14/07/2026
نومل کے عوام کے لیے ایک بڑی خوشخبری
الحمدللہ، آج سے نومل میں نادرا آفس یونین کونسل نومل بٹوٹ میں مستقل بنیادوں پر عوام کی خدمت کے لیے بحال کر دیا گیا ہے۔ اب نومل اور گرد و نواح کے عوام کو شناختی کارڈ، بے فارم، فیملی رجسٹریشن سرٹیفکیٹ اور نادرا سے متعلق دیگر تمام اہم دستاویزات کے حصول کے لیے گلگت جانے کی ضرورت نہیں رہے گی۔
اس سہولت سے نہ صرف نومل بلکہ نلتر ، فیض آباد، گوچ، گورو جگلوٹ ، رحیم آباد اور جوتل سمیت دیگر ملحقہ علاقوں کے عوام بھی مستفید ہو سکیں گے۔
اس اہم عوامی خدمت کی فراہمی میں تنظیم حیدریہ نومل اور یوتھ موومنٹ نومل نے کلیدی اور مؤثر کردار ادا کیا، خصوصاً ان ماؤں، بہنوں اور بزرگوں کے مسائل کو مدنظر رکھتے ہوئے جو نادرا سے متعلق امور کے لیے گلگت جا کر مشکلات اور پریشانیوں کا سامنا کرتے تھے۔
اس موقع پر ہم نادرا کے مشکور ہیں کہ انہوں نے علاقے کے مسائل کو سمجھ کر ھمارے ساتھ تعاون کیا، بالخصوص سید ساجد صاحب کے بے حد شکر گزار ہیں جنہوں نے اس مقصد کے حصول کے لیے بھرپور تعاون کیا۔ اسی طرح کمیل عباس سوشل ویلفیئر سیکرٹری تنظیم حیدریہ نومل کا بھی شکریہ ادا کرتے ہیں جن کی انتھک کوششوں کے ذریعے اس آفس کی بحالی اور فعال بنانے میں کردار ادا کیا۔
ہم امید کرتے ہیں کہ یہ سہولت علاقے کی ترقی اور عوامی فلاح و بہبود میں ایک اہم سنگ میل ثابت ہوگی۔
تنظیم حیدریہ نومل
یوتھ موومنٹ نومل
