SST Welfare Association District Kurram KPK

📢 اساتذہ کے حقوق کے لیے احتجاجی مظاہرہ ✊

ضلع کرم میں ایس ایس ٹی ویلفئیر ایسوسی ایشن نے اگیگا و کوارڈینیشن کونسل کے زیرِ اہتمام پاراچنار میں احتجاجی مظاہرے میں بھرپور شرکت کی، جہاں اساتذہ برادری نے اپنے جائز مطالبات اور حقوق کے حق میں آواز بلند کی۔

مظاہرے سے ایس ایس ٹی یونین صدرمشتاق حسین اور سینئر نائب صدر سید گلفام نے خطاب کیا۔
انہوں نے اپنے خطاب میں اساتذہ کو درپیش مسائل، تعلیمی شعبے کی مشکلات اور اساتذہ کے حقوق کے تحفظ پر زور دیتے ہوئے کہا کہ اساتذہ کے جائز مطالبات کی منظوری تک جدوجہد جاری رہے گی۔

انہوں نے مزید کہا کہ ایک مضبوط اور معیاری تعلیمی نظام کے لیے اساتذہ کے مسائل کا حل ناگزیر ہے، اور اساتذہ برادری اپنے حقوق کے لیے متحد ہے۔

✊ اتحاد • جدوجہد • کامیابی

ڈسٹرکٹ کرم پاراچنار میں سید عادل حسین صاحب (SST M/P) کا تبادلہ گورنمنٹ ہائی سکول احمد زئی سے گورنمنٹ ہائی سکول ملانہ کر دیا گیا۔

📢 محکمہ تعلیم خیبر پختونخوا کی جانب سے پروموشنز کے عمل کو مزید شفاف، منظم اور بروقت بنانے کے لیے اہم اقدامات۔

اب تمام کیڈر ملازمین کی پروموشنز سال میں دو مرتبہ مقررہ شیڈول کے مطابق کی جائیں گی تاکہ ملازمین کو بروقت ترقی کے مواقع میسر آ سکیں اور تاخیر و بے ضابطگیوں کا خاتمہ ہو۔

✅ میرٹ، سینیارٹی اور شفافیت کو یقینی بنانے کی ہدایات جاری
✅ تمام دفاتر کو مقررہ ٹائم لائن پر عملدرآمد کا پابند بنایا گیا
✅ غیر ضروری تاخیر اور غیر رسمی دباؤ کی سختی سے ممانعت

یہ اقدام محکمہ تعلیم میں انصاف، اعتماد اور بہتر سروس اسٹرکچر کی جانب ایک مثبت پیش رفت ہے۔

📌 ایس ایس ٹی ویلفیئر ایسوسی ایشن ڈسٹرکٹ کرم کابینہ اجلاس 📌

آج ایس ایس ٹی ویلفیئر ایسوسی ایشن ڈسٹرکٹ کرم کی کابینہ کا اہم اجلاس گورنمنٹ بورڈنگ مڈل سکول پاراچنار میں منعقد ہوا، جس میں کابینہ اراکین نے مختلف تنظیمی اور تعلیمی امور پر تفصیلی غور و خوض کیا۔

اجلاس میں درج ذیل اہم نکات پر تبادلۂ خیال اور آئندہ کے لیے لائحہ عمل طے کیا گیا:

📚 سرکاری سکولوں میں کتابوں کی بروقت دستیابی کے لیے مؤثر حکمتِ عملی تیار کرنا۔
📋 ایس ایس ٹی اساتذہ کا مکمل اور جامع ڈیٹا مرتب کرنا۔
💰 تنظیمی فنانس اور چندہ سے متعلق امور کو منظم انداز میں آگے بڑھانا۔
📝 لیزر (Ledger) اور ACR سے متعلق معاملات پر پیش رفت اور بہتری کے لیے اقدامات طے کرنا۔

