تنظیم اساتذہ ضلع مانسہرہ

*آگیگا پاکستان اجلاس، اسلام آباد*

⚡22 مئی2026 بمقام کیپٹل میرج ہال اسلام آباد میں آل گورنمنٹ ایمپلائز گرینڈ الائنس پاکستان کا اجلاس ہوا۔۔

جس میں ملک بھر سے تنظیموں کے قائدین اور ذمہ داران نے شرکت کی۔۔
تنظیمِ اساتذہ خیبرپختونخوا کی طرف سے *جناب عبدالودود خٹک* نگران شعبہ بہبودِ اساتذہ نے شرکت کی۔۔میں نے عرض کیا کہ ہم آگیگا کے چارٹر آف ڈیمانڈ کی مکمل حمایت کرتے ہیں، ہے رویژن(Pay Revision) کی منظوری، کنونس الاؤنس، ہاؤس رینٹ الاؤنس وغیرہ پر نظر ثانی کا مطالبہ کرتے ہیں، وفاق و صوبوں کے احتجاجی دھرنوں میں بھرپور شرکت کریں گے، ملک بھر کے ملازمین سے اپسمیں اتفاق و اتحاد کا مظاہرہ کرنے کی درخواست کرتے ہیں۔۔اجلاس میں آئندہ مالی بجٹ 27-2026 کے حوالے سے طویل مشاورت ہوئی اور مختلف آراء کا تبادلہ ہوا اور تجاویز پیش کیے گئے۔۔اجلاس کے بعد آل گورنمنٹ ایمپلائز گرینڈ الائنس (اگیگا) پاکستان کی مرکزی قیادت کے زیر اہتمام نیشنل پریس کلب اسلام آباد میں ایک اہم پریس کانفرنس منعقد ہوئی۔ پریس کانفرنس کی صدارت اگیگا پاکستان کے چیف کوآرڈینیٹر رحمان باجوہ نے کی جبکہ مرکزی صدر راجہ طاہر محمود، مرکزی چیئرمین حیدر علی خان ، آگیگا خیبرپختونخوا سے سمیع اللہ خلیل بابائے آگیگا، چیئرمین پروفیسر عبد الحمید آفریدی, جنرل سیکرٹری سید وقار علی شاہ، آگیگا پنجاب سے چیئرمین حافظ غلام محی الدین ، صدر میڈم رخسانہ انورا، ندیم احمد اشرفی سرپرست اعلیٰ آگیگا پنجاب اور آگیگا پاکستان میں شامل دیگر وفاقی و صوبائی تنظیموں کے نمائندگان، مختلف محکمہ جات کے قائدین اور ملازمین کی نمائندہ تنظیموں کے عہدیداران بھی شریک ہوئے۔

