Deed O Shuneed

Superstitions in Germany عام طور پر یہ سمجھا جاتا ہے کہ صرف ایشیائی اور افریقی معاشرے ہی توہم پرست ہوتے ہیں۔ ایسا بالکُل نہیں ہے۔ چاہے کتنا ہی ترقی یافتہ مُلک کیوں نہ ہو، توہم پرستی ...

جرمنی کی چار ریاستوں کے بارے میں معلوماتی ویڈیو۔

German States جرمن ریاستیں جرمنی کی سولہا ریاستوں میں سے چار کے بارے میں مُختصر معلومات اور ان ریاستوں کے مناطر کی جھلکیاں۔

چینل کا نام ’’دید و شُنید‘‘ ہے، یعنی ’’دیکھا اور سُنا‘‘۔ جیسا کہ اسکے نام سے ظاہر ہے، اسکا مقصد ناظرین کو مُختلف علوم کی روشنی میں معلومات کی فراہمی ہے۔ ان علوم میں جنرل نالج، شاعری، مختلف اقوام، اور انہی کا تاریخ وجُغرافیہ، کلچر، آرٹ، آرکیٹیکچر، شعر و ادب، زیر بحث اقوام میں زبان زدِ عام پُراسراراور ماواءِ عقل واقعات، اور انکے مقامی لٹریچر سے وابستہ کہانیاں، افسانے اور شاعری وغیرہ شامل ہیں۔ انکے علاوہ میرے اپنے سفر، متعلقہ ذاتی تجربات، اور ’’دید و شُنید‘‘ کے دائرے میں آنے والے سچے واقعات شامل ہونگے۔
ویڈیوز کا ایک سلسلہ لسانیات پر بھی مشُتمل ہوگا، جس میں ناظرین کو ہلکے پُھلکے انداز میں مُختلف زبانوں سے رُوشناس کروایا جائے گا۔ اس سلسلے کو کوئی باقاعدہ لسانی تعلیم تو نہیں کہا جا سکتا، البتہ ان ویڈیوز پر توجہ دینے کے بعد، بیرون مُلک سفر کرنے کی صورت میں کسی حد تک گُذارہ ضرور کیا جا سکے گا۔
نوٹ: انگلش، جرمن، عربی، اور فارسی سنجیدگی سے سیکھنے والوں کے لیے میرے تیار کردہ خصوصی لیسنز ایک الگ موضوع ہے، جنکے بارے میں دلچسپی رکھنے والے ناظرین کو تفصیلی معلومات بھی وقتاً فوقتاً ملتی رہیں گی۔ اب رہا سوال یہ کہ ’’دید و شُنید‘‘ کن لوگوں کو دیکھنا چاہیے؟ تو یہ چینل سوسائیٹی کے ہر فرد کے لیے انتہائی دلچسپی کا باعث ہو گا۔ لیکن دکھائے جانے والے یہ افراد ’’دِید و شنید‘‘ پر اپ لوڈ کی گئی ویڈیوز سے بھرپوُراستفادہ کر سکتے ہیں: 1۔ پرائمری، مڈل اور بالا درجوں کے ٹیچرز 2۔ طلباء و طالبات 3۔ مُقابلے کے امتحان میں شریک اُمیدوار4۔ بیرونی مُمالک کے مُسافر5۔ تارکین وطن
لہٰذا ’’دید و شُنید‘‘ کو سبسکرائب کرکے اپنے علم دوست ہونے کا ثبوت دیجیے۔
پہلی ویڈیو اپ لوڈ کرنے تک ۔۔۔۔۔۔۔۔۔۔۔۔۔۔۔ خُدا حافظ!