Best Future Academy

23/09/2025

میتھ 9 کلاس میں اگر 100فیصد نمبر حاصل کرنا چاہتے ہیں تو اس چینل کو سبسکرائب کرکے تیاری شروی کر لیں ۔ اس چینل پر پہلے یونٹس کے مکمل لیکچرز ہیں جو کہ بہت آسان طریقے سے سمجھائے گئے ہیں ۔ بقایا یونٹس بھی جلد اپلوڈ کیے جائیں گے ۔
Unit 1(All Lectures)

Exercise 1.3 Class 9 Maths Punjab Board | Class 9th Math New Book Exercise 1.3| 9Th Class Math New Book 2025 Exercise 1.3|| PCTB || National Curriculum of Pa...

23/09/2025

میتھ 9 کلاس میں اگر 100فیصد نمبر حاصل کرنا چاہتے ہیں تو اس چینل کو سبسکرائب کرکے تیاری شروی کر لیں ۔ اس چینل پر پہلے یونٹس کے مکمل لیکچرز ہیں جو کہ بہت آسان طریقے سے سمجھائے گئے ہیں ۔ بقایا یونٹس بھی جلد اپلوڈ کیے جائیں گے ۔
Unit 1(All Lectures)

Exercise 1.2 Class 9 Maths Punjab Board | Class 9th Math New Book Exercise 1.3| 9Th Class Math New Book 2025 Exercise 1.3|| PCTB || National Curriculum of Pa...

14/09/2025

میتھ 9 کلاس میں اگر 100فیصد نمبر حاصل کرنا چاہتے ہیں تو اس چینل کو سبسکرائب کرکے تیاری شروی کر لیں ۔ اس چینل پر پہلے یونٹس کے مکمل لیکچرز ہیں جو کہ بہت آسان طریقے سے سمجھائے گئے ہیں ۔ بقایا یونٹس بھی جلد اپلوڈ کیے جائیں گے ۔
Unit 1(All Lectures)

https://youtu.be/M_LU9rP00XU?si=aON4Xsa7G820AAkh

10/09/2025

خوبصورت خط کی اہمیت اور ضرورت
خطاطی اور خوبصورت لکھائی انسان کی شخصیت کا عکس ہے۔ آج کل بہت سے طلبہ و طالبات کی لکھائی اتنی خراب ہے کہ پڑھنے والے کو سمجھنا مشکل ہو جاتا ہے۔ استاد بار بار سمجھاتے ہیں لیکن خاطر خواہ تبدیلی نہیں آتی۔ دراصل، خوشخطی نہ صرف امتحانی کاپی میں مددگار ہے بلکہ زندگی کے ہر شعبے میں ایک انسان کو نمایاں کرتی ہے۔

کسی شاعر نے کیا خوب کہا ہے:
"خوبصورت لفظ، خوشخط تحریر
انسان کو بناتی ہے باوقار تصویر"

طلبہ کی زندگی میں خوشخطی کی اہمیت بے حد ہے۔ صاف اور واضح لکھائی قاری کو سکون دیتی ہے اور پیغام کو سمجھنا آسان بناتی ہے۔ اس کے برعکس، خراب اور الجھی ہوئی لکھائی پڑھنے والے کو تھکا دیتی ہے اور اکثر امتحان میں نمبر کم ہونے کی وجہ بنتی ہے۔

یہاں والدین کا کردار نہایت اہم ہے۔ اکثر اسکول میں اساتذہ ہدایت دیتے ہیں، مگر گھر پر ان ہدایات پر عمل نہیں ہوتا۔ لہٰذا ہر سرپرست کو چاہیے کہ وہ اپنے بچوں کی لکھائی پر خصوصی توجہ دیں۔ صرف نصیحت کافی نہیں، بلکہ روزانہ مشق کرانے کی عادت ڈالنی ضروری ہے۔

شاعر کے الفاظ میں:
"محنت کا میٹھا پھل ہمیشہ ملتا ہے
جو مشق کرے وہی کامیاب ہوتا ہے"