اجلاس کے اختتام پر کابینہ اراکین نے اس عزم کا اظہار کیا کہ اساتذہ کے حقوق، تعلیمی بہتری اور تنظیمی استحکام کے لیے مشترکہ جدوجہد جاری رکھی جائے گی۔

ایس ایس ٹی ویلفیئر ایسوسی ایشن — اتحاد، خدمت اور اساتذہ کی نمائندگی۔

🌹 ایس ایس ٹی ویلفیئر ایسوسی ایشن کی جانب سے خراجِ تحسین 🌹

آج گورنمنٹ ہائی سکول بوڑکی میں محترم گلاب حسین بنگش صاحب (ہیڈ ماسٹر) کی باعزت ریٹائرمنٹ کے موقع پر ایک پُروقار الوداعی تقریب منعقد ہوئی، جس میں ایس ایس ٹی ویلفیئر ایسوسی ایشن کے نمائندگان نے شرکت کر کے ان کی گراں قدر تعلیمی خدمات کو زبردست خراجِ تحسین پیش کیا۔

گلاب حسین بنگش صاحب نے اپنی پوری پیشہ ورانہ زندگی نہایت دیانتداری، اخلاص اور ذمہ داری کے ساتھ تعلیم و تربیت کے شعبے کے لیے وقف رکھی۔ ان کی مثالی قیادت، بہترین کردار اور تعلیمی میدان میں نمایاں خدمات ہمیشہ یاد رکھی جائیں گی۔

ایس ایس ٹی ویلفیئر ایسوسی ایشن ان کی قابلِ قدر خدمات کو سراہتے ہوئے ان کے لیے صحتِ کاملہ، قلبی سکون، خوشیوں بھری اور کامیاب زندگی کے لیے دلی نیک تمناؤں کا اظہار کرتی ہے۔

اللہ تعالیٰ انہیں زندگی کے نئے سفر میں مزید عزت، خوشحالی اور کامیابیاں عطا فرمائے۔ آمین

آپ کی خدمات ہمیشہ سنہری الفاظ میں یاد رکھی جائیں گی۔

🌹 پُر وقار ریٹائرمنٹ پر خراجِ تحسین 🌹

ایس ایس ٹی ویلفیئر ایسوسی ایشن ڈسٹرکٹ کرم کی جانب سے محترم سر محب علی صاحب (SST) گورنمنٹ ہائی سکول نستی کوٹ کی باعزت ریٹائرمنٹ پر دلی مبارکباد اور نیک تمناؤں کا اظہار کیا جاتا ہے۔

سر محب علی صاحب نے اپنی تدریسی زندگی میں خلوص، محنت اور ایمانداری کے ساتھ طلبہ کی بہترین رہنمائی کی اور محکمۂ تعلیم کے لیے گراں قدر خدمات سرانجام دیں۔

ہم ان کی تعلیمی خدمات کو قدر کی نگاہ سے دیکھتے ہیں اور دعا گو ہیں کہ اللہ تعالیٰ انہیں صحت، خوشی اور سکون والی زندگی عطا فرمائے۔ آمین۔

ایس ایس ٹی ویلفیئر ایسوسی ایشن ڈسٹرک کرم

🖤 تعزیتی پیغام 🖤

اِنَّا لِلّٰهِ وَاِنَّا اِلَيْهِ رَاجِعُوْن

ایس ایس ٹی ویلفیئر ایسوسی ایشن کی جانب سے محترم امجد حسین صاحب (SST IT) GSNHHSS Shalozan کے بھائی جلال حسین کے انتقال پر دلی افسوس کا اظہار کیا جاتا ہے۔

اللہ تعالیٰ مرحوم کو جنت الفردوس میں اعلیٰ مقام عطا فرمائے اور پسماندگان کو صبرِ جمیل نصیب فرمائے۔ آمین۔

غم کی اس گھڑی میں ایس ایس ٹی ویلفیئر ایسوسی ایشن سوگوار خاندان کے ساتھ برابر کی شریک ہے۔

منجانب: ایس ایس ٹی ویلفئیر ایسوسی ایشن ڈسٹرکٹ کرم