Jamiya Ghausia Rizvia, Masjid Allah Wali

🌹 " ایم فل کی تکمیل پر مبارکباد" 🌹

ہم جامعہ غوثیہ رضویہ کے معزز استاذ محترم حضرتِ علامہ مولانا مقصود نوشاہی صاحب کو Imperial College of Business Studies, Lahore سے ایم فل (علومِ اسلامیہ) کامیابی سے مکمل کرنے پر جامعہ غوثیہ رضویہ (الله والی مسجد) کے تمام اساتذۂ کرام اور جملہ طلبہ کی جانب سے دلی مبارک باد پیش کرتے ہیں۔

اللہ تعالیٰ آپ کے علم و فضل میں مزید برکتیں عطا فرمائے، آپ کے علومِ نافعہ سے امتِ مسلمہ کو فیض یاب فرماتا رہے، آپ کی علمی و تدریسی خدمات کو اپنی بارگاہ میں شرفِ قبولیت عطا فرمائے، آپ کو مزید کامیابیوں اور عزتوں سے نوازے۔

آمین یا رب العالمین۔

🌹جامعہ غوثیہ رضویہ میں سہ ماہی امتحانات کا انعقاد🌹

الحمد للہ، جامعہ غوثیہ رضویہ میں 6، 7 اور 8 جولائی کو سہ ماہی امتحانات کامیابی کے ساتھ منعقد ہوئے، جن میں تمام طلبہ نے ذمہ داری کے ساتھ اپنی شرکت یقینی بنائی۔

امتحانات کے دوران جامعہ کے اساتذۂ کرام نے نگرانی کے فرائض انجام دیے۔

بفضله تعالیٰ جامعہ ہذا میں تعلیم و تدریس کا سلسلہ مکمل نظم و ضبط کے ساتھ جاری رکھنے کی ہر ممکن کوشش کی جا رہی ہے۔

الله تعالیٰ ہمارے تمام طلبہ کو علمِ نافع، عملِ صالح اور اخلاصِ نیت سے مالا مال فرمائے، اساتذۂ کرام کی دینی و تعلیمی مساعی کو اپنی بارگاہ میں شرفِ قبولیت عطا فرمائے اور جامعہ کے تمام معاونین و منتظمین کو اپنی جناب سے اجرِ عظیم عطا فرمائے۔

آمین بجاہِ النبی الامین ﷺ

26 جون بروز جمعۃ المبارک بمطابق 10 محرم الحرام (یومِ عاشورہ)، انجمن عاشقانِ رسول کے زیرِ اہتمام جامع مسجد اللہ والی میں شہدائے کربلا کے ایصالِ ثواب کے لیے ایک روح پرور محفلِ شریف منعقد ہوئی۔ اس بابرکت محفل میں جامعہ مسجد غوثیہ رضویہ کے طلبۂ کرام نے بھرپور شرکت کرتے ہوئے تلاوتِ کلامِ مجید، نعتِ رسولِ مقبول ﷺ اور دیگر دینی سرگرمیوں میں حصہ لیا۔

محفل سے جامعہ کے ناظمِ اعلیٰ، استاذ العلماء حضرت علامہ مولانا عرفان قادری صاحب نے خطاب فرمایا اور واقعۂ کربلا کے پیغامِ حق و استقامت کو اجاگر کیا۔

بارگاہِ الٰہی میں دعا ہے کہ اللہ تعالیٰ شہدائے کربلا کے درجات مزید بلند فرمائے، اس محفل کے منتظمین، معاونین، شرکاء اور خدمت گزاروں کی تمام کاوشوں کو اپنی بارگاہ میں شرفِ قبولیت عطا فرمائے اور ان پر اپنی بے شمار رحمتیں اور برکتیں نازل فرمائے۔

اللّٰہم آمین بجاہِ سید الشہدا و سید المرسلین ﷺ

الحمد للّٰه علی احسانه 🌹

16 اپریل بروز جمعرات جامع مسجد الله والی و جامعہ غوثیہ رضویہ میں افتتاحِ اسباق کی تقریبِ سعید منعقد کی گئی۔

