Government Graduate College Muzaffargarh

ڈپٹی ڈائریکٹر کالجز مظفر گڑھ پروفیسر عبدالرحمن کھاکھی کا گورنمنٹ گریجویٹ کالج مظفر گڑھ میں قائم امتحانی سنٹر کا دورہ

ڈپٹی ڈائریکٹر کالجز مظفر گڑھ پروفیسر عبدالرحمٰن کھاکھی نے گورنمنٹ گریجویٹ کالج مظفر گڑھ میں قائم سنٹر کا تفصیلی دورہ کیا اور وہاں امتحانی و انتظامی امور، نظم و ضبط اور طلبہ کو فراہم کردہ سہولیات کا تفصیلی جائزہ لیا۔
سنٹر میں انھیں جاری سرگرمیوں اور سیکیورٹی اقدامات کے بارے میں بریفنگ دی گیئ۔پروفیسر عبدالرحمٰن کھاکھی نے سنٹر کے مختلف حصوں کا معائنہ کیا اور عملے کی حاضری سمیت صفائی ستھرائی کے انتظامات کو چیک کیا۔ انہوں نے سنٹر میں موجود طلبہ سے بھی بات چیت کی اور ان سے انتظامی امور اور امتحانی سہولیات کے حوالے سے فیڈ بیک لیا۔
اس موقع پر گفتگو کرتے ہوئے ڈپٹی ڈائریکٹر کالجز پروفیسر عبدالرحمٰن کھاکھی کا کہنا تھا کہ ہائر ایجوکیشن ڈیپارٹمنٹ اور وزیر تعلیم رانا سکندر حیات کی ہدایات کے مطابق امتحانات میں بوٹی مافیا اور نقل کے خاتمے کے لیے "زیرو ٹالرنس" پالیسی پر سختی سے عمل پیرا ہیں۔ انہوں نے واضح کیا کہ امتحانی عمل میں شفافیت پر کوئی سمجھوتہ نہیں کیا جائے گا اور کسی بھی سطح پر نقل کی سرپرستی یا غفلت کرنے والے عملے کے خلاف سخت ترین قانونی و تادیبی کارروائی عمل میں لائی جائے گی۔
پروفیسر عبدالرحمٰن کھاکھی نے مزید کہا کہ گورنمنٹ گریجویٹ کالج مظفر گڑھ ضلع کا ایک اہم تعلیمی ادارہ ہے اور یہاں قائم سنٹر میں شفافیت کو ہر قیمت پر برقرار رکھا جائے گا۔ انہوں نے کالج انتظامیہ کو تاکید کی کہ موسم کی شدت کو مدنظر رکھتے ہوئے طلبہ کے لیے پینے کے صاف و ٹھنڈے پانی کی فراہمی اور بجلی کا متبادل نظام (یو پی ایس یا جنریٹر) ہر صورت فعال رکھا جائے تاکہ کسی بھی طالب علم کو پریشانی کا سامنا نہ کرنا پڑے۔ دورے کے اختتام پر انہوں نے سنٹر پر میرٹ کی بالادستی اور مجموعی انتظامات پر اطمینان کا اظہار کرتے ہوئے سپرنٹنڈنٹ اور امتحانی عملے کی کاوشوں کو سراہا۔


Rana Sikandar Hayat Muhammad Ajmal Chandia Department of Political Science-GCBM

گورنمنٹ گریجویٹ کالج مظفر گڑھ میں اساتذہ کے لیے ڈیجیٹل اسکلز اور اسمارٹ بورڈ ٹیکنالوجی پر خصوصی تربیتی سیشن کا انعقاد

