Vc Tarnab 08 Tehsil Chamkani

08/08/2026

📢 تمام سکول سربراہان کے لیے اہم ہدایت

تمام سکول سربراہان سے گزارش ہے کہ نئے طلبہ و طالبات کا داخلہ کرتے وقت ان کی تاریخِ پیدائش درج کرنے میں خصوصی احتیاط سے کام لیا جائے۔

خاص طور پر بچے یا بچی کے بہن بھائیوں، جو پہلے سے کسی دوسرے سکول میں زیرِ تعلیم ہوں، کی تاریخِ پیدائش کے بارے میں والدین یا سرپرست سے مکمل معلومات حاصل کی جائیں۔ تاریخِ پیدائش درج کرتے وقت بہن بھائیوں کی عمروں میں قدرتی اور معقول وقفے کو ضرور مدنظر رکھا جائے۔

اگر بچہ یا بچی داخلے کے وقت والدین یا سرپرست کے ہمراہ نہ ہو تو ان سے موبائل فون کے ذریعے رابطہ کرکے درست معلومات حاصل کی جائیں۔

غلط یا غیر حقیقی تاریخِ پیدائش درج ہونے کی وجہ سے مستقبل میں بچوں کو، خصوصاً نادرا سے شناختی کارڈ بنواتے وقت، مشکلات کا سامنا کرنا پڑ سکتا ہے۔ اس لیے نئے داخل ہونے والے طلبہ و طالبات کی تاریخِ پیدائش درج کرتے وقت مکمل تحقیق اور درست معلومات کا حصول انتہائی ضروری ہے۔

درست پیدائش کا اندراج، بچے کے مستقبل کا تحفظ ہے۔

#نادرا

22/07/2026

� عوامی آگاہ

خیبر پختونخوا کے 7 اضلاع میں ویلیج و نیبرہڈ کونسلز کی حد بندی کا شیڈول جاری

الیکشن کمیشن آف پاکستان نے آئینِ پاکستان، الیکشن ایکٹ 2017، خیبر پختونخوا لوکل گورنمنٹ ایکٹ 2013 اور خیبر پختونخوا لوکل کونسلز (Delimitation) Rules, 2020 کے تحت 22 جولائی 2026 کو اہم نوٹیفکیشن جاری کر دیا ہے۔

اس نوٹیفکیشن کے مطابق درج ذیل اضلاع میں ویلیج کونسلز اور نیبرہڈ کونسلز کی نئی حد بندی (Delimitation) کی جائے گی:

📍 خیبر
📍 کرم
📍 مانسہرہ
📍 ملاکنڈ
📍 شانگلہ
📍 اپر چترال
📍 باجوڑ

📅 مکمل شیڈول

22 تا 27 جولائی 2026
✔ حد بندی کمیٹیوں کی تشکیل، نقشوں اور ریکارڈ کی فراہمی، انتظامی تیاری اور تربیت۔

28 جولائی تا 28 اگست 2026
✔ ابتدائی حد بندی اور ویلیج/نیبرہڈ کونسلز کی ابتدائی فہرست کی تیاری۔

29 تا 31 اگست 2026
✔ ابتدائی فہرست شائع کی جائے گی تاکہ عوام اپنے اعتراضات جمع کرا سکیں۔

1 تا 18 ستمبر 2026
✔ عوام، امیدوار اور متعلقہ افراد حد بندی پر اپنے اعتراضات جمع کرا سکیں گے۔

5 اکتوبر 2026 تک
✔ حد بندی اتھارٹی تمام اعتراضات پر فیصلے کرے گی۔

12 اکتوبر 2026 تک
✔ فیصلوں سے متعلقہ کمیٹیوں کو آگاہ کیا جائے گا۔

17 اکتوبر 2026
✔ ویلیج اور نیبرہڈ کونسلز کی حتمی حد بندی کا نوٹیفکیشن جاری ہوگا۔

عوام کے لیے اس کا کیا مطلب ہے؟

🔹 اگر کسی گاؤں، محلے یا وارڈ کی حدود میں تبدیلی تجویز کی جاتی ہے تو متعلقہ شہری مقررہ مدت کے اندر اعتراض یا تجویز جمع کرا سکتے ہیں۔