پریس کانفرنس سے خطاب کرتے ہوئے مقررین نے کہا کہ 10 مارچ 2025ء کو آل گورنمنٹ ایمپلائز گرینڈ الائنس (اگیگا) پاکستان اور حکومت پاکستان کے درمیان سرکاری ملازمین کے مسائل کے حل اور مختلف مراعات کی فراہمی کے حوالے سے طے پانے والے معاہدے کی بعض اہم شقوں پر تاحال مکمل عملدرآمد نہیں ہو سکا۔ انہوں نے مطالبہ کیا کہ معاہدے کی باقی ماندہ شقوں پر فوری عملدرآمد یقینی بنایا جائے اور انہیں آئندہ وفاقی بجٹ 2026-27ء کا حصہ بنایا جائے۔ مقررین نے کہا کہ موجودہ مہنگائی، بڑھتے ہوئے اخراجاتِ زندگی اور معاشی دباؤ کے باعث سرکاری ملازمین شدید مشکلات کا سامنا کر رہے ہیں، لہٰذا ان کے جائز مطالبات کو وفاقی بجٹ 2026-27ء میں ترجیحی بنیادوں پر شامل کر کے ان مسائل کا مؤثر حل یقینی بنایا جائے۔
اگیگا پاکستان نے حکومت پاکستان کے سامنے درج ذیل بجٹ مطالبات پیش کیے:
1. تمام ایڈہاک ریلیف الاؤنسز کو بنیادی تنخواہ میں ضم کیا جائے اور پے اسکیل 2026 متعارف کرایا جائے۔
2. پینشن میں جامع اصلاحات کے نام پر نافذ کیے گئے اقدامات واپس لے کر پینشن کا موجودہ نظام بحال رکھا جائے اور سرکاری ملازمین کے پینشن حقوق کا مکمل تحفظ یقینی بنایا جائے۔
3. تنخواہوں میں تفاوت کو کم کرنے کے لیے معاہدے کے طے شدہ نکات شق نمبر 1 کے تحت مزید 30 فیصد ڈسپیریٹی ریڈکشن الاؤنس (DRA-2026) محروم ملازمین کو دے کر انکی محرومی کا مداوہ کیا جاے۔
4. گریڈ 1 تا 22 کے تمام ملازمین کی تنخواہوں میں 100 فیصد ایڈہاک ریلیف الاؤنس 2026 کا اضافہ کیا جائے، بشمول دیگرپےسکیلزیعنی MPS ، SPS اور TTS کیٹیگریزوغیرہ۔
5. 50 ہزار روپے سے کم پینشن لینے والے پینشنرز کی پینشن کو کم از کم 50 ہزار کیا جائے اور تمام پینشنرز کی پینشن میں 100 فیصد اضافہ کیا جائے۔
6. گریڈ 1 تا 22 کے تمام ملازمین کے کنوینس، میڈیکل اور رینٹ الاؤنسز میں 200 فیصد اضافہ کیا جائے۔
7. معاہدے کی شق نمبر(b) 7 کے تحت ٹیچرز اور ریسرچرز کا 25 فیصد ٹیکس سلیب تاریخ اجرا سے فل فور واپس لینے کے حوالے سے نوٹیفیکیشن جاری کروایا جائے اور ٹیکس کی مد میں کاٹی گئ رقم کی واپسی کے حوالے سے ضابطہ کار طے کرنے کے حوالے سے FBR اور AGPR کو ہدایات جاری کی ا جائے۔
8. مزدور کی کم از کم اجرت 50 ہزار روپے ماہانہ مقرر کی جائے۔
9. معاہدے کی شق نمبر8 کے مطابق پرائم منسٹر اسسٹنٹ پیکج کے تحت دوران سروس فوت ہو جانے والے ملازم کے بچوں کی بھرتی جو ختم کر دی گئی ان بھرتیوں کو دوبارہ بحال کیا جائے ۔
10. معاہدے کی شق نمبر(a) 6 کے مطابق ملازمین کی ابگریڈیشن کے حوالے سے اسٹیبلشمنٹ ڈویژن،فنانس ڈویژن اور اگیگا پاکستان کے نمائندوں پر مشتمل ایک جوائنٹ کمیٹی بنائی جائے جو ملازمین کی اپگریڈیشن کے حوالے سے دیگر صوبوں کی طرز پر سفارشات مرتب کر کے بروقت ضروری اقدامات/ ہدایات جاری کریں ۔
11. معاہدے کی شق نمبر 3(b) کے مطابق لیو انکیشمنٹ کے حوالے سے اور پنجاب ملازمین کے دیگر مطالبات کو حل کروانے کے لیے پنجاب حکومت سے بات کی جائے اوراگیگا پنجاب ملازمین کے چارٹرڈ آف ڈیمانڈ کے مطابق ان کے مسائل کو حل کیا جائے۔
12. معاہدے کی شق نمبر پ5 کے مطابق ڈیلی ویجز کنٹریکٹ ملازمین کو ریگولرائزیشن کے حوالے سے کمیٹی جس کے سربراہ جناب وفاقی وزیر علی پرویز ملک صاحب ہیں اس کمیٹی کی فل فور میٹنگ بلائی جائے جس میں اسٹیبلشمنٹ ڈویژن کے نمائندوں کو بلایا جائے۔
13. معاہدے کی شق نمبر 4 کے مطابق تعلیمی اور دیگر سرکاری ادارے جو کہ نجکاری کی فہرست میں شامل ہیں آگیگا پاکستان میں شامل ان اداروں کے قائدین اور متخب حکومتی نمائندگان پر مشتمل کمیٹیاں تشکیل دی جائیں جو کہ اداروں کی بہتری کے لیے اپنی سفارشات اور تحفظات ان کمیٹیوں کے ذریعے حکام بالا تک پہنچا سکیں۔

