28/04/2026
باعثِ افتخار اور قابلِ تحسین کارکردگی
آج جناب ڈپٹی ڈسٹرکٹ ایجوکیشن آفیسر (مردانہ) تحصیل پپلاں، محترم ملک منیر سبحانی صاحب کو شاندار کارکردگی کے اعتراف میں چیف ایگزیکٹو آفیسر، ڈسٹرکٹ ایجوکیشن اتھارٹی میانوالی، جناب نذیر چھینہ صاحب کی جانب سے Appreciation Letter سے نوازا گیا۔
یہ اعزاز انہیں اس بہترین کارکردگی پر دیا گیا، جس میں انہوں نے انرولمنٹ مہم کے دوران مقررہ ٹارگٹ کو نہ صرف کامیابی سے مکمل کیا بلکہ بیک رینج کو بھی کور کرتے ہوئے اپنا ہدف احسن انداز میں حاصل کیا۔ اس غیر معمولی کامیابی کے نتیجے میں تحصیل پپلاں نے ضلع میانوالی میں نمایاں مقام حاصل کیا، جو ایک بڑی کامیابی اور بہترین انتظامی صلاحیتوں کا مظہر ہے۔
جناب ملک منیر سبحانی صاحب کی قیادت، انتھک محنت، لگن، جذبہ خدمت اور مؤثر حکمتِ عملی نے ثابت کیا کہ مخلص قیادت ہمیشہ نمایاں نتائج دیتی ہے۔ ان کی زیر نگرانی ٹیم نے بھی بھرپور محنت اور ذمہ داری کا مظاہرہ کیا، جس کی بدولت یہ سنگِ میل عبور کیا گیا۔
یہ کامیابی نہ صرف محکمہ تعلیم کے لیے باعثِ فخر ہے بلکہ دیگر افسران اور اداروں کے لیے بھی ایک روشن مثال ہے کہ خلوص نیت، مسلسل محنت اور درست منصوبہ بندی سے ہر ہدف حاصل کیا جا سکتا ہے۔
جناب ملک منیر سبحانی صاحب، ان کی پوری ٹیم اور چیف ایگزیکٹو آفیسر جناب نذیر چھینہ صاحب کو اس حوصلہ افزائی اور کامیابی پر دلی مبارکباد۔ دعا ہے کہ اللہ تعالیٰ آپ سب کو مزید ترقی، کامیابی اور عزت عطا فرمائے۔
