Govt. Institute of Business & Commercial Education Larkana

شهيدن جي شهر لاڙڪاڻي جي ڪاليج کي بند ڪرڻ جا امڪاني خطرا — هڪ اهم اپيل

لاڙڪاڻو، جنهن کي شهيدن جو شهر سڏيو وڃي ٿو، هميشه تعليم، شعور ۽ ترقي جو مرڪز رهيو آهي. هن شهر جي تعليم يافته نوجوانن نه رڳو پاڪستان، پر سڄي دنيا ۾ پنهنجي محنت ۽ صلاحيت سان لاڙڪاڻي جي سڃاڻپ کي بلند رکيو آهي. انهن ئي ادارن مان هڪ، گورنمينٽ انسٽيٽيوٽ آف بزنس اينڊ ڪمرشل ايجوڪيشن (ڪمرشل ڪاليج)، باقراڻي روڊ لاڙڪاڻو آهي، جيڪو 1971 کان اڄ تائين فني ۽ ڪمرشل تعليم جو اهم مرڪز رهيو آهي۔

هي ادارو ڊپلومه اِن ڪامرس، انگريزي شارٽ هينڊ، انگريزي ٽائيپرائيٽنگ ۽ ڪامرس جا اهم سبجيڪٽ پڙهائي هزارين شاگردن کي روزگار لائق بڻايو آهي. ان اداري جا فارغ‌التحصيل شاگرد پاڪستان جي وفاقي ۽ صوبائي ادارن سميت ڪيترن ئي ملڪن ۾ ذميواراڻيون خدمتون سرانجام ڏئي رهيا آهن، جيڪي هن اداري جي معيار ۽ اثر جو ثبوت آهن۔

اداري کي پبلڪ پرائيويٽ پارٽنرشپ تحت “ٿرڊ پارٽي” حوالي ڪرڻ ۽ IT ڊپارٽمينٽ ٺاهڻ — سنگين ڳڻتي

تازين ڳالهين مطابق ايسٽيوٽا مينيجمينٽ گورنمينٽ ڪمرشل ڪاليج لاڙڪاڻو کي
پبلڪ پرائيويٽ پارٽنرشپ (PPP) تحت هڪ ٿرڊ پارٽي جي حوالي ڪرڻ ۽ هن جي جاءِ تي “انفارميشن ٽيڪنالاجي ڊپارٽمينٽ” قائم ڪرڻ جو منصوبو تيار ڪري چڪي آهي۔

هي قدم ڪيترن ئي سوالن جا در کولي ٿو:

ڇا تاريخي ڪمرشل تعليم ختم ڪري جديد IT جو تجربو ڪري شاگردن جو مستقبل سيڙهي ۾ وڌو پيو وڃي؟

ڪيترن ئي گهٽ آمدني وارن شاگردن لاءِ ڪمرشل ڪاليج جو دروازو بند ٿي ويندو؟

ڇا اسٽاف، استادن ۽ موجوده انفراسٽرڪچر جي اهميت کي نظرانداز ڪيو پيو وڃي؟

۽ سڀ کان اهم: ڇا هڪ 54 ساله ورثو رڳو تجربن جي نالي تي قربان ڪيو ويندو؟

هن اداري کي اسانجي ضرورت IT تائين محدود نه آهي، پر ان جي سڃاڻپ ۽ تاريخ کي ختم ڪرڻ بلڪل نامناسب قدم آهي۔

لاڙڪاڻي واسين جي گڏيل ۽ پرزور اپيل

لاڙڪاڻي جا شاگرد، والدين، استاد، سماجي تنظيمون ۽ باشعور شهري هي سنجيده ۽ دل سان ڪيل اپيل ٿا ڪن:

محترم بلاول ڀٽو زرداري صاحب،
محترمه فريال ٽالپر صاحبه،
جناب جميل احمد سومرو صاحب،

مھرباني ڪري:

ايسٽيوٽا مينيجمينٽ سان ڳالهائي

هن اداري کي PPP تحت ٿرڊ پارٽي کي ڏيڻ وارو عمل روڪرايو

۽ ڪمرشل ڪاليج جي جاءِ تي نئون IT ڊپارٽمينٽ قائم ڪرڻ وارو منصوبو فوري طور بند ڪرايو

لاڙڪاڻي جي تعليمي ورثي سان انصاف ڪيو وڃي

لاڙڪاڻي واسين جو مطالبو سادو ۽ جائز آهي:
“IT ڊپارٽمينٽ ٺاهي ضرور، پر ڪنهن ٻئي جڳهه… تاريخي ڪمرشل ڪاليج کي ختم نه ڪيو وڃي!”

آخر ۾
گورنمينٽ ڪمرشل ڪاليج لاڙڪاڻو رڳو هڪ تعليمي ادارو نه، پر پنج ڏهاڪن جي محنت، تاريخ ۽ هزارين شاگردن جو مستقبل آهي. هن اداري جي حفاظت ڪرڻ هر ذميوار شخص ۽ ادارو جو فرض آهي— جيئن تعليم عوام تائين بنا رڪاوٽ پهچندي �

Mega Skill Exhibition 2025.

Admissions are open @ GIBCE Larkana in D.com Short Hand & Accounting Group. So hurry up and get enrolled .

A very good opportunity for Youth of larkana to to For studies in China.

Admissions are Open @ GIBCE Larkana.

Our Chinese Course Student conduct Motivation session about course HSK- Level -1 Academy Larkana.

25-05-2023 Blended Learning & CBT Training at Govt. Institute of Business & Commercial Education Larkana