Dr- Usman Shah Katlang

یومِ اقبال 9نومبر، 2025.....

گورنمنٹ کالج پشاور میں (CBS) کے زیراہتمام یومِ اقبال کے حوالے سے ایک شاندار اور پُرمغز تقریب کا انعقاد کیا گیا۔ تقریب کے مہمانِ خصوصی پرنسپل گورنمنٹ کالج پشاور، پروفیسر شفیع اللہ خٹک صاحب تھے، جنہوں نے طلبہ سے خطاب کرتے ہوئے علامہ اقبال کی شخصیت، فکر و فلسفہ اور ان کے پیغامِ خودی پر نہایت خوبصورت انداز میں روشنی ڈالی۔ اس موقع پر پروفیسر عبدالحمید افریدی، چیئرمین CBS و چیف پراکٹر ڈاکٹر عثمان شاہ کاٹلنگ، چیئرمین شعبۂ اردو پروفیسر عمران قریشی سمیت دیگر معزز اساتذہ کرام اور طلبہ کی بڑی تعداد نے شرکت کی۔ تقریب میں طلبہ نے تقاریر، نظمیں اور نعتیہ کلام پیش کر کے اقبال کے افکار کو خراجِ تحسین پیش کیا۔ آخر میں مہمانِ خصوصی نے طلبہ کی کارکردگی کو سراہا اور اس امر کا اظہار کیا کہ اقبال کے افکار آج کے نوجوانوں کے لیے مشعلِ راہ ہیں۔

Black 🖤 day..... Regarding
Kashmir.

گورنمنٹ کالج پشاور میں یومِ سیاہ کشمیر کی مناسبت سے تقریب اور واک کا انعقاد آج گورنمنٹ کالج پشاور میں 27 اکتوبر یومِ سیاہ کشمیر کے موقع پر سی بی ایس کے زیرِ اہتمام مظلوم کشمیریوں کے ساتھ اظہارِ یکجہتی کے لیے ایک پُرعزم تقریب اور واک کا اہتمام کیا گیا۔ تقریب میں پرنسپل گورنمنٹ کالج پشاور پروفیسر شفیع اللہ خٹک نے خصوصی شرکت کی۔ شرکاء سے خطاب کرتے ہوئے پرنسپل شفیع اللہ خٹک نے کہا کہ بھارت آغاز ہی سے کشمیری عوام پر ظلم و ستم ڈھا رہا ہے، اور ہم چاہتے ہیں کہ مسئلہ کشمیر کو اقوامِ متحدہ کی قراردادوں کے مطابق حل کیا جائے۔ انہوں نے کہا کہ پاکستانی قوم مظلوم کشمیری بھائیوں کے ساتھ سفارتی، اخلاقی اور اسلامی بنیادوں پر مکمل تعاون جاری رکھے گی اور ان کی آزادی کے لیے ہر فورم پر آواز بلند کرتی رہے گی۔ واک میں بڑی تعداد میں طلبہ نے شرکت کی جنہوں نے پاکستانی اور کشمیری پرچم اٹھا رکھے تھے۔ اس موقع پر سی بی ایس کے چیئرمین پروفیسر ڈاکٹر عثمان شاہ کاٹلنگ اور دیگر پروفیسرانِ کرام بھی موجود تھے۔

Institute of Safety 🛟🦺 & Health (ISH) session in Government College Peshawar.
Managing Director ISH,
Mr. Usman Ali, our old student.
Ma Shaa Allah.....

گورنمنٹ کالج پشاور میں انسٹیٹیوٹ آف سیفٹی اینڈ ہیلتھ (ISH) فقیر آباد، پشاور کے تعاون سے آگاہی سیمینار کا انعقاد: آج گورنمنٹ کالج پشاور کے مین ہال میں چیئرمین سی بی ایس ڈاکٹر عثمان شاہ کاٹلنگ اور ان کی ٹیم کے زیرِ اہتمام ایک آگاہی سیمینار کا انعقاد کیا گیا۔ جس سے انسٹیٹیوٹ آف سیفٹی اینڈ ہیلتھ (Institute of Safety and Health) کے مینجنگ ڈائریکٹر جناب عثمان علی نے خطاب کرتے ہوئے کہا کہ میں خود گورنمنٹ کالج پشاور کا طالب علم رہ چکا ہوں اس لیے اپنے مادر علمی کے طلبہ کے لیے ایک سو پچاس مفت یو ایس سرٹیفیکیٹس کا اعلان کرتا ہوں۔ انھوں نے طلبہ میں سیفٹی اینڈ ہیلتھ کورسز کے حوالے سے شعور اجاگر کرتے ہوئے کہا کہ آج کے نوجوانوں کے لیے اندرون ملک اور بیرون ملک باعزت روزگار میں ان کورسز کی بڑی اہمیت ہے، اس لیے طلبہ ایسے کورسز کا حصول یقینی بنائیں۔ اس سلسلے میں آئی ایس ایچ آپ کو ہر ممکن تعاون فراہم کرے گا۔ ان شآء اللّٰہ۔ پروگرام کے اختتام پر مسٹر عثمان علی نے پرنسپل صاحب اور سی بی ایس کے چیئرمین کو اپنے ادارے کے یادگاری شیلڈ پیش کیے۔