تحقیق سے یہ بات ثابت ہو چکی ہے کہ باقاعدہ مشق سے ہی لکھائی خوبصورت بنتی ہے۔ اسی لیے ضروری ہے کہ ہر بچہ روزانہ کم از کم 3 سے 5 صفحات خوشخطی کی مشق کرے۔ اس سے نہ صرف ہاتھ میں روانی پیدا ہوگی بلکہ حروف میں ترتیب اور صفائی بھی آ جائے گی۔

والدین چاہیں تو بچوں کے لیے الگ کاپی رکھیں اور ہر ہفتے اس کا جائزہ لیں۔ بچوں کو حوصلہ دینا بھی ضروری ہے، کیونکہ حوصلہ افزائی کے بغیر کوئی بچہ طویل عرصے تک مشق جاری نہیں رکھ سکتا۔ اگر استاد اور والدین دونوں مل کر توجہ دیں تو بہت جلد شاندار نتائج سامنے آئیں گے۔

خوشخطی کے لیے چند آسان تدابیر یہ ہیں:

حروف کو برابر اور سیدھا لکھنا۔

لائن کا خیال رکھنا۔

الفاظ کے درمیان مناسب فاصلہ رکھنا۔

جلد بازی سے بچنا۔

اچھی قلم اور کاپی کا استعمال کرنا۔

جیسا کہ شاعر کہتا ہے:
"خط میں صفائی ہو، الفاظ میں روشنی
یہی ہے علم کی پہچان، یہی ہے شخصیت کی خوبی"

یہ صرف امتحان کی بات نہیں، بلکہ مستقبل میں نوکری کے درخواست نامے، اہم کاغذات یا کسی بھی جگہ لکھائی کی اپنی پہچان ہوتی ہے۔ خوبصورت لکھائی بعض اوقات انسان کو اضافی عزت اور مقام عطا کرتی ہے۔

اس لیے والدین سے گزارش ہے کہ اپنے بچوں کو روزانہ لکھائی کی مشق کرائیں، چاہے کچھ ہی وقت کے لیے کیوں نہ ہو۔ صبر اور محنت کے ساتھ چند ماہ میں فرق نمایاں ہو گا۔ اچھی لکھائی نہ صرف بچے کا اعتماد بڑھائے گی بلکہ اس کی تعلیم میں بھی اسے آگے لے جائے گی۔

جیسا کہ کہا گیا ہے:
"مشق سے بنتی ہے ہر چیز آسان
محنت سے روشن ہوتا ہے انسان"

اگر اپ کا بچہ کسی بھی کلاس میں ہیں اور اس کی اردو اور انگلش کی رائٹنگ ٹھیک نہیں. تو بیسٹ فیوچر اکیڈمی سے رابطہ کرے صرف دو مہینے میں اپ کے بچے کی رائٹنگ بہترین طریقے سے درست کی جائے گی. .

10/09/2025

پاکستان میں رہتے ہوئے کہیں بھی کسی بھی تلخ کلامی یا جھگڑے کو طول نہ دیں۔ قصور کس کا ہے صحیح اور غلط کی پرواہ کیے بنا وہاں سے معذرت کرکے چلے جائیے۔ کسی کا ترش لہجہ، بدتمیزی اور حتی کہ گالی بھی کھا کر اس سے معذرت کیجیے اور اپنی عزت و جان بچائیے۔ آپ بہت قیمتی ہیں اپنے والدین اور بیوی بچوں کے لیے۔ یہاں لوگ اپنے حالات سے بے حد Frustrated ہیں۔ مرنے مارنے پر ایک لمحے میں آجاتے ہیں۔ یہ چیز کم نہیں ہوگی ابھی اور بڑھنی ہے۔ جن معاشروں سے انصاف کا جنازہ نکل جاتا ہے۔ وہاں اس سے برے دن آتے ہیں۔
اپنا دامن اس گند سے آپ نے خود ہی بچانا ہے۔

01/09/2025

السلام علیکم امید کرتا ہوں تمام اسٹوڈنٹ خیریت سے ہوں گے
نویں جماعت کے وہ تمام طالب علم جن کو ریاضی کے نئے سلیبس میں کوئی مسئلہ ہے تو میرے اس چینل کو سبسکرائب کریں کیونکہ اس چینل پر میں تمام سلیبس کو ایکسرسائز وائز اپ لوڈ کروں گا

Exercise 1.1 Class 9 Maths Punjab Board | Class 9th Math New Book Exercise 1.1 | 9Th Class Math New Book 2025 Exercise 1.1 || PCTB || National Curriculum of ...