مظفر گڑھ (رپورٹ: نمائندہ خصوصی / 17 جون 2026)
گورنمنٹ گریجویٹ کالج مظفر گڑھ میں اساتذہ کو جدید تدریسی تقاضوں سے ہم آہنگ کرنے کے لیے ڈیجیٹل اسکلز اور انٹرایکٹو اسمارٹ بورڈ ٹیکنالوجی کے عنوان سے ایک روزہ خصوصی تربیتی سیشن کا کامیاب انعقاد کیا گیا۔ اس تربیتی ورکشاپ کا بنیادی مقصد اساتذہ کو جدید ترین کلاس روم ٹیکنالوجی سے روشناس کرانا تھا تاکہ طلبہ کی پڑھائی میں دلچسپی کو بڑھایا جا سکے اور تدریسی طریقوں کو عصرِ حاضر کے مطابق جدید بنایا جا سکے۔ اس اہم تربیتی سیشن میں کالج کے پرنسپل پروفیسر ڈاکٹر اشرف حسین، وائس پرنسپل پروفیسر ڈاکٹر رحمت اللہ اور مختلف شعبہ جات کے سربراہان سمیت فیکلٹی ممبران نے بھرپور شرکت کی۔

رپورٹ کے مطابق تربیتی سیشن کے دوران شرکاء کو انٹرایکٹو اسمارٹ بورڈ چلانے، لیپ ٹاپ کو اسمارٹ بورڈ کے ساتھ منسلک کرنے، ڈیجیٹل اینوٹیشن ٹولز کے استعمال اور متحرک تدریسی مواد تیار کرنے کے حوالے سے تفصیلی اور عملی تربیت دی گئی۔ اس موقع پر ٹیکنالوجی کے ماہر محمد عمران خان نے اساتذہ کو اسمارٹ بورڈ کے مختلف فیچرز کا لائیو ڈیمو پیش کرتے ہوئے ٹچ رائٹنگ، ملٹی میڈیا انٹیگریشن، اسکرین شیئرنگ، آن لائن ٹیچنگ اسکلز اور طلبہ کے لیے ڈیجیٹل نوٹس محفوظ کرنے کے عملی طریقے سکھائے۔

مختلف شعبہ جات کے سربراہان اور اساتذہ نے مظاہرے کا گہرا مشاہدہ کیا اور خود بھی ان ڈیجیٹل ٹولز کا استعمال کر کے مشق کی۔ اس انٹرایکٹو ماحول کی وجہ سے اساتذہ کو روایتی وائٹ بورڈ سے ٹیکنالوجی پر مبنی تدریس کی طرف منتقل ہونے کا موقع ملا۔

اس موقع پر گفتگو کرتے ہوئے کالج کے پرنسپل پروفیسر ڈاکٹر اشرف حسین نے کہا کہ اس قسم کی ٹریننگز کا بنیادی مقصد ہمارے اساتذہ کو 21ویں صدی کے ڈیجیٹل تعلیمی معیار کے مطابق تیار کرنا ہے۔ ہماری انتظامیہ فیکلٹی کو وہ تمام وسائل اور جدید مہارتیں فراہم کرنے کے لیے ہمہ وقت کوشاں ہے جو طلبہ کو ایک بہترین، جدید اور انٹرایکٹو تعلیمی ماحول دینے کے لیے ضروری ہیں۔

پرنسپل نے تربیتی سیشن کے کامیاب انعقاد کو یقینی بنانے اور اساتذہ کی بہترین تکنیکی رہنمائی کرنے پر محمد عمران خان کا خصوصی طور پر شکریہ ادا کیا اور ان کی کاوشوں کو سراہتے ہوئے کہا کہ اساتذہ کا مثبت فیڈبیک اس بات کا ثبوت ہے کہ ہم درست سمت میں گامزن ہیں۔

•
•
•
•
•
•
Higher Education Department-HED Punjab Rana Sikandar Hayat Muhammad Ajmal Chandia HED South Punjab

غازی یونیورسٹی ،شعبہ اردو کے پروفیسر ڈاکٹر عابد خورشید کا گورنمنٹ گریجویٹ کالج مظفرگڑھ کا دورہ، بی ایس اردو کے طلبہ کا زبانی امتحان (Viva Voce) مکمل

