SDEO Hamayun Khan

سب ڈویژنل ایجوکیشن آفیسر ڈیرہ ڈاکٹر محمد ہمایوں خٹک کے مختلف سرکاری اسکولوں کے دورے

ڈیرہ اسماعیل خان (تعلیمی رپورٹر)
تعلیم کے معیار اور اسکولوں کے نظم و ضبط کو مزید بہتر بنانے کے لیے سب ڈویژنل ایجوکیشن آفیسر ڈیرہ ڈاکٹر محمد ہمایوں خٹک نے آج مختلف سرکاری اسکولوں کا تفصیلی دورہ کیا۔
دورے میں شامل اسکولوں میں گورنمنٹ پرائمری اسکول یارک نمبر 1، 2، 3، مہرابی، معظم نمبر 1، بہادری، وانڈہ ہیبتی، گلوٹی نمبر 1، 2 اور وانڈہ شیر خان شامل تھے۔

ڈاکٹر محمد ہمایوں خٹک نے اسکولوں میں اسمبلی کے نظم و ضبط، وائٹ واش، صفائی ستھرائی، تختی اور سلیٹ کے درست استعمال، طلباء کی حاضری، اور کلاس لیول کے مطابق تعلیمی چارٹس کا تفصیلی جائزہ لیا۔

انہوں نے اساتذہ پر زور دیا کہ وہ طلباء کی روزانہ حاضری کو یقینی بنائیں، اسمبلی کو تربیت و نظم و ضبط کا عملی مظہر بنائیں، اور کلاس رومز میں تعلیمی ماحول مزید بہتر بنانے کے لیے اپنی تمام تر صلاحیتیں بروئے کار لائیں۔

ڈاکٹر ہمایوں خٹک نے بعض اسکولوں میں اساتذہ اور ہیڈ ٹیچرز کی بہترین کارکردگی کو سراہا اور انہیں خراجِ تحسین پیش کیا۔
ان کا کہنا تھا کہ "تعلیم محض کتابوں تک محدود نہیں، بلکہ بچوں کی شخصیت سازی اور نظم و ضبط کی تربیت کا نام ہے۔"

آخر میں انہوں نے کہا کہ اگر اسی جذبے سے تمام اساتذہ کام کرتے رہے تو سب ڈویژن ڈیرہ میں تعلیمی انقلاب ناگزیر ہے۔

گورنمنٹ پرائمری سکول بستی ترین ڈیرہ اسماعیل خان میں سکول لیڈرز کے ساتھ میٹنگ ، مقامی و قومی اخبارات میں کوریج

اخبارات میں کوریج

گورنمنٹ پرائمری سکول بستی ترین ڈیرہ اسماعیل خان میں میٹنگ ، مقامی و قومی اخبارات میں کوریج

مقام: گورنمنٹ پرائمری اسکول، بستی ترین
گورنمنٹ پرائمری اسکول، بستی ترین میں سب ڈویژنل ایجوکیشن آفیسر ڈاکٹر ہمایوں خان خٹک کی زیر صدارت ایک اہم اجلاس منعقد ہوا۔

اجلاس کے دوران ڈاکٹر ہمایوں خان خٹک نے بستی ترین کو اسٹیشن آفس کا درجہ دیا اور اسکول لیڈرز کو اسٹیشن آفس کی ذمہ داریاں تفویض کیں، اور تعلیمی نظام کی بہتری کے لیے اسکول لیڈرز کو درج ذیل اہم ذمہ داریاں سونپیں:

تفویض کردہ ذمہ داریاں:
1️⃣ اسکولوں کی جامع رپورٹ تیار کرنا

• سب ڈویژن تمام کے اسکولوں کی مکمل رپورٹ تیار کی جائے، جس میں درج ذیل نکات شامل ہوں:�
◦ اسکول کی بجلی کی فراہمی اور بلوں کی تفصیل
◦ اسکول کی عمارت کی حالت (کلاس رومز، چار دیواری، ٹوائلٹس، اسکول گیٹ وغیرہ)
◦ اسکول کی دیگر سہولیات کی دستیابی اور ان کی حالت
◦ موجودہ انرولمنٹ اور انرولمنٹ کے اہداف
•

2️⃣ فارمیٹ کی تیاری

• اسکولوں کی بنیادی معلومات جمع کرنے کے لیے ایک معیاری فارمیٹ تیار کیا جائے، تاکہ رپورٹنگ اور ریکارڈ کو مؤثر بنایا جا سکے۔

اضافی ہدایات:
✅ اسکول لیڈرز گرمیوں کی تعطیلات کے دوران سب ڈویژن کے تمام اسکولوں کے ماحول کو بہتر بنانے کے لیے منصوبہ بندی کریں گے۔
✅ اسکول لیڈرز کو ہدایت کی گئی کہ وہ اپنی ذمہ داریاں پوری لگن اور سنجیدگی سے ادا کریں، تاکہ نئے تعلیمی سال کے آغاز پر اسکول بہترین حالت میں دستیاب ہوں۔

آخر میں، ڈاکٹر ہمایوں خان خٹک نے اس عزم کا اظہار کیا کہ تمام اسکول لیڈرز اپنے فرائض کو احسن طریقے سے انجام دے کر تعلیمی معیار اور اسکول کے ماحول کو بہتر بنانے میں نمایاں کردار ادا کریں گے۔