01/09/2025

محترم وزیرِ تعلیم رانا سکندر حیات صاحب!

انتہائی ادب و احترام کے ساتھ گزارش ہے کہ حالیہ سیلاب نے پنجاب کے نصف حصے کو شدید متاثر کیا ہے۔
ہزاروں طلبہ و طالبات اپنی تعلیمی سرگرمیوں سے محروم رہے اور کئی ادارے عرصہ دراز تک بند رہے۔
ایسی مشکل گھڑی میں طلباء پہلے ہی ذہنی دباؤ کا شکار ہیں۔

مزید یہ کہ اس سال جماعت نہم اور گیارہویں کا نیا نصاب متعارف کرایا گیا ہے،
جو پہلے سے زیادہ طویل اور مشکل ہے۔
امتحانات قریب ہیں، وقت انتہائی کم ہے اور نصاب بہت زیادہ ہونے کی وجہ سے
طلباء کو اس کو مکمل کرنے اور اچھی تیاری کرنے میں شدید مشکلات درپیش ہیں۔

ہماری مخلصانہ درخواست ہے کہ اس بار بھی *مختصر نصاب (سمارٹ سلیبس)* جاری فرما دیا جائے
تاکہ تمام طلباء برابری کے ساتھ امتحانات کی تیاری کر سکیں،
بہتر نتائج حاصل ہوں اور والدین و اساتذہ بھی مطمئن ہوں۔

یہ فیصلہ آپ کی طلبہ دوستی، تعلیم دوستی اور دور اندیش قیادت کا ایک روشن ثبوت ہوگا۔
یقیناً ہزاروں طلباء و والدین آپ کو دل کی گہرائیوں سے دعائیں دیں گے۔

اللہ تعالیٰ آپ کو صحت، عزت اور کامیابی عطا فرمائے
اور آپ کی قیادت میں پنجاب کا تعلیمی نظام مزید ترقی کرے۔ آمین۔

27/08/2025

25/08/2025

نہم جماعت کی کمپیوٹر سائنس کی کتاب: ایک سنجیدہ گزارش

میں نہم جماعت کی کمپیوٹر سائنس کی کتاب کے حوالے سے اپنی چند گزارشات پیش کرنا چاہتا ہوں۔ یہ کسی قسم کی تنقید نہیں بلکہ خالصتاً ایک تعمیری رائے ہے تاکہ نصاب واقعی بچوں کے لئے مفید اور قابلِ فہم بنایا جا سکے۔ میری درخواست ہے کہ کتاب کے مصنفین اور نظرثانی کمیٹی کے معزز اراکین کو موقع دیا جائے کہ وہ یہ کتاب خود کسی سرکاری اسکول میں پڑھا کر دیکھیں۔ اس تجربے سے وہ ان عملی مشکلات کو بہتر طور پر سمجھ سکیں گے جن کا سامنا اساتذہ اور طلبہ روزانہ کرتے ہیں۔

اساتذہ کی نمائندگی کی ضرورت

کتاب کی تیاری میں عملی تدریس کرنے والے اساتذہ کو شامل نہیں کیا گیا۔ یہ وہ افراد ہیں جو براہِ راست بچوں کو پڑھاتے ہیں اور سب سے بہتر جانتے ہیں کہ ایک باب کو کس طرح پڑھایا جا سکتا ہے، اور بچوں کے لیے کون سا مواد مفید اور کون سا بوجھ بن جاتا ہے۔ اگر ان کی رائے شامل کی جائے تو یہ نصاب مزید مؤثر اور حقیقت کے قریب ہوگا۔

