Boys Middle School Bandi muhree Jhelum Valley

بوائز مڈل سکول بانڈی موہری کے صدر معلم کی قائدانہ صلاحیتوں اور دن رات محنت کی بدولت سکول مینجمنٹ کمیٹی و عوام علاقہ و مخیر حضرات بالخصوص راجہ رفاقت اور قاضی صدیق صاحب کے تعاون سے بچوں کے لئے شلٹر تعمیر ہوا۔ الحمد للہ تین کلاسوں کو اس اس سرد موسم میں شلٹر میں منتقل کر دیا گیا ہے۔ شلٹر میں سردی سے بچاو کے لئے آگ جلانے کا انتظام بھی کیا گیا ہے ۔ شلٹر میں بچوں کی ضروریات کے لئے فلفور 30 کرسیوں کی ضرورت ہے ۔ ادارہ پہلے ہی مقروض ہے اور مزید بچوں کے بیٹھنے کا انتظام کرنا بھی ضروری ہے۔ مخیر حضرات سے تعاون کی پرزور اپیل ہے۔
برائے رابطہ صدر معلم ادارہ ہذا شیخ محمد حنیف۔03465409025

بوائز مڈل سکول بانڈی موہری کا ایک اور اعزاز
جماعت پنجم کے ہونہار طالب علم محمد وزیر نے ایلیمنٹری بورڈ ہٹیاں بالا میں دوم پوزیشن حاصل کی اور نقد انعام 15000 ہٹیاں بالا میں ایک منعقدہ تقریب میں حاصل کیا۔ تقریب میں محکمہ ایجوکیشن کے تمام آفیسران اور کریکٹر ایجوکیشن کے چئرمین محمود احمد نے شرکت کی۔ عوام علاقہ کی طرف سے صدر معلم و سٹاف کو مبارک باد

الحمد للہ گورنمنٹ بوائز مڈل سکول بانڈی موہری کے صدر معلم شیخ محمد حنیف صاحب کی کوششوں اور عوام علاقہ کے تعاون سے بچوں کے لئے ایک عدد شلٹر کی چھت لگ چکی ہے چونکہ موسم سرما کی آمد آمد ہے شلٹر کی تکمیل اشد ضروری ہے بقایا کام کے لئے عوام علاقہ اور مخیر حضرات سے تعاون کی اپیل ہے جن احباب نے اس نیک کام میں پہلے حصہ ڈالا اللہ تعالی ان کو اس کا اجر عظیم عطا فرمائیں اور مزید تعاون کی توفیق عطا فرمائیں جو حضرات اس نیک کام میں اپنا حصہ بطور ہدیہ دینا چاہتے ہیں وہ اس ایزی پیسہ پر اپنا حصہ ڈال سکتے ہیں شکریہ
03445799368 محمد راشد مدرس ادارہ ہذا

زلزلہ 2005 کے بعد الحمد للہ آج گورنمنٹ بوئز مڈل سکول بانڈی موہری میں صدرمعلم شیخ محمدحنیف پرچم کشائی کر رہے ہیں اللہ پاک ہمارے پرچم کو ہمیشہ سر بلند رکھے جو کہ ہمارے لئے عظمت و ہمت کا نشان ہے ۔

مڈل سکول بانڈی موہری میں سیلاب متاثرین کے لیے امداد جمع کی گئی جس میں تمام بچوں نے بڑھ چڑھ کر اپنے متاثرین بھائیوں کے لیے اپنے جیب خرچ سے حصہ ڈالا۔ اور اساتذہ نے بھی بھرپور تعاون کیا

ہٹیاں بالا
گورنمنٹ بوائز مڈل سکول بانڈی موری میں سید علی گیلانی کی برسی کے موقع پر دعائیہ تقریب کا اہتمام کیاگیاتقریب سے خطاب کرتے ہوئے صدر معلم شیخ محمد حنیف نےکہا کہ سید علی گیلانی ساری عمر کشمیریوں کے حق خود ارادیت کیلئے جدوجہد کی. سید علی گیلانی کا مشن کشمیر کی آزادی تھا اور اس خواب کی تعبیر پوری قوم کے ساتھ ہماری منزل ہے۔سید علی گیلانی کی وفات ایک سانحہ ہے. جس سے تحریک آزادی کشمیر میں پیدا ہونے والا خلا مدتوں پورا نہیں کیا جا سکتا.سید علی گیلانی کشمیر میں آزادی کی تحریک کا دوسرا نام اور بھارتی جبر کے خلاف مزاحمت کا قومی استعارہ تھے۔ ان کا مشن کشمیر کی آزادی تھا اور اس خواب کی تعبیر ہماری منزل ہے۔انہوں نے کہا کہ سید علی گیلانی کا قول”ہم پاکستانی ہیں پاکستان ہمارا ہے” کشمیریوں کے دل کی آواز ہے اور انشااللہ آزاد کشمیر و مقبوضہ کشمیرجلد پاکستان میں شامل ہو کر پاکستان کو مکمل کریں گے۔ ا اس عزم کا اظہار کیا کہ سید علی گیلانی کے ادھورے مشن کی تکمیل تک کشمیری اپنی جدوجہد جاری رکھیں گے۔