مقررین نے کہا کہ موجودہ معاشی حالات میں سرکاری ملازمین شدید مالی دباؤ کا شکار ہیں اور اگر ان کے مسائل کو بجٹ میں مناسب طور پر حل نہ کیا گیا تو ملازمین میں بے چینی مزید بڑھے گی۔ انہوں نے وفاقی حکومت سے مطالبہ کیا کہ بجٹ سازی کے عمل میں ملازمین کے نمائندوں کو اعتماد میں لیا جائے اور ان کے جائز مطالبات کو بجٹ کا حصہ بنایا جائے۔

پریس کانفرنس کے اختتام پر آل گورنمنٹ ایمپلائز گرینڈ الائنس (اگیگا) پاکستان نے واضح کیا کہ اگر ملازمین کے جائز مطالبات تسلیم نہ کیے گئے تو اگیگا پاکستان میں شامل ملک بھر کی تمام تنظیمیں وفاقی بجٹ سے ایک روز قبل، مورخہ 4 جون 2026ء کو پاکستان سیکرٹریٹ اور پارلیمنٹ ہاؤس کے سامنے پرامن احتجاج اور دھرنا دینگے جو بجٹ کے دن مورخہ 5جون 2026ء تک جاری رہے گا۔۔
*عبدالودود خٹک*
نگران شعبہ بہبودِ اساتذہ
تنظیمِ اساتذہ خیبرپختونخوا

تنظیم اساتذہ پاکستان ضلع مانسہرہ کے قائدین اور اراکین کی اگیگا کے زیر اہتمام 20 مئی سن 2026 بروز بدھ تین بجے پریس کلب کے سامنے احتجاج میں بھرپور نمائندگی تمام اراکین اور نمائندگان کا بہت بہت شکریہ کہ انہوں نے اس احتجاج میں شرکت کر کے ایک کامیاب احتجاج ریکارڈ کروایا
تنظیم اساتذہ پاکستان

آج تنظیم اساتذہ ضلع مانسہرہ کے ایک وفد نے ڈسٹرکٹ ایجوکیشن آفیسر مانسہرہ محمد معروف خان جدون سے ملاقات کی۔ انہیں نئی ذمہ داریوں پر مبارک باد پیش کی اور ضلع مانسہرہ میں اساتذہ کی فلاح و بہبود اور بچوں کے لیے تعلیمی میدان میں بہتری لانے کے لیے ہر ممکن تعاون کی یقین دہانی کرائی۔
یہ ملاقات انتہائی خوشگوار ماحول میں ہوئی۔
وفد میں صدر ضلع محمد بلال، سیکرٹری ضلع حمزہ مخیص طاہر، صدر تحصیل مانسہرہ محمد جاوید ، سیکرٹری تحصیل مانسہرہ امیر الرحمن میڈیا کوارڈینیٹر محمد طاہر، ابرار احمد ، مولانا محمد شفیع اور دیگر ذمہ داران تنظیم اساتذہ ضلع مانسہرہ شامل تھے۔
ڈسٹرکٹ ایجوکیشن آفیسر صاحب نے تنظیم اساتذہ ضلع مانسہرہ کے وفد کا شکریہ ادا کیا اور اس عزم کا اظہار کیا کہ انشاءاللہ اساتذہ کے مفاد اور بہتری کے لیے مل جل کر کام کریں گے اور تعلیمی نظام کی بہتری اور اساتذہ کی فلاح و بہبود کے لیے تنظیم اساتذہ پاکستان کے مثبت کردار کو سراہا اور اپنی طرف سے آئندہ بھی ہر ممکن تعاون کی یقین دہانی کرائی ۔

Congratulations District Education Officer Male Mansehra Sir Muhammad Mahroof Khan
District Education Office Male Mansehra
KP Elementary & Secondary Education Department