مارکس ڈسٹریبیوشن اور کتاب کا بوجھ

یہاں سب سے بڑا مسئلہ مواد اور امتحان کے درمیان عدم توازن ہے۔
• کل نمبر: 50
• کل ابواب: 12

MCQs:
پیپر میں 10 ایم سی کیوز آتے ہیں جبکہ کتاب میں 12 ابواب ہیں۔ اس کا مطلب ہے کہ دو ابواب ایسے ہوں گے جن سے کوئی ایم سی کیو نہیں آئے گا۔ اگر ایک طالب علم نے پورے باب کو محنت سے پڑھا لیکن امتحان میں اس باب سے کوئی سوال نہ آیا تو اس کی محنت ضائع گئی۔

شارٹ سوالات:
پیپر میں 12 شارٹ سوالات آتے ہیں اور کتاب بھی 12 ابواب پر مشتمل ہے۔ اس کا مطلب یہ ہے کہ ہر باب سے صرف ایک سوال آئے گا۔ ایک مکمل باب، جس کے اوسطاً 25 صفحات ہیں، اس کا پورا حاصل صرف ایک شارٹ سوال پر محدود ہے۔

لانگ سوالات:
پیپر میں کل صرف 2 لانگ سوال آتے ہیں۔ اس کا مطلب ہے کہ بارہ ابواب میں سے تقریباً 6 ابواب کو ملا کر صرف ایک لانگ سوال دیا جاتا ہے۔ یوں کئی ابواب ایسے رہ جاتے ہیں جن پر بچوں نے بھرپور محنت کی ہوتی ہے لیکن امتحان میں ان کی محنت کا عکس سامنے ہی نہیں آتا۔

کتاب کے صفحات:
کل 261 صفحات پر مشتمل اس کتاب میں اوسطاً ہر باب 25 صفحات پر محیط ہے۔ اس حساب سے ایک طالب علم کو صرف 3 یا زیادہ سے زیادہ 5 نمبر کے سوال کے لئے 25 صفحات رٹنے پڑتے ہیں۔ یہ سراسر غیر متوازن صورتحال ہے جس سے بچے نہ صرف ذہنی دباؤ کا شکار ہوتے ہیں بلکہ ان میں پڑھنے کا شوق بھی ختم ہو جاتا ہے۔

زمینی حقیقت

تعلیمی سال کے دن نکال کر اصل تدریسی ایام تقریباً 145 بنتے ہیں۔ اس حساب سے ایک طالب علم کو روزانہ اوسطاً 2 صفحات یاد کرنے پڑتے ہیں تاکہ صرف چند نمبر کے سوال کی تیاری ہو سکے۔ اگر امتحان میں سوالات ذرا مختلف انداز سے آجائیں تو بچے بہت مشکل میں پھنس جاتے ہیں۔

میری گزارش

میری یہ درخواست ہے کہ اس کتاب کے مواد کو دوبارہ نظرثانی کے عمل سے گزارا جائے:
• مواد کو مختصر، سادہ اور زیادہ کانسپچوئل بنایا جائے تاکہ بچے صرف رٹنے کے بجائے سمجھ سکیں۔
• ابواب اور مارکس ڈسٹریبیوشن کو متوازن کیا جائے تاکہ ہر باب کی محنت امتحان میں منصفانہ طور پر سامنے آئے۔
• آئندہ نصاب سازی میں تدریسی تجربہ رکھنے والے اساتذہ کو لازمی طور پر شامل کیا جائے تاکہ کتاب زمینی حقائق کے مطابق ہو

نتیجہ

میری یہ گزارش کسی تنقید کے جذبے سے نہیں بلکہ بچوں کی بہتری کے لیے ہے۔ اگر ان نکات پر غور کیا جائے تو نہ صرف طلبہ کو فائدہ ہوگا بلکہ یہ تعلیمی نظام کی بہت بڑی بہتری بھی ہوگی۔