🔹 ابتدائی فہرست کی اشاعت کے بعد ہر شہری کو چاہیے کہ وہ اپنی کونسل کی حدود، آبادی اور متعلقہ تفصیلات کا جائزہ لے۔

🔹 مقررہ مدت گزرنے کے بعد موصول ہونے والے اعتراضات عام طور پر قابلِ سماعت نہیں ہوتے، اس لیے بروقت کارروائی ضروری ہے۔

اہم وضاحت

⚠️ یہ بلدیاتی انتخابات کا شیڈول نہیں بلکہ صرف حد بندی (Delimitation) کا شیڈول ہے۔

⚠️ اس نوٹیفکیشن میں صرف مذکورہ 7 اضلاع شامل ہیں۔ دیگر اضلاع کے لیے الگ نوٹیفکیشن جاری کیا جا سکتا ہے۔

⚠️ حتمی حد بندی مکمل ہونے کے بعد ہی الیکشن کمیشن بلدیاتی انتخابات کے انعقاد سے متعلق شیڈول جاری کرے گا۔

ماخذ:
الیکشن کمیشن آف پاکستان
نوٹیفکیشن نمبر: F.1(3)/2026-LGE-KP
مورخہ: 22 جولائ
2620

22/07/2026

*خیبر پختونخوا لوکل گورنمنٹ ایکٹ، 2013 میں مزید ترمیم کے لیے*

*چونکہ* خیبر پختونخوا لوکل گورنمنٹ ایکٹ، 2013 (خیبر پختونخوا ایکٹ نمبر XXVIII برائے 2013) میں ذیل میں مذکور اغراض کے لیے ترمیم کرنا مناسب ہے؛

لہٰذا اسے خیبر پختونخوا کی صوبائی اسمبلی کی جانب سے درج ذیل طور پر نافذ کیا جاتا ہے:

*1. مختصر عنوان اور نفاذ*
*(1)* اس ایکٹ کو *خیبر پختونخوا لوکل گورنمنٹ (ترمیمی) ایکٹ، 2026* کہا جائے گا۔
*(2)* یہ فوراً نافذ العمل ہوگا۔

*2. خیبر پختونخوا ایکٹ نمبر (XXVIII) کی دفعہ 6 میں ترمیم*
خیبر پختونخوا لوکل گورنمنٹ ایکٹ، 2013 کی دفعہ 6 کی ذیلی دفعہ (5) کے شق (c) کے بجائے مندرجہ ذیل شق شامل کی جائے گی:

*"(c) ایک ضلع کے اندر ولیج کونسل اور نیبرہڈ کونسل کی آبادی تیس ہزار (30000) سے چالیس ہزار (40000) کے درمیان ہوگی، جس میں دس فیصد (10%) کمی بیشی کی گنجائش ہوگی۔ یہ حساب ڈیجیٹل مردم شماری 2023 کی بنیاد پر لگایا جائے گا جو سرکاری طور پر شائع کی گئی ہو۔*

*بشرطیکہ* مخصوص حالات میں الیکشن کمیشن آف پاکستان، وجوہات ریکارڈ کرنے کے بعد، حکومت سے مشاورت کے بعد مذکورہ بالا شرائط میں سے کسی ایک سے استثنیٰ دے سکتا ہے۔"

*سادہ مطلب:*
اس نئی ترمیم کے مطابق اب ہر *ولیج کونسل / نیبرہڈ کونسل* میں آبادی *30,000 سے 40,000* تک ہونی چاہیے + 10% کمی بیشی کی اجازت ہے۔
یہ حساب *2023 کی ڈیجیٹل مردم شماری* کی بنیاد پر ہوگا۔
خاص حالات میں الیکشن کمیشن حکومت سے پوچھ کر اس شرط میں نرمی کر سکتا ہے۔

