Vocational Training Institute Mian Channu-SVTI

Admission Open

*وی ٹی آئی وہاڑی میں اٹلس ہنڈا شیخوپورہ کی جانب سے روزگار کے مواقع، درجنوں تربیت یافتہ نوجوان منتخب* : خبر شامل کرتے ہیں ہمارے اے ون چینل کے نمائندہ خصوصی ساجد محمود کی رپورٹ کے مطابق
وکیشنل ٹریننگ انسٹیٹیوٹ (VTI) وہاڑی میں موٹر سائیکل مکینک ٹریڈ کے پاس آؤٹ ٹرینیز کے لیے روزگار کے بہترین مواقع فراہم کرنے کے سلسلے میں ایک اہم پیش رفت سامنے آئی ہے پی وی ٹی سی ہیڈ آفس کے کیرئیر گائیڈنس اینڈ پلیسمنٹ ڈیپارٹمنٹ کی کوششوں سے اٹلس ہونڈا موٹر سائیکل انڈسٹریز لمیٹڈ، شیخوپورہ کو اس بات پر قائل کیا گیا کہ وہ صوبہ بھر کے ووکیشنل ٹریننگ انسٹیٹیوٹس کے پاس آؤٹ طلبہ کو اپنے پلانٹ میں روزگار فراہم کرے۔اسی سلسلے میں ہنڈا کمپنی کے نمائندے سعید احمد بٹ اور عادل شہزاد صاحب مختلف اضلاع کا دورہ کر رہے ہیں جہاں وہ وی ٹی آئیز میں تربیت یافتہ طلبہ کے انٹرویوز لے کر انہیں موقع پر ہی نوکری کی آفرز دے رہے ہیں۔اسی مہم کے تحت اٹلس ہنڈا موٹر سائیکل لمیٹڈ شیخوپورہ کے نمائندے عادل شہزاد (منیجر ایچ آر) اور سعید احمد بٹ نے 21 اکتوبر 2025 کو وی ٹی آئی وہاڑی کا دورہ کیا۔ اس موقع پر وی ٹی آئی بورے والا، وی ٹی آئی خانیوال، وی ٹی آئی عبدالحکیم اور وی ٹی آئی وہاڑی کے موٹر سائیکل مکینک ٹریڈ کے پاس آؤٹ ٹرینیز نے انٹرویوز میں شرکت کی اورموقع پر ہی انٹرویوز کے بعد مختلف امیدواروں کو ملازمت کے لیے منتخب کیا گیا۔ اعداد و شمار کے مطابق وی ٹی آئی وہاڑی کے 28 ٹرینیز، خانیوال کے 25 اور بورے والا کے 27 ٹرینیز کو ہنڈا شیخوپورہ لمیٹڈ میں ملازمت کے لیے منتخب کیا گیا۔اس کامیابی میں ٹریڈ انسٹرکٹر محمد فاروق اور سینئر لیب اسسٹنٹ محمود الحسن نے دن رات محنت کرتے ہوئے زیادہ سے زیادہ ٹرینیز کو انٹرویوز کے لیے مدعو کیا۔ اس موقع پر سینئر کیرئیر گائیڈنس اینڈ پلیسمنٹ آفیسر حامد نیاز چوہدری صاحب کی بھرپور رہنمائی اور کاوشیں بھی شامل رہیں۔ وی ٹی آئی وہاڑی کی انتظامیہ کی جانب سے اٹلس ہنڈا موٹر سائیکل انڈسٹریزلمیٹڈ شیخوپورہ کا شکریہ ادا کیا گیا جنہوں نے ادارے کے معیارِ تربیت پر اعتماد کرتے ہوئے طلبہ کو روزگار کے مواقع فراہم کیے۔ادارہ امید رکھتا ہے کہ اٹلس ہنڈا کمپنی مستقبل میں بھی اسی طرح تعاون جاری رکھے گی تاکہ ہنر مندنوجوانوں کو باعزت روزگار فراہم کر کے چیئرمین پی وی ٹی سی محترم خالد مسعود چوہدری صاحب اور وزیرِ اعلیٰ پنجاب محترمہ مریم نواز شریف صاحبہ کے وژن “ہنر مند پنجاب، خوشحال نوجوان " کی عملی تعبیر ممکن بنائی جا سکے۔