مظفرگڑھ: گورنمنٹ گریجویٹ کالج مظفرگڑھ میں شعبہ اردو کے سیشن 2022-2026 کے طلبہ کے تحقیقی مقالات (تھیسس) کے زبانی دفاع (Viva Voce) کے لیے ایک پروقار امتحانی نشست کا انعقاد کیا گیا، جس میں غازی یونیورسٹی ڈیرہ غازی خان کے شعبہ اردو کے نامور استاد اور بیرونی ممتحن (External Examiner) پروفیسر ڈاکٹر عابد خورشید نے طلبہ کا زبانی امتحان لیا۔
تفصیلات کے مطابق اس تعلیمی سیشن میں شعبہ اردو کے کل 79 طلبہ نے کامیابی سے اپنے تحقیقی مقالات مکمل کر کے جمع کروائے، جن میں مارننگ شفٹ کے 43 اور ایوننگ شفٹ کے 36 طلبہ شامل ہیں۔ زبانی امتحان کے دوران طلبہ نے اپنے اچھوتے تحقیقی موضوعات کا بھرپور اور مدلل دفاع کیا۔ بیرونی ممتحن پروفیسر ڈاکٹر عابد خورشید نے تحقیقی کام کے اعلیٰ معیار کا گہرا جائزہ لینے کے بعد طلبہ کی فکری صلاحیتوں اور محنت کو زبردست الفاظ میں سراہا، نیز شاندار مقالات تسوید کرانے پر نگران اساتذہ کو خصوصاً مبارکباد پیش کی۔
اس موقع پر پرنسپل گورنمنٹ گریجویٹ کالج مظفرگڑھ پروفیسر ڈاکٹر اشرف حسین نے بھی شعبہ اردو کا خصوصی دورہ کیا اور امتحانی عمل کا معائنہ کیا۔ انہوں نے کامیابی سے مقالات مکمل کرنے پر طلبہ کی حوصلہ افزائی کی اور ان کے روشن مستقبل کے لیے نیک تمناؤں کا اظہار کیا۔
اس اہم علمی و تحقیقی موقع پر صدر شعبہ اردو پروفیسر غلام عباس، پروفیسر اقبال احمد شاہ ،بیرونی نگران و پرنسپل گورنمنٹ ایسوسی ایٹ کالج خانگڑھ ڈاکٹر بلال بھٹہ، پبلک ریلیشنز آفیسر پروفیسر محمد مزمل صدیقی، اور اساتذہ شعبہ اردو سلطان ندیم اور عرفان رائے بھی موجود تھے۔


Rana Sikandar Hayat Higher Education Department-HED Punjab Muhammad Ajmal Chandia HED South Punjab

پرنسپل ،گورنمنٹ گریجویٹ کالج مظفرگڑھ، پروفیسر ڈاکٹر اشرف حسین کی نو منتخب نائب صدر ملتان ہائی کورٹ بار ملک زاہد کبیرسے ملاقات

گورنمنٹ گریجویٹ کالج مظفرگڑھ کے پرنسپل پروفیسر ڈاکٹر اشرف حسین نے ملتان ہائی کورٹ بار کا خصوصی دورہ کیا۔اور ہائی کورٹ بار ملتان کے نو منتخب نائب صدر (وائس پریذیڈنٹ) ملک زاہد کبیر سے ان کے چیمبر میں ایک ملاقات کی۔ملاقات میں پرنسپل پروفیسر ڈاکٹر اشرف حسین نے ملک زاہد کبیر کو ملتان ہائی کورٹ بار کے انتخابات میں شاندار کامیابی حاصل کرنے اور نائب صدر منتخب ہونے پر کالج انتظامیہ کی جانب سے دلی مبارکباد پیش کرتے ہوۓ گلدستہ پیش کیا۔
ملاقات کے دوران پرنسپل صاحب نے نو منتخب نائب صدر کو گورنمنٹ گریجویٹ کالج مظفرگڑھ کی آئندہ 20 جون 2026 کو منعقد ہونے والے دوسرے عظیم الشان کانووکیشن (جلسہ عطاۓ اسناد) کے حوالے سے تفصیلی آگاہ کیا ۔
ملک زاہد کبیر نے تعلیمی و تدریسی سرگرمیوں کے فروغ اور طلبہ کی انتظامی سطح پر بہترین تربیت کے فروغ پر پرنسپل پروفیسر ڈاکٹر اشرف حسین اور کالج انتظامیہ کی کاوشوں کو زبردست الفاظ میں سراہا اور نیک خواہشات کا اظہار کیا۔ ملاقات میں تعلیمی اور قانونی شعبوں کے مابین باہمی تعاون کو مزید فروغ دینے پر بھی اتفاق کیا گیا۔اس موقع پر پروفیسر عبدالعلیم
اور ڈاکٹر ناظم حسین عاربی بھی پرنسپل صاحب کے ہمراہ تھے۔