تقریب میں جامعہ کے جملہ اساتذۂ کرام اور انتظامیہ کی سرکردہ شخصیات نے شرکت کی۔

اسباق کے افتتاح کے لئے حضور فیضِ عالم (علیه الرحمه) کی مسجد کے امام اور جامعہ حنفیہ غوثیہ کے استاذ الحدیث حضرت مولانا فیصل صاحب (زید مجدہ) تشریف لائے، آپ کی متانت، پُر وقار شخصیت اور سنجیدہ گفتگو سن کر بہت مسرت ہوئی۔

بفضله تعالی امسال جامعہ میں عامہ اول تا عالیہ اول (پہلے سال سے چھٹے سال تک) کی کلاسز کو درسیات کی اعلی تعلیم فراہم کی جا رہی ہے۔

الله کریم ہم سب کو اپنے دینِ متین کی خدمت کے لئے منتخب فرمائے، اس خدمت کو اپنے قرب، اپنے پیارے حبیب ﷺ کی رضا اور ہماری نجات کا ذریعہ بنائے۔
آمین بجاہ النبی الامینﷺ

🌹الحمد للّٰه علی احسانه🌹

جامعہ غوثیہ رضویہ کے 7 خوش نصیب حفاظِ کرام نے تکمیلِ حفظِ قرآن کی سعادت پائی اور گزشتہ شب ان کی دستارِ فضیلت کی پُروقار تقریب منعقد ہوئی۔

اللہ تعالیٰ ان کے سینوں کو نورِ قرآن سے ہمیشہ منور رکھے۔ آمین 🤍

15 جنوری 2026 کو جامعہ غوثیہ رضویہ اللہ والی مسجد میں اعلانِ نتائج و تقسیمِ انعامات کی تقریب منعقد ہوئی، جس میں جامعہ کے مدرسین اور کمیٹی کے نمائندہ افراد نے شرکت کی۔

استاذ العلماء پروفیسر غلام نبی قادری اور مولانا فرقان علی امینی نے اظہارِ خیال کیا اور طلبہ کو الوداعی نصائح ارشاد فرمائیں۔

عامہ اول سے پہلی پوزیشن محمد عبداللہ،
عامہ دوم سے پہلی پوزیشن محمد ابوبکر،
خاصہ اول سے پہلی پوزیشن انوار حسین،
خاصہ دوم سے پہلی پوزیشن عبد الله حمید،
اور عالیہ اول سے پہلی پوزیشن محمد احمد نے حاصل کی اور جامعہ کی طرف سے اعزازات وصول کئے۔

بعد ازاں سینیئر نائب صدر احسن رسول صاحب اور جنرل سیکرٹری عاطف صاحب نے چیف گیسٹ نائب صدر محترم عبدالقیوم صاحب کو بھی اعزاز دیا۔

استاذ العلماء حضرت مولانا غلام شبیر سروری قادری نے سرپرستی فرمائی اور پروگرام کے اختتام پر استاذ الحفاظ قاری مجاہد صاحب نے دعا فرمائی۔

الله سب کی کاوشوں کو اپنی بارگاہ میں قبول فرمائے اور اجر عظیم عطا فرمائے۔

الحمد لله علی احسانه

عید میلاد النبی ﷺ کے پُر مسرت موقع پر جامعہ غوثیہ رضویہ مسجد الله والی کے طلبہ کی طرف سے شاندار جلوسِ میلاد کا انعقاد کیا گیا جو مرحبا یا مصطفیٰ ﷺ کی گونج میں قرب و جوار کے بازاروں سے ہوتا ہوا واپس مسجد پر اختتام پذیر ہوا۔
جلوسِ میلاد میں جامعہ کے اساتذہ اور مسجد کے نمازی حضرات نے بھی والہانہ انداز میں شرکت کی۔
مالکِ کریم ہم سب کو اپنے پیارے حبیب ﷺ کی محبت و اطاعت میں زندگی بسر کرنے کی توفیق عطا فرمائے!
آمین بجاہ النبی الامین ﷺ