Govt. Girls Degree College Bherkund Mansehra

گورنمنٹ گرلز ہائی اسکول بھیرکنڈ کا تعلیمی دورہ
گورنمنٹ ڈگری کالج برائے خواتین ، بھیر کنڈ کی انچارج پرنسپل محترمہ نوریِن شہزادی اور لیکچرار شماریات محترمہ شوانہ صدف نے گورنمنٹ گرلز ہائی اسکول بھیرکنڈ کا دورہ کیا۔ اس موقع پر انہوں نے اسکول کی معزز پرنسپل، تدریسی عملے اور طالبات سے ملاقات کی۔
دورے کے دوران محترمہ نورین شہزادی اور محترمہ شہوانہ صدف صاحبہ نے مختلف جماعتوں کا دورہ کیا اور طالبات سے براہِ راست بات چیت کی۔ انہوں نے اعلیٰ تعلیم کی اہمیت، تعلیمی مواقع اور مستقبل میں کامیابی کے حصول کے لیے بچیوں کے لیے تعلیم کی ضرورت اور اہمیت پر روشنی ڈالی۔ طالبات کو اعلی تعلیم کی ترغیب دیتے ہوئے انہوں نے کہا گورنمنٹ ڈگری کالج برائے خواتین ، بھیر کنڈ کا قیام اس علاقے کی بچیوں کے خوابوں کو حقیقت کا روپ دینے کا بہترین وقت ہے، لہٰذا وہ اپنی تعلیم کو جاری رکھتے ہوئے اعلیٰ تعلیمی اداروں میں داخلہ حاصل کریں اور دستیاب مفت تعلیمی سہولیات سے بھرپور استفادہ کریں۔
طالبات نے اس رہنمائی کو نہایت دلچسپی سے سنا اور اپنے مستقبل کے حوالے سے مختلف سوالات بھی کیے، جن کے تسلی بخش جوابات دیے گئے۔
ہم گورنمنٹ گرلز ہائی اسکول بھیرکنڈ کی معزز پرنسپل، تدریسی عملے اور طالبات کے تہہِ دل سے شکر گزار ہیں جنہوں نے ہمارے وفد کا پرتپاک استقبال کیا، بھرپور تعاون کیا اور اس تعلیمی آگاہی مہم کو کامیاب بنانے میں اہم کردار ادا کیا۔
تعلیم ہی روشن مستقبل کی ضمانت ہے جب کہ آج کی طالبات کل کی کامیاب قیادت ہیں۔

Choose the right path, no matter how difficult it may be.

Stay connected to the college page ......