Tafheem e Nau

24/09/2026

مانسہرہ تنازع اور کچھ صاف صاف باتیں

مانسہرہ کے زیرِ بحث تنازع کے حوالے سے مختلف آراء اور دعوے سامنے آ رہے ہیں۔ اس نشست میں کوشش کی گئی ہے کہ معاملے کو جذباتی انداز کے بجائے چند بنیادی سوالات اور حقائق کی روشنی میں سمجھا جائے۔
مکمل تفصیل یوٹیوب پہ
اس لنک پہ کلک کریں

https://youtu.be/59PUI_oQUdI?si=7ubzRZFCshjvTMJF

#مانسہرہ #خیبرپختونخوا #پاکستان

20/09/2026

ہم سوچتے ہیں، سوال کرتے ہیں، دلائل دیتے ہیں اور نتائج اخذ کرتے ہیں۔ لیکن کیا ہماری سوچ ہمیشہ درست ہوتی ہے؟

یہیں سے Logic (منطق) کی ضرورت سامنے آتی ہے۔

منطق صرف چند اصطلاحات یا قیاس کے قواعد کا نام نہیں، بلکہ یہ انسانی فکر کو منظم کرنے اور درست استدلال تک پہنچنے کا ایک اہم ذریعہ ہے۔

اس نشست میں Logic (منطق) کا تعارف، اس کی تعریف اور فلسفے میں اس کی حیثیت کے ساتھ ساتھ قدیم منطق اور جدید منطق کا بھی جائزہ لیا گیا ہے۔

قدیم منطق میں ارسطویی منطق، قیاس اور قضایا جیسے مباحث بنیادی اہمیت رکھتے ہیں، جبکہ جدید منطق نے Symbolic Logic، Formal Logic اور Mathematical Logic جیسے نئے میدانوں کو نمایاں کیا۔

منطق کی معروف تعریف:

صِيَانَةُ الذِّهْنِ عَنِ الْخَطَأِ فِي الْفِكْرِ

یعنی ذہن کو فکر میں غلطی سے محفوظ رکھنے کا علم۔

تمام انسان فانی ہیں۔
زید انسان ہے۔
لہٰذا زید فانی ہے۔

اس سادہ مثال کے ذریعے منطقی استدلال کی بنیادی ساخت کو سمجھا جا سکتا ہے۔

تفہیم فلسفہ جدید کی اس نشست میں قدیم و جدید منطق کے اہم پہلوؤں کو آسان انداز میں سمجھنے کی کوشش کی گئی ہے۔

ویڈیو دیکھیے، اپنی رائے دیجیے اور اسے دوسروں تک پہنچائیے۔

#منطق #فلسفہ
Logic | منطق | Philosophy | فلسفہ | Logic in Urdu | علم المنطق | فلسفہ کی پانچویں شاخ | Logical Reasoning | Critical Thinking | تفہیم فلسفہ جدید | تفہیم نو

13/09/2026

شیخ آباد کیمپ ۔۔ ق۔ ا۔ د۔ یا۔نیو۔ں کی زمین: مسجد یا مصلیٰ؟

فتاویٰ اور علماء کرام کا رویہ

#فتاویٰ

07/09/2026

علماء وطلبہ اور علم دوست حضرات سے درخواست ہے کہ تخریج و اضافات اور رنگین صفحات والا یہ نسخہ عنقریب منظر عام پر آ رہا ہے۔
الحاد کے خلاف تحریک میں شامل کارکنان کی جماعت اس شاھکار نسخے کو کم سے کم قیمت اور جلد ازجلد آپ تک پہنچانے کے لیے شبانہ روز محنت کر رہی ہے۔
چند دن انتظار فرمائیں! ناقص، غیر معیاری اور جعلی نسخہ خریدنے سے اجتناب کریں۔

06/09/2026

فلسفے اور سائنس میں علم حاصل کرنے کا بنیادی ذریعہ صرف "حواس خمسہ" نہیں ہوتا، بلکہ "استنباط" اور "خبرِ صادق" بھی علم کے بنیادی ذرائع ہیں۔
سائنس میں ہم الیکٹران، بلیک ہول، یا کششِ ثقل کو آنکھوں سے نہیں دیکھتے، بلکہ ان کے آثار و نتائج سے ان کے وجود کو استنباطی عقل کے ذریعے مانتے ہیں۔ ایمان بالغیب کا مطلب بھی یہی ہے کہ آفاق و انفس (کائنات اور انسان) میں موجود "آیات" اور "نشانیوں" پر عقل استعمال کر کے غیب کی حقیقت خالقِ کائنات کا ادراک کیا جائے۔ یہ اندھا ایمان نہیں بلکہ نتائج سے علت تک پہنچنے کا عقلی سفر ہے۔
۔
بس اتنی سی بات دانشور بھائی کو سمجھ نہیں آتی اور ان کے زعم میں اس وقت عقل و خرد کے یہ پاکستان میں تنہا یا گنے چنے وارثین میں سے ہیں۔
۔
محمد ابراھیم

