Nida Khan Residential School

📚 یومِ تکریمِ اساتذہ پر خراجِ عقیدت 📚

> "اگر دنیا میں کوئی پیشہ سب سے زیادہ مقدس ہے، تو وہ تدریس ہے۔
استاد وہ ہاتھ ہے جو قوموں کی قسمت لکھتا ہے۔"

آج کا دن اُن عظیم شخصیات کے نام جن کی محنت سے جہالت مٹتی ہے،
اور علم کے چراغ روشن ہوتے ہیں۔

ندا خان ریزیڈنشل اسکول اپنے تمام اساتذہ کو دل کی گہرائیوں سے سلامِ عقیدت پیش کرتا ہے۔
آپ کی رہنمائی، خلوص اور قربانیاں ہمارے طلبہ کے مستقبل کی بنیاد ہیں۔

دنیا بھر کے اساتذہ کو یومِ اساتذہ مبارک
اللہ آپ کے علم، کردار اور خدمات کو امت کی رہنمائی کا ذریعہ بنائے۔

استاد… آپ صرف رہبر نہیں، روشنی کا استعارہ ہیں۔

منجانب۔
ندا خان
ڈائریکٹر ، ندا خان ریزیڈنشل سکول، کوئٹہ

ایک متعلم کے لئے سمندر کی مچھلیاں اور فضا میں اڑتے پتنگے بھی دعاے مغفرت کرتے ہیں

علم و دانش کی اِک مثال ہے تعلیم
علم زیور ہے باکمال ہے تعلیم

دولتِ لازوال ہے تعلیم
نورِ باطن ، جمال ہے تعلیم

صُبح روش کی اِک نوید رَسا
ماہِ نَو کا ہِلال ہے تعلیم

🌟 ندا خان ریزیڈنشل سکول کی شاندار کامیابی 🌟

الحمدللہ ثم الحمدللہ!

ندا خان ریزیڈنشل سکول کے چار ہونہار طلباء نے کیڈٹ کالج مارگلہ مری میں اپنی قابلیت، محنت اور عزم سے جماعت ہشتم میں داخلہ حاصل کرلیا ہے۔
یہ کامیابی نہ صرف ان بچوں کی انتھک جدوجہد اور والدین کی دعاؤں کا نتیجہ ہے بلکہ ادارے کی معیاری تعلیم، اعلیٰ تربیت اور جہدِ مسلسل کا بھی ثمر ہے۔

📚 ندا خان ریزیڈنشل سکول ہمیشہ سے اس عزم پر قائم ہے کہ وہ طلباء کو بہترین علمی ماحول، عمدہ اخلاقی تربیت اور مستقبل سنوارنے کی وہ تمام راہیں فراہم کرے جن سے وہ اپنی ذات، خاندان، قوم اور ملت کیلئے باعثِ فخر بن سکیں۔

یہ کامیابی اس بات کی دلیل ہے کہ جب ادارے کی محنت، اساتذہ کی رہنمائی، والدین کی دعا اور طالب علم کا خلوص یکجا ہوجائے تو کامیابی خود راستہ بنا لیتی ہے۔

🌸 دعا ہے کہ اللہ تعالیٰ ان طلباء کو علم و ہنر کی معراج تک پہنچائے، اور ادارے کی یہ تعلیمی کاوشیں ہمیشہ اسی جوش و جذبے کے ساتھ جاری رہیں۔ آمین 🤲

ڈائریکٹر سکول
*ندا خان*

ہم نے منزل کی جب بھی ٹھانی ہے

سمٹ کے فاصلے گھٹ سے گئے ہیں

خدا تجھے کسی طُوفاں سے آشنا کر دے
کہ تیرے بحر کی موجوں میں اضطراب نہیں
تجھے کتاب سے ممکن نہیں فراغ کہ تُو
کتاب خواں ہے مگر صاحبِ کتاب نہیں

اقبال

"جہاں قلم اُٹھتا ہے، وہاں ظلم جھکتا ہے۔"
تعلیم ہی وہ طاقت ہے جس سےجہالت کے اندھیروں کو روشنی میں بدلا جا سکتا ہے۔ آئیں بلوچستان کو علم کا گہوارہ بنائیں اور اپنے بچوں کا مستقبل تابناک بنائیں ۔

ایسے رہا کرو کہ کریں لوگ آرزو
ایسا چلن چلو کہ زمانہ مثال دے۔۔

✨ نیا اسلامی سال 1447 ہجری مبارک ✨
ندا خان ریزیڈنشل سکول کوئٹہ کی جانب سے پوری امتِ مسلمہ کو نئے ہجری سال 1447 کی دلی مبارکباد پیش کی جاتی ہے۔

یہ سال ہمارے لیے امن، برکت، اخوت اور روحانی ترقی کا پیغام لے کر آئے۔
آئیے ہم ہجرتِ نبوی ﷺ کے پیغام کو یاد کرتے ہوئے صبر، قربانی اور مقصدِ حیات کی طرف واپس لوٹیں۔

🌙 تمام عالم اسلام کو نیا ہجری سال بہت بہت مبارک ہو!

علم اک روشنی کی صورت ہے
علم دونوں جہاں کی دولت ہے
علم کا سیکھنا شعور ِ حیات
علم سکھلانا اک عبادت ہے

گر تو افلاطون و لقمانی بہ علم
من بہ یک دیدار نادانت کنم

مولانا رومی

قلم گوید کہ من شاہ جہانم
قلم کش را بدولت می رسانم