08/11/2025
ہم اپنے معزز مہمان ڈاکٹر خورشید احمد (اسسٹنٹ پروفیسر، انجینئرنگ یونیورسٹی پشاور) کے دل سے مشکور ہیں. جنہوں نے اپنی مصروفیات کے باوجود ہمارے سکول کا دورہ کیا اور طلبہ کے ساتھ ایک انتہائی موٹیویشنل اور متاثر کن سیشن لیا۔
ڈاکٹر صاحب نے طلبہ کو رہنمائی دی کہ وہ اپنے مستقبل کا تعین کیسے کریں، خوابوں کو حقیقت میں کیسے بدلیں، اور کامیابی کے لیے خود کو کیسے موٹیویٹ رکھیں۔
سوال و جواب کا دلچسپ سیشن ہوا جس میں طلبہ نے بھرپور حصہ لیا، اور ڈاکٹر صاحب نے ان کے سوالات کے نہایت مدلل اور متاثر کن جوابات دیے۔
آخر میں ڈاکٹر خورشید احمد اور جناب بخت سرور صاحب نے طلبہ میں انعامات تقسیم کیے، جس سے ان کا حوصلہ مزید بلند ہوا۔
ڈاکٹر صاحب نے سکول کے تعلیمی ماحول کو سراہا، قابلِ توجہ امور کی نشاندہی کی، اور پرنسپل صاحب کے ساتھ مختلف تعلیمی و انتظامی امور پر مفید تبادلۂ خیال کیا۔
ہم ان کے اس علمی، حوصلہ افزا اور یادگار دورے کے لیے دل سے شکر گزار ہیں۔
