23/01/2026
او لاکيڻا لال ڀٽائي،
سُڻ سائل جو سوال ڀٽائي،
اڄ ايڏو ڇو خاموش آهين،!!
ڇا ظالم جي آغوش ۾ آهين؟!
يا ندوري ننڊ کڻي ويئي؟!
يا درويشي جو واء وڻي ويئي،؟
تو ته ڪلھ سارنگين سور سٺيئي،
تن کي لفظن جي مالها ۾ پويئي،
ڏوٿين کي ڏڍ ڏنئي،
ويرين کي وڍ ڏنئي،
سسئي سان سور سليئي،
مارئي سان به منهن مور نه مٽئي،
نوري کي به نئڙت ڏنيئي،
عمر کي جابر ڪوٺيئي،
ميھار کي عاشق مڃيئي،
پر اڄ تون اُن جام جي!!!
پيار سان پڙون پهرين ٿو!!
نذرانون ميڙين ٿو!!
پر ڪڏهن به ڪين ڪڇين ٿو!!
ڇا اڄ جي ناري مارئي ناهي؟!
ڇا اڄ جي ناري سسئي ناهي؟!
ڇا اڄ جي ناري سسئي ناهي؟!
ڇا اڄ جي ناري سهڻي ناهي؟!
ڇا اڄ جي ناري ليلان ناهي؟!
ڇا اڄ جو عمر جابر ناهي؟!
ڇا اڄ جو عاشق ميهار ناهي؟!
پوء به تون ڇا لاء خاموش آهين؟!
ڇا تون کنڀي وانڱي ڌرتي مان ڦٽو ناهين؟!
اڄ به ان جي دامن ۾ ستو ناهين؟!
سرويچ ساجناڻي
10/05/2025
07/05/2025
07/05/2025
07/05/2025
06/05/2025