Medical Students Of Pakistan

اکثر بخار کے بعد ہونٹوں یا منہ کے کناروں پہ چھالے نکل آتے ہیں! انہیں Cold Sores یا Herpes Labialisکہتے ہیں! آپ کے گھر میں اسے کیا کہتے ہیں؟ یا اس کیا وجہ بتائی جاتی تھی؟ یا بتائی جاتی ہے؟

فالج والا ٹیلہ: آج پھر ڈی ایچ کیو ہسپتال لیہ میں ایک فالج کے مریض کو فالج والا ٹیکہ (Tenecteplase) لگایا۔

جن لوگوں کا شوگر لیول Prediabetes میں آ جائے تو انہیں دوبارہ کتنے عرصے بعد شوگر چیک کروانی چاہیے؟ آپ کمنٹ کریں، اس کے بعد میں بتاؤں گا۔

آج ایک مریض آیا جس کا تین چار دن پہلے سے پاؤں سوجاہواتھا۔ اسے شک ہوا کہ اس کے پاؤں پر سانپ نے ڈسا ہے۔ ثبوت کے طور پر اس نے “سانپ کا منکا” لگوایا ہوا تھا، کیونکہ لوگوں کا خیال تھا کہ اگر منکا چپک جائے تو واقعی سانپ نے کاٹا ہے (جو ایک سراسر جھوٹ اور فراڈ ہے)۔ ساتھ ہی اس کے کسی کے کہنے پہ پاؤں پر چابیاں بھی باندھی ہوئی تھیں تاکہ زخم نہ پھیلے یا پاؤں خراب نہ ہو۔
حقیقت یہ ہے کہ “سانپ کا منکا” اور “چابیاں باندھنا” دونوں غیر سائنسی اور فراڈ طریقے ہیں۔ سانپ کے ڈسے کی تشخیص علامات، معائنہ اور میڈیکل ٹیسٹس سے ہوتی ہے، نہ کہ منکے سے۔ ایسی جاہلانہ باتیں اور ٹوٹکے وہ قیمتی وقت ضائع کر دیتے ہیں جس میں مریض کو اصل علاج چاہیے ہوتا ہے۔
اگر سانپ کاٹ لے تو فوری طور پر مریض کو قریبی ہسپتال لے جائیں، متاثرہ عضو کو آرام دیں، اور غیر ضروری ٹوٹکوں سے بچیں۔

Keys Tied on the Leg After Snake Bite? Medical Facts vs Myths

اب یہاں راوی کیا لکھے گا؟ جب پڑھے لکھے “سانپ کے منکوں” کا اعتبار کریں گے تو باقی معصوم عوام کا تو لیول ہی اور ہے! بس یہی کہوں گا کہ اللہ سب کو ہدایت دے! آپ کا کیا خیال ہے؟

سوال: کیا وٹامن ڈی کا دو لاکھ انٹرنیشنل یونٹ والا ٹیکہ ہر دو ہفتے بعد پینا چاہیے؟ کس کس نے ہر دو ہفتے بعد پیا ہے؟
جواب: نہیں! کسی بھی گائیڈ لائین میں دو لاکھ انٹرنیشنل یونٹ والا ٹیکہ پینے کا نہیں کہا گیا۔ اگر کسی کو وٹامن ڈی کی کمی بھی ہے تو بھی زیادہ سے زیادہ پچاس ہزار یونٹ والا ٹیکہ ہفتے بعد صرف دو ماہ کےلیے دینا ہوتا ہے۔ اور ہمیشہ دودھ یا چکنائی والی خوراک کے ساتھ لیں۔