Arbab e Zauq e Khyber

اور یوں اردو کے ساتھ ہمارا سفر شروع ہوتا ہے. خیبر میڈیکل کالج کے طلباء و طالبات ملک بھر میں ہونے والے ادبی مقابلہ جات میں ہمیشہ سے اپنی صلاحیتوں کا لوہا منواتے آرہے ہیں اور نمایاں پوزیشنز کے ساتھ ساتھ کئی ٹیم ٹرافیاں بھی اپنے نام کی ہیں۔ انہیں مقابلہ جات سے با خبر رہنا ہے تو "ارباب ذوق خیبر" کو جوائن کرنا نہ بھولیےگا جس کی سربراہی اس سال حق نواز خان کنڈی اور اسسٹنٹ ڈائریکٹر عائشہ جمیل اور سندس ہما کرہے ہیں۔ انشاء اللہ یہ ٹیم آپ کو میڈیکل کالجز میں منعقد ہونے والے مقابلوں کے بارے میں مکمل تفصیل فراہم کرے گی۔
اس ضمن میں اربابِ ذوقِ خیبر مختلف کالجز اور یونیورسٹیز کے نمائندوں سے رابطے میں رہے گی اور اردو کی ترویج و اشاعت اور ترقی کے لیے خیبر میڈیکل کالج اور باقی کالجز میں ہونے والے ویبینار، سیمینارز وغیرہ سے باخبر رہنے میں اور اُن میں شرکت کرنے میں مددگار ثابت ہوگی۔اسی طرح آئندہ ہونے والے مقابلہ جات اور اُن کی مورد تحفظ (کوریج) اربابِ ذوقِ خیبر کے اراکین ذوق و شوق سے سر انجام دیں گے ۔ علاوہ ازیں ، مختلف سماجی رابطے کی ویب سائٹس جیسے انسٹاگرام، ٹویٹر اور فیس بک کی مدد سے آپ کو ان مقابلہ جات کے بارے میں با خبر رکھا جائے گا۔
اس سوسائٹی کے قیام کا مقصد معاشرے میں ایسے باشندے پیدا کرنا ہے ہوں جو پراعتماد ،خوش گفتار اور قومی زبان کی ترویج و اشاعت کے لیے ہمیشہ کوشاں ہوں۔ یہ پلیٹ فارم آپ کو آپ کی گفتار و تحریر کے ہنر کو اجاگر کرنے اور اُن کو اُن کی درجہ کمال تک پہنچنے میں معاون ثابت ہوگی