Association Of Active Student's AAS

رنگن جي دنيا جي ننڍڙي راڻي

ڪنگ ڪوئين اسٽار مڊل اسڪول، ڳوٺ غلام علي لغاري جي نياڻي، "ايشوري" جيڪا درجي پهرين ۾ پڙهي رهي آهي، هن پنهنجي ننڍڙي ڄمار ۾ آرٽ جون بيحد سندر تصويرون ٺاهي هڪ وڏي قابليت جو ثبوت ڏنو آهي. هن جي رنگن سان کيڏڻ واري صلاحيت سندس تخليقي سوچ ۽ روشن مستقبل جي نشاندهي ڪري ٿي۔
هن باصلاحيت نياڻي جي پٺڀرائي ۾ سندس استادن ۽ والد ڪرپال داس ميگهواڙ جو ڪردار به ساراھ جوڳو آهي، جيڪو انتهائي سلجهيل ۽ سمجھدار نوجوان آهي۔ اهڙا والدين ئي پنهنجن ٻارن جي صلاحيتن کي سڃاڻي، انهن کي اڳتي وڌڻ لاءِ همٿ ڏين ٿا۔
اسان سڀني کي گهرجي تہ هن نياڻي جي حوصلا افزائي ڪريون، تہ جيئن هوءَ پنهنجي هنر کي وڌيڪ نکاريندي رهي۔ بيشڪ، اهڙيون نياڻيون ئي اسان جي سماج جو فخر ۽ روشن مستقبل آهن۔

پاڻ جلد ملنداسين،
سنڌ ورسٽي ڄامشورو جي سڄاڻ شاگرد انور علي ڳاهو سان -

Association of active students (AAS)

ٻہ ٽي ٻوٽا کڻي پوکيان،
گلن جا گنج ٿي پوندا.
(حسن درس)

وڻڪاري مهم جي سلسلي ۾، اسانجي ڳوٺ جو علم دوست ناصر حسين ڪانهيو پنهنجي اوطاق ۾ وڻ پوکڻ جي شاندار شروعات ڪئي آهي۔ هن پنهنجي اوطاق ۾ نم، کجي، ٻير، گدامڙي، ڄمون ۽ گول ٻٻر جهڙا ڇانوَ ۽ ميويدار وڻ پوکي، ماحول کي وڌيڪ سرسبز بڻائڻ جي ڪوشش ڪئي آهي۔ هن عمل سان نه رڳو ماحول جي سڌاري لاءِ اهم قدم کنيو ويو اٿس، پر ٻين ماڻهن لاءِ پڻ هڪ بهترين مثال قائم ڪيو ويو آهي تہ جيئن هو به وڻڪاري مهم ۾ وڌ کان وڌ حصو وٺن۔
اها ڳالھ به قابلِ ذڪر آهي تہ ناصر حسين ڪانهيو ڳوٺ جو هڪ وڏيرو آهي، پر سندس سوچ روايتي وڏيرن کان بلڪل مختلف ۽ مثبت آهي۔ جتي اڪثر وڏيرا صرف پنهنجي حيثيت ۽ طاقت تي ڌيان ڏيندا آهن، اتي ناصر صاحب پنهنجي عمل سان ثابت ڪري رهيو آهي تہ اصل وڏائي خدمت، شعور ۽ سماجي جي بهتري ۾ لڪل آهي۔ سندس هي سوچ ۽ عمل نوجوانن لاءِ هڪ روشن مثال آهي تہ ماڻهوءَ جي سڃاڻپ سندس عملن سان ٿيندي آهي، نہ رڳو لقبن سان۔
اڄڪلھ جتي اوطاقن جو روايتي ماحول گهٽجندو پيو وڃي، اتي هي باشعور شخص سدائين پنهنجي اوطاق جي سنڀال ڪندي ۽ ان کي سرسبز رکندي نظر اچي ٿو۔ هن پنهنجي اوطاق کي وڌيڪ خوبصورت بڻائڻ لاءِ مور گل، گلاب، موتيو ۽ ٻيا مختلف گل پڻ پوکيا آهن، جيڪي خوشبو ۽ رنگن سان ماحول کي وڻندڙ بڻائين ٿا۔ سندس هي ڪوشش نہ صرف ثقافتي ورثي کي زندھ رکي ٿي، پر صاف سٿري ۽ ساوڪ ڀري ماحول جي اهميت کي به اجاگر ڪري ٿي۔
انهيءَ وڻڪاري مهم ۾ اڪ فقير جو وڻ پڻ خاص اهميت رکي ٿو۔ اڪ هڪ اهڙو مضبوط ۽ سخت جان ٻوٽو آهي جيڪو گهٽ پاڻي ۽ سخت موسم ۾ به آسانيءَ سان وڌي سگهي ٿو۔ هن جا پن وڏا ۽ ٿلها هوندا آهن، جڏهن ته هن مان نڪرندڙ اڇو رس دوائن ۾ به استعمال ٿيندو آهي۔ ان سان گڏ، ليمون جو وڻ پڻ وڏي اهميت رکي ٿو، جيڪو نه صرف ويتامن سان ڀرپور ميوو ڏئي ٿو پر گهر جي ماحول کي به تازگي بخشي ٿو۔
اڪ فقير ۽ ٻين وڻن جي پوک سان نه رڳو ماحول کي بهتر بڻائي سگهجي ٿو، پر مٽي جي حفاظت به ٿئي ٿي ۽ بنجر زمين به سرسبز بڻجي ٿي۔ ان ڪري، اهڙن فائديمند وڻن جي پوک سان اسان پنهنجي ماحول کي خوبصورت بڻائي سگهون ٿا ۽ ايندڙ نسلن لاءِ به هڪ صحتمند ۽ ساوڪ ڀري ڌرتي ڇڏي سگهون ٿا -

