Online Teaching by Master Riaz

اعلیٰ درجے کی نفاست یہی ہے کہ انسان کا دل صاف ہو، اور جب دل صاف ہو، تو خیالات بھی شفاف ہو جاتے ہیں۔ خیالات شفاف ہوں تو اخلاق نکھر جاتے ہیں،اور جب اخلاق عمدہ ہوں، تو جذبات لازمی طور پر خوبصورت ہو جاتے ہیں۔خوبصورت جذبات انسان کو یہ سکھاتے ہیں کہ دوسروں کو خوشی دینا اور محبت کے ساتھ آگے بڑھنا ہی، اصل کامیابی ہے۔ یہی وہ کیفیت ہے جسے سادگی کہا جاتا ہے،
سادگی جس کا کوئی بیان نہیں،
جو دل کو سکون اور روح کو راحت بخشتی ہے۔جب دل سکون میں ہوتا ہے تو زندگی اپنے چھپے ہوئے راز کھولتی ہے، اور پھر انسان سمجھتا ہے کہ زندگی ظاہری پہلوؤں میں نہیں،بلکہ اس کی پوشیدہ حقیقتوں میں ہے۔یہ حقیقت یہ بھی سکھاتی ہے کہ لوگ چہروں سے نہیں پہچانے جاتے، بلکہ دلوں کی پاکیزگی سے پہچانے جاتے ہیں کیونکہ چہروں پر لکھی تحریریں مٹ جاتی ہیں، مگر دلوں پر نقش صرف وہی کرتے ہیں، جنکے دل محبت اور احترام سے دھڑکتے ہیں۔ اسی لیے زندگی کی کتاب میں ایک ایسا حرف بن جائیے،
جو نہ سطور کے ختم ہونے سے مٹ سکے، اور نہ وقت کی گرد اسے دھندلا سکے۔ قلم ختم ہو جاتے ہیں، روشنائیاں مٹ جاتی ہیں، مگر *کردار* کی تحریر ہمیشہ باقی رہتی ہے۔