14/03/2026
مجھ سے پوچھیں دل پہ کیا گزرتی ہے
جب میں اور مجھ سے پندرہ سال بڑی کزن ایک ساتھ موجود 💔ہوں اور انکو لوگ باجی اور مجھے آنٹی کہیں ،
جب اماں اور میں ساتھ ہوں اور لوگ پوچھیں آپ میں سے ماں کون اور بیٹی کون ہے ،
🤧کچھ دن پہلے چیٹ جی پی ٹی سے ڈائیٹ پلان بنوایا ،
سکوٹی نکالی اور ویٹ مشین + ڈائیٹ کا سارا سامان خرید کر فریج اور کچن کیبنٹ فل کیے ، بہت پرجوش تھی کہ روز کا 500 گرام کم کروں گی ہر صورت ۔۔
،
لیکن ہفتہ ہوگیا ہے وزن چیک کرتے کرتے ، سوئی وہیں اٹکی ہوئی ہے
تین دن پہلے شام کو اچھی خاصی واک کی 700 گرام کم ہوا میرا دل باغ باغ ہوگیا ،
اپنے میاں کو پچاس بار کہا
سنیں میرا وزن 700 گرام کم ہوگیا ہے ۔۔۔
پرسوں پھر پرجوش ہو کر نکلی آج پہلے سے بھی زیادہ واک کرنی ہے ، شام ہوتے ہی نکل پڑی اپنی کالونی کی گلیوں میں گھومتے گھومتے اتنا آگے نکل گئی کہ اندھیرا ہوگیا اور ایک منحوس کتا میرے پیچھے بھاگا ، پہلے تو مجھے سمجھ نہیں آئی تھوڑا تیز چلی وہ مجھ پہ بھونکنے لگا چھ سات کتے مزید آگئے مجھ پہ حملہ کرنے کے لیے ، میرے اوسان خطا ہوئے ، اور تو کچھ سمجھ نا آیا پاؤں سے جوتا نکال کر کتوں کو ڈرایا بڑی مشکل سے وہ تھوڑا ٹلے تو میں آیت الکرسی کا ورد کرتے گھر کو بھاگی ،
بس ہوگئی واک ،
گھر ہانپتے کانپتے پہنچی میاں کو سب بتایا کہنے لگے اچھا وہ جو کتے بھونک رہے تھے وہ تم پہ محلہ کررہے تھے ،
میں نے کہا آپ آواز سن کر بھی نہیں نکلے مجھے کاٹ لیتے وہ تو انجیکشن کیسے لگواتی،
، میں مان ہی نہیں سکتی آپکو مجھ سے محبت ہے
بس مجھ سے دو دن بات مت کیجیے گا اب ،
( کتوں نے جو پارہ ہائی کیا تھا وہ تو کہیں نکالنا تھا نا آخر 😎
اتنے دنوں بعد کل اپنے شاہین مارٹ پہ گئی ، مارٹ کے سامنے بون فائیر پزا شاپ دیکھ کر پیٹ میں درد ہونے لگا وہاں سے زنگر کھایا
پھر شام کو گھر پہنچی،
گھر پہنچ کر بچوں کی بھوک کے بہانے آلو کی چپس بنائی اور کیچپ ، مایونیز لگا کر بچوں سے زیادہ خود رگڑی 🫣
پھر گھنٹے ڈیڈھ بعد چکر آنے لگے تو پرسوں کے بچے ہوئے دال چاول فریج سے نکال کر ہاف پلیٹ مائکروویو میں گرم کیے ، اور بسم اللّٰہ کی ۔۔۔
پھر گھنٹے بعد پھر وہی حال تو دو سیب کھائے ، پھر تسلی نہیں ہوئی تو دو بوائل ایگ کھائے ۔۔۔
بڑا سا گرین ٹی مگ پیا ،
خود کو تسلی دی ذیادہ نا سہی تھوڑا سا تو کم ہو ہی جائے گا ،
صبح واک پہ جانے سے پہلے وزن چیک کیا تو وہ جو پچھلے دن 700 گرام مائنس ہوا تھا وہ واپس آکر میرا منہ چڑا رہا تھا
تین چار بار وزن کیا کہ شاید اس بار کچھ کم نظر آئے لیکن نہیں جی ،
مشین کہتی ہے باجی پیک کرکے مجھے واپس رکھ دو ،
تم موٹی ہی اچھی ہو ۔۔۔
بس ٹھیک ہے میں نے بھی آج مان لیا ہے میں موٹی ہی
خوبصورت ہو ،
جس نے جو کہنا ہے کہتا رہے ، آئی ڈونٹ کئیر ہنہہ😏
از قلم
عمائمہ شاہین
