06/08/2025
دارالعلوم فاروقیہ میاں خان میں اساتذہ کرام کا ایک اہم مشاورتی اجلاس منعقد ہوا، جس میں شیخ الحدیث حضرت مولانا حافظ اخترعلی عزیزی دامت برکاتهم نے خصوصی شرکت فرمائی۔ اجلاس میں وسطانی (ششماہی) امتحان سے متعلق اہم امور پر تفصیلی مشاورت اور راہنمائی کی گئی۔ اس موقع پر امتحانی نظام کو بہتر اور مؤثر بنانے کے لیے مفید تجاویز بھی پیش کی گئیں۔
اجلاس کے اختتام پر دارالعلوم فاروقیہ میاں خان کی ترقی، استقامت اور دینی خدمات کے تسلسل کے لیے خصوصی دعا کی گئی۔
"اللہ تعالیٰ دارالعلوم فاروقیہ کو دن دگنی اور رات چوگنی ترقی عطا فرمائے، اس ادارے کو علم و عمل کا روشن مینار بنائے، اس کے اساتذہ و طلبہ کو اخلاص، استقامت، دین کی خدمت کا جذبہ اور قبولیت کی دولت عطا فرمائے، اور اسے تا قیامت دین اسلام کی سربلندی کا ذریعہ بنائے۔ آمین یا رب العالمین۔"