15/07/2026

15/07/2026

آرٹیکل کی تفصیلی وضاحت
اس شق میں خیبر پختونخوا کے بلدیاتی نظام کی آئندہ تنظیم نو (Reorganization) اور نئی حد بندی (Delimitation) کا طریقہ کار بیان کیا گیا ہے۔
سب سے پہلے اس میں کہا گیا ہے کہ خیبر پختونخوا لوکل کونسلز (حد بندی) رولز، 2020 کو منسوخ کیا جائے گا۔ اس کی بنیادی وجہ یہ ہے کہ 2020 کے قواعد موجودہ دو سطحی بلدیاتی نظام (Two-tier Local Government System) کے مطابق بنائے گئے تھے، جبکہ مجوزہ ترمیم میں حکومت بلدیاتی ڈھانچے کو تبدیل کر رہی ہے، لہٰذا پرانے قواعد قابلِ عمل نہیں رہیں گے۔
اس کے بعد الیکشن کمیشن کو ہدایت دی گئی ہے کہ وہ پاکستان بیورو آف اسٹیٹسٹکس (PBS) سے 2023 کی ڈیجیٹل مردم شماری کے تصدیق شدہ اعداد و شمار اور GIS Shape Files حاصل کرے۔ GIS Shape Files دراصل وہ ڈیجیٹل نقشے ہوتے ہیں جن کی مدد سے ہر علاقے کی جغرافیائی حدود درست انداز میں متعین کی جاتی ہیں۔
مزید یہ کہ 2023 کی مردم شماری کی بنیاد پر ان 24 اضلاع کی ابتدائی حد بندیوں پر دوبارہ نظرثانی کی جائے گی جن کی فہرستیں پہلے تیار کی جا چکی تھیں۔ نئی حد بندی میں آبادی، جغرافیہ، انتظامی سہولت اور قانونی تقاضوں کو مدنظر رکھا جائے گا۔
اس شق کا سب سے اہم حصہ یہ ہے کہ موجودہ 4,212 ویلج کونسلز اور نیبرہوڈ کونسلز کو ازسرِنو منظم کیا جائے گا، جس کے نتیجے میں پورے صوبے کے 38 اضلاع میں ان کی مجموعی تعداد کم ہو کر تقریباً 1,167 سے 1,634 یونٹس کے درمیان رہ جائے گی۔ اس کا مطلب ہے کہ متعدد موجودہ ویلج یا نیبرہوڈ کونسلوں کو ملا کر ایک نیا بلدیاتی یونٹ بنایا جا سکتا ہے۔
اس کے ممکنہ اثرات
موجودہ ویلج اور نیبرہوڈ کونسلوں کی حدود تبدیل ہو سکتی ہیں۔
کئی کونسلوں کو ضم (Merge) کیا جا سکتا ہے۔
بعض کونسلوں کے نام اور حدود تبدیل ہو سکتی ہیں۔
نئی مردم شماری کے مطابق ہر کونسل کی آبادی کا معیار دوبارہ مقرر ہوگا۔
مستقبل کے بلدیاتی انتخابات انہی نئی حد بندیوں کے مطابق ہوں گے۔
کیا اس سے ویلج کونسل سیکرٹری اور نائب قاصد کی ملازمت ختم ہو جائے گی؟
اس آرٹیکل میں کہیں بھی یہ نہیں لکھا گیا کہ ویلج کونسل سیکرٹری، نائب قاصد یا دیگر ملازمین کی ملازمت ختم کی جائے گی۔ اس میں صرف حد بندی، کونسلوں کی تنظیم نو اور یونٹس کی تعداد میں تبدیلی کا ذکر ہے۔
اگر حکومت دو یا تین ویلج کونسلوں کو ملا کر ایک نیا یونٹ بناتی ہے، تو ملازمین کے بارے میں الگ سے سروس رولز، ایڈجسٹمنٹ، تبادلے یا تعیناتی کا طریقہ کار جاری کیا جائے گا۔ کسی بھی سرکاری ملازم کی سروس صرف حد بندی تبدیل ہونے سے خود بخود ختم نہیں ہوتی، بلکہ اس کے لیے الگ قانونی بنیاد اور حکومتی فیصلہ درکار ہوتا ہے۔
نتیجہ
یہ آرٹیکل بنیادی طور پر بلدیاتی حلقہ بندیوں کی ازسرِنو تشکیل سے متعلق ہے، نہ کہ ملازمین کی سروس سے۔ البتہ اگر یہ ترمیم قانون بن جاتی ہے تو بلدیاتی اداروں کی ساخت، کونسلوں کی تعداد اور انتخابی حلقوں میں نمایاں تبدیلیاں متوقع ہیں۔ ملازمین کے مستقبل کے بارے میں حتمی رائے صرف اس وقت دی جا سکتی ہے جب مکمل ترمیمی قانون، سروس رولز اور حکومتی نوٹیفکیشن جاری ہو جائیں

