03/09/2023
مورخہ 2 ستمبر 2023
عالمی یوم خواندگی کے سلسلے میں ضلعی سطح پر لٹریسی سپورٹس گالہ کا انعقاد گورنمنٹ گرلز ہائی سکول 38 ٹو آر اوکاڑہ میں کیا گیا۔
پروگرام چیف ایگزیکٹو آفیسر ڈاکٹر محمد ارشد صاحب کی زیر سرپرستی اور ڈسٹرکٹ ایجوکیشن آفیسر لیٹریسی مجاہد حسین علوی صاحب کی زیر صدارت منعقد ہوا۔
سپورٹس گالہ کا افتتاح ڈسٹرکٹ ایجوکیشن آفیسر ضلع اوکاڑہ چوہدری محمد ارشد ندیم جٹ صاحب نے اپنے دست مبارک سے کیا۔ اور اس موقع پر ڈپٹی ڈسٹرکٹ ایجوکیشن آفیسر میل تحصیل اوکاڑہ جاوید آصف صاحب ، ڈپٹی ڈسٹرکٹ ایجوکیشن آفیسر فی میل تنویر زاہرہ صاحبہ، ڈپٹی ڈسٹرکٹ ایجوکیشن آفیسر فی میل تحصیل رینالہ خورد میڈم سمیرا علی، پرنسپل گورنمنٹ گرلز ہائی سکول 38 ٹو آر میڈیم ناہید اختر اور ڈپٹی ڈسٹرکٹ ایجوکیشن آفیسر میل تحصیل دیپالپور رب نواز ثاقب صاحب بھی موجود تھے۔
پروگرام میں بچوں نے مختلف گیمز میں حصہ لیا اور مختلف ٹیبلوز پیش کیے۔ پاکستان کی ثقافت کو ظاہر کرنے کے لئے مختلف ثقافتوں کی نمائش کی گئی۔
اس موقع پر ڈسٹرکٹ ایجوکیشن آفیسر لیٹریسی مجاہد حسین علوی صاحب نے خطاب کرتے ہوئے کہا کہ اس دن کو منانے کا مقصد خواندگی کی اہمیت کو اجاگر کرنا ہے جو کہ بنیادی انسانی حق ہے، ناخواندگی کے خاتمہ کے لئے پنجاب گورنمنٹ کا ایک بہت اہم ڈیپارٹمنٹ کام کر رہا ہے، جس کا نام محکمہ خواندگی و غیر رسمی بنیادی تعلیم ہے۔
پروگرام کے آخر میں اساتذہ اور بچوں کی حوصلہ افزائی کے لئے سرٹیفیکیٹس اور انعامات تقسیم کیے گئے۔