22/08/2025

📱 موبائل فون الرٹ 📱
گزشتہ روز پاکستان میں لاکھوں لوگوں کے موبائل فونز میں اچانک کال ڈسپلے / ڈائلر ایپ کا ڈیزائن بدل گیا۔ کافی لوگوں نے دیکھا کہ ان کے موبائل کی سیٹنگز خود بخود بدل گئی ہیں اور سب یہ سوچ کر حیران ہیں کہ یہ ایک ساتھ سب کے فونز پر کیسے ہوا؟ 🤔

🔹 حقیقت یہ ہے کہ یہ کوئی مسئلہ، ہیکنگ یا موبائل کمپنی کا قصور نہیں ہے۔
🔹 اصل میں یہ تبدیلی Google Phone (Dialer) App کے ایک آفیشل اپ ڈیٹ کے ذریعے کی گئی ہے۔
🔹 یہ اپ ڈیٹ ایک ہی وقت میں پاکستان سمیت کئی ملکوں کے صارفین کو ملا ہے، اسی لیے سب کے موبائلز پر ایک ساتھ تبدیلی نظر آئی۔

👉 یاد رکھیں:

یہ ایک نارمل سافٹ ویئر اپ ڈیٹ ہے، اس میں گھبرانے یا فکر کرنے کی کوئی ضرورت نہیں۔

اگر آپ نے Play Store میں Auto Update آن کیا ہوا ہے تو ایپس نئی ورژن پر خود بخود اپ ڈیٹ ہو جاتی ہیں، اسی لیے یہ ڈیزائن اچانک بدل گیا۔

🔹 اگر آپ کو نیا ڈیزائن پسند نہیں اور پرانا واپس لانا چاہتے ہیں تو:

1. موبائل کی Settings میں جائیں۔

2. Apps → Google Phone پر کلک کریں۔

3. وہاں جا کر Uninstall Updates پر دبائیں۔
اس سے پرانا ڈیزائن واپس آ جائے گا۔

🔹 اس کے علاوہ اگر آپ دوسرا ڈائلر استعمال کرنا چاہتے ہیں تو Play Store سے کوئی بھی Alternative Dialer App انسٹال کر سکتے ہیں، جیسے:

True Phone Dialer

Drupe Dialer

✅ اس لیے سب کو مطمئن رہنا چاہیے، یہ کوئی ہیک یا مسئلہ نہیں بلکہ گوگل کی طرف سے ایک نارمل اپ ڈیٹ ہے۔

22/08/2025

*چین نے تعلیم کے میدان میں ایک انقلابی قدم اٹھایا ہے، جس کے تحت مصنوعی ذہانت (AI) کی تعلیم چھ سال کی عمر سے بچوں کے لیے لازمی قرار دے دی گئی ہے۔* یہ پالیسی یکم ستمبر 2025 سے نافذ ہوگی، جس کے بعد چھوٹے بچوں کو ابتدائی تعلیم کے ساتھ ساتھ مصنوعی ذہانت سے متعارف کرایا جائے گا تاکہ انہیں ڈیجیٹل دور کے لیے بہتر طور پر تیار کیا جا سکے۔

اس نئے اقدام میں ٹیکنالوجی کی ابتدائی تعلیم میں اہمیت کو اجاگر کیا گیا ہے اور مقصد یہ ہے کہ نئی نسل کو کم عمری سے ہی مصنوعی ذہانت کی بنیادی مہارتیں سکھائی جائیں۔

یہ فیصلہ چین کی ان کوششوں کا حصہ ہے جن کے ذریعے وہ دنیا میں AI کی جدت اور تعلیمی ترقی میں سبقت لینا چاہتا ہے۔ اسکول کے نصاب میں مصنوعی ذہانت کو شامل کر کے، چین ایک ایسی نئی نسل تیار کرنے جا رہا ہے جو ٹیکنالوجی کے میدان میں ماہر ہوگی۔

ممکن ہے کہ دیگر ممالک بھی اس پالیسی سے متاثر ہو کر اپنی تعلیم میں اسی طرح کی تبدیلیاں لے آئیں، کیونکہ دنیا تیزی سے ڈیجیٹل تبدیلی کی طرف بڑھ رہی ہے۔