03/09/2026

آج کے ڈیجیٹل دور میں کسی کی محنت، کتاب، سافٹویئر یا ویڈیو کو بغیر اجازت کاپی کرنا بہت عام ہو گیا ہے۔ لیکن کیا اسلام اس کی اجازت دیتا ہے؟ کیا "کاپی رائٹ" (Copyright) کے قانون کی کوئی شرعی حیثیت ہے؟ 🤔

بہت سے لوگ اسے عام بات سمجھتے ہیں، مگر شریعت میں 'حقوق العباد' اور 'دانشورانہ حقوق' (Intellectual Property) کی بہت اہمیت ہے۔ جانیےتفصیلات اس ویڈیو میں !

اپنے دوستوں کے ساتھ بھی شیئر کریں تاکہ سب کو اس اہم مسئلے کی شرعی حیثیت معلوم ہو سکے۔

28/08/2026

27/08/2026

انگریزی گرامر آخر اتنی اہم کیوں ہے؟

کیا English Grammar صرف امتحان پاس کرنے کے لیے ضروری ہے؟
کیا گرامر صرف اسکول اور کالج کے طلبہ کا موضوع ہے؟
یا پھر اس کا تعلق ہماری روزمرہ گفتگو، تحریر، تعلیم اور پیشہ ورانہ زندگی سے بھی ہے؟

تفہیم نو کے پروگرام فکر و فن میں اس مرتبہ ہماری گفتگو ایک نہایت اہم موضوع اور ایک مفید کتاب کے حوالے سے ہے۔

ہمارے مہمان ہیں اکرام الحق صاحب، جو ایلیمنٹری اینڈ سیکنڈری ایجوکیشن ڈیپارٹمنٹ کے پرنسپل اور M.Phil. English (Language & Linguistics) ہیں۔

اکرام الحق صاحب نے English Grammar پر ایک ایسی کتاب تحریر کی ہے جو صرف کسی ایک تعلیمی سطح تک محدود نہیں بلکہ عام طالب علم سے لے کر اعلیٰ تعلیم حاصل کرنے والے طلبہ تک مختلف سطحوں پر مفید ثابت ہوسکتی ہے۔

خصوصاً پاکستان میں ہونے والے CSS، PMS، KPPSC، PPSC، FPSC اور دیگر Public Service Commission اور Competitive Examinations کے امیدواروں کے لیے بھی یہ موضوع خاص اہمیت رکھتا ہے۔

24/08/2026

کیا آپ جانتے ہیں کہ اسلامی عقائد کو عقلی اور استدلالی بنیادوں پر سمجھنے کے لیے علم الکلام کی کیا اہمیت ہے؟

پروگرام علم الکلام کے پہلے حصے میں ہم اسلامی علمی روایت کی ایک نہایت اہم کتاب شرح العقائد النسفیہ کا تعارف پیش کر رہے ہیں۔

اس گفتگو میں ہم کتاب کے پس منظر، مصنفین، علمی مقام اور علم الکلام کی بنیادی ضرورت پر بات کریں گے۔

یہ سلسلہ خاص طور پر ان لوگوں کے لیے مفید ہے جو:

📚 اسلامی عقائد کو گہرائی سے سمجھنا چاہتے ہیں
🧠 عقیدہ اور عقل کے تعلق پر غور کرنا چاہتے ہیں
🔍 فلسفہ اور علم الکلام میں دلچسپی رکھتے ہیں
⚖️ جدید فکری اعتراضات اور اسلامی جوابات کو سمجھنا چاہتے ہیں

پروگرام: علم الکلام
حصہ اول: شرح العقائد النسفیہ کتاب کا تعارف

ویڈیو دیکھیں، اپنی رائے ضرور دیں اور اسے ان دوستوں تک پہنچائیں جو اسلامی فکر اور عقائد کے علمی مطالعے میں دلچسپی رکھتے ہیں۔



#عقیدہ #تحقیق