District Education Authority Rahim Yar Khan

ڈسٹرکٹ رحیم یار خان... ہر کام میں آگے، ہر میدان میں صفِ اول!

صادق آباد: سی ای او ایجوکیشن ڈاکٹر محمد اعظم رانا کی ہدایت پر سکولوں کی چھتوں کی صفائی مکمل

صادق آباد (رپورٹ): چیف ایگزیکٹو آفیسر ایجوکیشن، ڈاکٹر محمد اعظم رانا کی خصوصی ہدایات کی روشنی میں، گرمیوں کی تعطیلات اور متوقع مون سون بارشوں کے پیشِ نظر تحصیل صادق آباد کے تمام سرکاری سکولوں کی چھتوں کی صفائی کا عمل مکمل کر لیا گیا ہے۔

سکول عمارتوں کو ممکنہ نقصان سے محفوظ رکھنے اور بارش کے پانی کی نکاسی کو یقینی بنانے کے لیے یہ مہم ہنگامی بنیادوں پر چلائی گئی۔ اس سلسلے میں ڈپٹی ڈسٹرکٹ ایجوکیشن آفیسر ریاض احمد بھٹہ کی سربراہی میں تمام اسسٹنٹ ایجوکیشن آفیسرز (AEOs) نے اپنی نگرانی میں صفائی کے کام کو پایۂ تکمیل تک پہنچایا۔

ضلعی انتظامیہ کی جانب سے کیے گئے اس بروقت اقدام کا مقصد برسات کے موسم میں سکول عمارتوں کو محفوظ رکھنا اور کسی بھی ناگہانی صورتحال سے بچاؤ کو یقینی بنانا ہے۔