GHSS Mingora No2 Haji Baba

جناب نادر خان صاحب، ایس ایس ٹی
گورنمنٹ ہائیر سیکنڈری سکول مینگورہ حاجی بابا
اپنی باوقار اور طویل سرکاری ملازمت مکمل کرنے کے بعد ریٹائر ہو گئے ہیں۔ ادارہ ان کی تعلیمی خدمات کو قدر کی نگاہ سے دیکھتا ہے اور ان کے لیے صحت و سلامتی اور خوشگوار زندگی کی دعا کرتا ہے۔

تقریب
تاریخ: 20 دسمبر 2025 (بروز ہفتہ)
وقت: صبح 11 بجے

محترم جناب سردار علی صاحب آج اپنی ڈیوٹی کا آخری دستخط کرتے ہوئے ۔

موصوف 60 سالہ پر محکمہ تعلیم سے ریٹائر ہورہے ہے ۔

اللہ تعالیٰ محترم سردار علی کو ہمیشہ خوش رکھے آمین ۔

آج گورنمنٹ ہائیر سیکنڈری سکول حاجی بابا مینگورہ میں ایک دل موہ لینے والی سادہ مگر باوقار تقریب منعقد ہوئی، جس میں ہمارے معزز ساتھی سردار علی (کلاس فور) کو محبت اور احترام کے ساتھ رخصت کیا گیا۔ اُن کی خدمات، محنت، خلوص اور مسکراہٹیں اس ادارے کی یادوں کا حصہ رہیں گی۔

اسٹاف نے محبت بھرے تحائف پیش کیے جو ان کے ساتھ گزارے گئے برسوں کی خوبصورت یادوں کی علامت تھے۔ دعاؤں اور نیک تمناؤں کے ساتھ انہیں نئی زندگی کے سفر کیلئے رخصت کیا گیا۔

گورنمنٹ ہائیر سیکنڈری سکول مینگورہ حاجی بابا میں نئے پراکٹوریئل بورڈ کا انتخاب نہایت نظم و ضبط کے ساتھ مکمل ہوا۔ طلبہ کے رویّے، کردار، قائدانہ صلاحیت اور تعلیمی کارکردگی کو مدنظر رکھتے ہوئے ممبران کی نامزدگیاں کی گئیں، تاکہ سکول میں ایک صحت مند، پرامن اور مثبت تعلیمی ماحول کو مزید مضبوط بنایا جاسکے۔

نئے پراکٹوریئل بورڈ میں چیف ڈسپلن آفیسر کے فرائض نادر خان، ایس ایس ٹی، سکول ہٰذا کے سپرد کیے گئے ہیں جنہیں نظم و ضبط قائم رکھنے، طلبہ کی راہنمائی کرنے اور سکول کے مجموعی ڈسپلن کو بہتر بنانے کی ذمہ داری دی گئی ہے۔

انتخاب کے بعد پرنسپل جناب خورشید علی خان نے بورڈ کے نو منتخب اراکین سے باقاعدہ حلف لیا۔ اس موقع پر انہوں نے خطاب کرتے ہوئے کہا کہ پراکٹرز سکول کے ماحول کا مثبت چہرہ ہوتے ہیں۔ انہوں نے طلبہ پر زور دیا کہ وہ ایمانداری، دیانت اور ذمہ داری کے ساتھ اپنے فرائض سرانجام دیں۔

مزید یہ کہ یہ پراکٹوریئل بورڈ اس تعلیمی سیشن کے آخر تک فعال رہے گا اور اپنے فرائض باقاعدگی سے انجام دیتا رہے گا۔

پرنسپل صاحب نے امید ظاہر کی کہ نیا بورڈ سکول کے نظم و ضبط، ہم نصابی سرگرمیوں اور مجموعی تعلیمی فضا کو بہتر بنانے میں مؤثر کردار ادا کرے گا۔