Rana Sikandar Hayat Muhammad Ajmal Chandia r Higher Education Department-HED Punjab HED South Punjab

پرنسپل گورنمنٹ گریجویٹ کالج مظفرگڑھ،پروفیسر ڈاکٹر اشرف حسین کی ڈی پی آئی ساؤتھ پنجاب ڈاکٹر فرید شریف سے ملاقات، دوسرے کانووکیشن کی پیش رفت سے آگاہ کیا۔

گورنمنٹ گریجویٹ کالج مظفرگڑھ کے پرنسپل پروفیسر ڈاکٹر اشرف حسین نے ڈائریکٹر پبلک انسٹرکشن (DPI) ساؤتھ پنجاب سیکریٹریٹ ملتان کا دورہ کیا اور ڈی پبلک انسٹرکشنز ساؤتھ پنجاب ڈاکٹر فرید شریف خصوصی ملاقات کی۔
ملاقات میں پرنسپل پروفیسر ڈاکٹر اشرف حسین نے کالج کے انتظامی و تعلیمی امور اور باہمی دلچسپی کے دیگر اہم معاملات پر تفصیلی تبادلہ خیال کیا۔
اس دورے کا بنیادی مقصد گورنمنٹ گریجویٹ کالج مظفرگڑھ کا دوسرا عظیم الشان کانووکیشن (جلسہ عطاۓ اسناد) تھا جو 20 جون 2026 کو منعقد ہو رہی ہے۔
پرنسپل پروفیسر ڈاکٹر اشرف حسین نے ڈی پی آئی ساؤتھ پنجاب ڈاکٹر فرید شریف کو کانووکیشن کے انتظامات، ڈگریوں کی تقسیم کے طریقہ کار، معزز مہمانانِ گرامی کی فہرست اور اب تک مکمل ہونے والے دیگر انتظام و انصرام کے حوالے سے تفصیلی بریفنگ دی، اور انہیں کانووکیشن میں بطورِ مہمانِ خصوصی شرکت کا باقاعدہ دعوت نامہ پیش کیا۔
اس موقع پر گفتگو کرتے ہوئے ڈی پی آئی ساؤتھ پنجاب ڈاکٹر فرید شریف نے کالج انتظامیہ کی کاوشوں کو زبردست الفاظ میں سراہتے ہوئے کہا کہ گورنمنٹ گریجویٹ کالج مظفرگڑھ کا پہلا کانووکیشن انتہائی منظم، شاندار اور لائقِ تحسین تھا، جس نے خطے کے دیگر اداروں کے لیے ایک اعلیٰ معیار قائم کیا۔ انہوں نے امید ظاہر کی کہ 20 جون کو ہونے والا دوسرا کانووکیشن بھی اپنی شاندار روایت کو برقرار رکھتے ہوئے انتظام و انصرام کے لحاظ سے انتہائی عمدہ اور یادگار ثابت ہوگا۔
ڈاکٹر فرید شریف نے کالج کے مثالی تدریسی ماحول، بہترین نظم و ضبط اورانتظامی سطح پر کی جانے والی اصلاحات پر مکمل اطمینان کا اظہار کرتے ہوۓ پرنسپل صاحب کی جانب سے دی جانے والی کانووکیشن کی دعوت کو خوش دلی سے قبول کرتے ہوئے تقریب میں اپنی لازمی شرکت کا واضح عندیہ دیا۔
ملاقات کے اختتام پر پرنسپل گورنمنٹ گریجویٹ کالج مظفرگڑھ،پروفیسر ڈاکٹر اشرف حسین نے ڈی پی آئی ساؤتھ پنجاب کا تعلیمی سرگرمیوں کی سرپرستی فرمانے اور حوصلہ افزائی کرنے پر دلی شکریہ ادا کیا۔
اس موقع پر پروفیسر عبدالعلیم اور ڈاکٹر ناظم حسین عاربی بھی موجود تھے ۔