Association of active students (AAS)

اسڪول جي شاگرد ساٿين کي ڇڏڻ ان ڏينهن جڏهن سندس ڳوٺ دوست محمد درس وڃڻ ٿيو، اتي سنڌ جي هڪ دلچسپ راند ونجهوٽي هلندڙ هئي.
پکي، وهندڙ پاڻي، ڊگھا وڻ ، ڄڻ سڄو ڳوٺ هڪ الڳ وطن ئي هجي!

هي نظم انهن ٻارڙن جي نانءُ!

نثري نظم

گل جهڙا ٻارڙا

سانگي شبير ڪنڀر

گل جهڙا ٻارڙا،
اکڙين ۾ خوابن سان ڀريل،
مٺڙا ٻول ٻولين ٿا.
ڳوٺ
رڳو هڪ جاءِ ناهي؛
کليل ڪتاب آهي،
جنهن جا ورق
مٽيءَ سان لکجن ٿا،
۽ زندگي
لفظن کان اڳ
پاڻ پڙهي ٿي وڃي.
گڏجي رانديون،
هر ڳالھ پرولي،
جتي ڪو آواز نہ،
فقط -
پکين جي ٻوليءَ،
احساس ڳالهائين ٿا.
قدم -
هاڪ هُلي ٿي،
اڏامن کان ڪرندي تائين،
۽ سوچ
وقت سان مقابلو ڪري ٿي.
نہ سرحد،
نہ مالڪي؛
اتي
وطن
هڪ نالو نہ آهي،
پر
هڪ جيئرو احساس آهي،
جيڪو هر ٻار
پنهنجي هٿن ۾ کڻي
هلندو رهي ٿو.
چيڪي مٽيءَ جو هڳاءُ
مٽيءَ مان
اميد ٺاهيندو آهي؛
نور
کل ۾
صبر سنڀاليندو آهي،
سرور
خاموشيءَ ۾
سوال پوکيندو آهي،
۽ شاهد
سڀني کي
هڪ ڌڙڪن ۾ ٻڌي رکي ٿو.
اهي منظر
کيڏ نہ آهن؛
اهي تہ
وقت جي اکين ۾
انسانيت جا
پهريان سچ -
جا ڪرڻا آهن!