UN. IOM session in Government College Peshawar.

گورنمنٹ کالج پشاور میں IOM UN Migration کی جانب سے سی بی ایس گورنمنٹ کالج پشاور کی ٹیم کے ساتھ باہمی اشتراک میں ایک سیمینار کا انعقاد کیا گیا۔ جس میں طلبہ کو بیرون ملک جانے کے لیے قانونی ذرائع کے استعمال کی ہدایت دی گئی اور انھیں غیر قانونی ذرائع سے بیرون ملک جانے کے نقصانات اور خطرات سے آگاہ کیا گیا۔ تقریب کے اختتام پر یو این ۔آئی او ایم کی طرف سے طلبہ میں تحائف تقسیم کیے گئے۔ انھوں نے گورنمنٹ کالج پشاور کے پرنسپل صاحب اور سی بی ایس ٹیم کا شکریہ ادا کیا اور مستقبل میں بھی اس طرح کے مفید سیمینارز کے انعقاد کے لیے گورنمنٹ کالج پشاور کو تعاون کی یقین دہانی کرائی۔

Say No to Corruption.

#بدعنوانی_ایک_ناسور ‎نیب خیبر پختونخوا کی ہدایات کی روشنی میں کریکٹر بلڈنگ سوسائٹی گورنمنٹ کالج پشاور کے زیر اہتمام طلبہ کے مابین اردو اور انگریزی زبانوں میں تقریری مقابلہ ہوا۔ اردو میں طلبہ نے " بدعنوانی فرد ملت کے لیے زہر قاتل ہے" اور انگریزی میں "If we do our part, corruption will be caught" کے موضوع پر تقاریر پیش کیں۔ اس کے علاوہ طلبہ کے مابین اردو اور انگریزی میں بدعنوانی کے حوالے سے مضامین نویسی کا مقابلہ بھی ہوا۔ اسی طرح طلبہ نے پوسٹر پئنٹنگ کے ذریعے معاشرے سے بدعنوانی کے خاتمے کےلیے، اپنے خیالات صفحہ قرطاس پر منتقل کیں۔ اس پروگرام کے نظامت کے فرائض پروفیسر ڈاکٹر ساجد علی نے انجام دیے۔ اردو تقاریر کے مقابلوں میں پروفیسر ملک عمران قریشی اور پروفیسر شاہ سعود صاحب نے ججز کے فرائض انجام دئیے اور انگریزی تقاریر کے مقابلوں میں پروفیسر زرک خان اور پروفیسر مہتاب علی شاہ نے بطور ججز اپنی خدمات انجام دئیے۔ اس موقع پر چیئرمین کریکٹر بلڈنگ سوسائٹی ڈاکٹر عثمان شاہ صاحب نے طلبہ سے خطاب کیا۔ تقریب کے اختتام پر مقابلے کے آخر میں گورنمنٹ کالج پشاور کے پرنسپل پروفیسر شفیع اللہ صاحب نے پوزیشن ہولڈرز طلبا میں انعامات تقسیم کیے اور معاشرے سے بدعنوانی کے خاتمے کےلیے طلبہ میں شعور اجاگر کیا۔ ‎

گورنمنٹ کالج پشاور میں سیرتِ طیبہ کانفرنس۔

Sydney sees historic turnout for Ghaza........

Sydney sees historic turnout for Gaza protest as 300,000 join rally An estimated 300,000 people took to the streets of Sydney on Saturday in one of the largest demonstrations in the city’s recent history, protesting Israel's ongoing war on Gaza. Organised by a coalition of human rights groups, Palestinian solidarity networks, and local community organisations, the...