17/08/2026
میاچھر، نگر سے تعلق رکھنے والے مشہور ایکسویٹر ڈرائیور ناصر حسین نے ہسپر روڈ پر کئی دنوں سے پھنسے ہوئے ایکسویٹر کو کامیابی کے ساتھ نکال لیا۔
جب دیگر ڈرائیورز نے یہ کہہ کر انکار کر دیا کہ اسے نکالنا موت کو دعوت دینے کے مترادف ہے، تو ناصر حسین نے بہادری کا مظاہرہ کرتے ہوئے بسم اللہ پڑھ کر اور "یا علیؑ" کے نعرے کے ساتھ ایکسویٹر پر سوار ہو کر اسے نکالنے کی کوشش شروع کی۔ اس دوران ہسپر کے عوام بھی ان کے ساتھ موجود رہے اور مسلسل ان کی کامیابی کے لیے دعائیں کرتے رہے۔
بالآخر ناصر حسین کی محنت، ہمت اور بہادری رنگ لائی اور ایکسویٹر کو کامیابی کے ساتھ نکال لیا گیا۔ اس موقع پر ہسپر کے عوام نے ناصر حسین کی بھرپور حوصلہ افزائی کی اور شاندار استقبال کیا۔
ہم ڈپٹی کمشنر نگر (DC Nagar) سے گزارش کرتے ہیں کہ اس بہادر اور فرض شناس انسان کی حوصلہ افزائی کے لیے انہیں سرکاری طور پر انعام اور اعزاز سے نوازا جائے، تاکہ ایسے بہادر افراد کی حوصلہ افزائی ہو اور وہ آئندہ بھی عوامی خدمت کا جذبہ برقرار رکھیں۔
