21/04/2026
الحیات پبلک ہائی سکول میں تقسیمِ انعامات کی ایک باوقار اور یادگار تقریب منعقد ہوئی، جس کی صدارت مدیرِ اعلیٰ حافظ مولانا حکیم حیات اللہ صاحب نے فرمائی جبکہ سکول کے معزز پرنسپل جناب زاکر حسین صاحب بھی اس موقع پر موجود تھے۔
تقریب میں 1th کلاس سے لےکر 8th جماعت کے ہونہار طلبہ کو ان کی شاندار کارکردگی پر انعامات سے نوازا گیا۔ طلبہ کی محنت، اساتذہ کی لگن اور والدین کی دعاؤں کا یہ حسین امتزاج اس تقریب میں نمایاں نظر آیا۔
مدیرِ ادارہ نے اپنے خطاب میں طلبہ کو علم کے حصول میں مزید محنت، اخلاص اور دیانت داری کو اپنانے کی تلقین کی، جبکہ پرنسپل صاحب نے کامیاب طلبہ کو مبارکباد دیتے ہوئے دیگر طلبہ کو بھی محنت اور لگن سے آگے بڑھنے کی ترغیب دی۔
تقریب کے اختتام پر ادارے کی ترقی، طلبہ کی کامیابی اور ملک و ملت کی خوشحالی کے لیے خصوصی دعا کی گئی۔
اللہ تعالیٰ تمام طلبہ کو مزید کامیابیاں عطا فرمائے اور اس ادارے کو دن دگنی رات چوگنی ترقی نصیب فرمائے، آمین۔
