ھن پيج کي فالو ڪندا.

28/08/2026

جيڪو ٻار اڄ 6 ڪلاڪ ڪتابن سان دوستي نٿو ڪري، اهو سڀاڻي 12 ڪلاڪ مزدوري سان زندگي گذارن تي مجبور ٿي سگهي ٿو.

ساٿ سلامت سنڌ سلامت.