Higher Education Department-HED Punjab HED South Punjab Rana Sikandar Hayat Muhammad Ajmal Chandia

گورنمنٹ گریجویٹ کالج مظفرگڑھ کے پبلک ریلیشنز آفیسر، پروفیسر مزمل صدیقی صاحب کو سرکاری فرائض کی دیانت دارانہ ادائیگی اور تعلیمی شعبے میں ڈیجیٹل میڈیا کے فروغ کے لیے انجام دی جانے والی نمایاں خدمات کے اعتراف میں صوبائی وزیر برائے ہائر ایجوکیشن پنجاب، محترم رانا سکندر حیات کی جانب سے "Letter of Appreciation (حرفِ تحسین)" سے نوازا گیا۔

یہ اعزاز نہ صرف پروفیسر مزمل صدیقی کی پیشہ ورانہ صلاحیتوں، محنت اور لگن کا اعتراف ہے بلکہ گورنمنٹ گریجویٹ کالج مظفرگڑھ کے اُس مثبت، علمی اور تخلیقی ماحول کی بھی عکاسی کرتا ہے جو معزز پرنسپل پروفیسر ڈاکٹر اشرف حسین کی مؤثر قیادت، بصیرت افروز رہنمائی اور سرپرستی میں مسلسل فروغ پا رہا ہے۔

پروفیسر مزمل صدیقی کی جانب سے تعلیمی سرگرمیوں، طلبہ کی کامیابیوں اور ادارہ جاتی کاوشوں کو ڈیجیٹل میڈیا کے ذریعے مؤثر انداز میں اجاگر کرنے کی خدمات قابلِ ستائش ہیں۔ ان کی یہ کامیابی ادارے کے لیے باعثِ فخر اور دیگر اساتذہ و طلبہ کے لیے باعثِ ترغیب ہے۔

گورنمنٹ گریجویٹ کالج مظفرگڑھ کی پوری فیکلٹی اور انتظامیہ پروفیسر مزمل صدیقی کو اس اعزاز کے حصول پر دلی مبارکباد پیش کرتی ہے اور ان کے لیے مزید کامیابیوں اور پیشہ ورانہ ترقی کی دعا گو ہے۔

"اعزاز افراد کو ملتے ہیں، مگر ان کی کامیابیاں اداروں کے وقار میں اضافہ کرتی ہیں۔"


Rana Sikandar Hayat Muhammad Ajmal Chandia Higher Education Department-HED Punjab Muzammel Siddiqui

گورنمنٹ گریجویٹ کالج مظفرگڑھ کی سالانہ گریجویشن تقریب، مورخہ 20 جون 2026، کے انعقاد کے سلسلے میں سیشن 2021 تا 2025 کے فارغ التحصیل طلبہ و طالبات کے لیے کنٹرولر آفس کی جانب سے دعوت نامے جاری کر دیے گئے۔
یہ تقریب طلبہ کی تعلیمی کامیابیوں کے اعتراف اور ان کی حوصلہ افزائی کے لیے منعقد کی جا رہی ہے۔ طلبہ و طالبات سے مقررہ تاریخ اور وقت پر تقریب میں شرکت کی درخواست کی جاتی ہے-











Rana Sikandar Hayat Muhammad Ajmal Chandia Higher Education Department-HED Punjab

ہمارے گریجویٹس، ہمارا فخر!

گورنمنٹ گریجویٹ کالج، مظفر گڑھ کے تمام کامیاب طلباء کے لیے ایک یادگار دن۔
ہماری 'گریجویشن تقریب 2026' منعقد ہو رہی ہے 20 جون کو!
سالہا سال کی محنت، لگن اور کامیابی کا جشن منانے کے لیے تیار ہو جائیں۔

🗓️ تاریخ: 20 جون 2026
📍 مقام:گورنمنٹ گریجویٹ کالج مظفر گڑھ


Rana Sikandar Hayat Higher Education Department-HED Punjab Muhammad Ajmal Chandia