08/07/2026

🚨 اہم خبر
نے لوکل گورنمنٹ ترمیمی بل 2026 کثرتِ رائے سے منظور کر لیا۔
ترمیمی بل کے مطابق:
✅ ولیج کونسل اور نیبرہڈ کونسل کی آبادی 30 ہزار سے 40 ہزار مقرر ہوگی۔
✅ اس اقدام کا مقصد بلدیاتی اداروں کو مزید مؤثر، مضبوط اور عوامی ضروریات کے مطابق بنانا ہے۔
✅ ترمیم کے بعد صوبہ بھر میں بلدیاتی حلقہ بندیوں، نمائندگی اور آئندہ بلدیاتی انتخابات کے انتظامی ڈھانچے میں اہم تبدیلیاں متوقع ہیں۔
نوٹ: یہ قانون اسمبلی سے منظور ہونے کے بعد عام طور پر گورنر کی منظوری اور سرکاری گزٹ میں اشاعت کے بعد نافذ العمل ہوتا ہے۔
منجانب:
اطلاعات برائے عوام

06/06/2026

عیدالاضحیٰ صفائی مہم 2026

عیدالاضحیٰ 2026 کے موقع پر خیبرپختونخوا بھر میں صفائی ستھرائی کے بہترین انتظامات کو یقینی بنانے کے لیے ایک جامع اور مؤثر صفائی مہم کامیابی کے ساتھ مکمل کی گئی۔ اس تاریخی کامیابی پر میں لوکل گورنمنٹ ڈیپارٹمنٹ، WSSP، ٹی ایم ایز (TMAs)، پی ڈی اے (PDA)، ویلیج کونسلز، اسسٹنٹ ڈائریکٹرز، سیکریٹریز، سینیٹیشن ورکرز، مانیٹرنگ ٹیموں، ضلعی انتظامیہ اور عوام الناس کو دلی مبارکباد اور خراجِ تحسین پیش کرتا ہوں جنہوں نے اپنی ذمہ داریاں انتہائی محنت، لگن اور احساسِ ذمہ داری کے ساتھ انجام دیں۔

عیدالاضحیٰ صفائی مہم 2026 کی نمایاں کارکردگی

🔹 3,960 آگاہی مہمات منعقد کی گئیں۔
🔹 16,651 اپنے وسائل جبکہ 3,185 آؤٹ سورس افرادی قوت تعینات کی گئی۔
🔹 15,581 کلیکشن پوائنٹس قائم کیے گئے۔
🔹 2,465 اپنی اور 980 آؤٹ سورس مشینری صفائی آپریشن میں استعمال کی گئی۔
🔹 282,751 ماحول دوست پلاسٹک بیگز شہریوں میں تقسیم کیے گئے۔
🔹 448 شکایات سیلز قائم کیے گئے تاکہ عوامی شکایات کا بروقت ازالہ یقینی بنایا جا سکے۔
🔹 مقررہ ہدف 50 ہزار ٹن کے مقابلے میں مجموعی طور پر 113,255 ٹن ویسٹ جمع کیا گیا جبکہ 110,558 ٹن ویسٹ محفوظ طریقے سے تل