الواحد سکول سسٹم اینڈ اکیڈمی

🎓 آٹھویں جماعت کا نتیجہ آ چکا ہے اب وقت ہے نویں جماعت میں داخلے کا درست فیصلہ کرنے کا!

والدین اور طلبہ کے لیے خوشخبری یہ ہے کہ اب روایتی مضامین کے ساتھ ساتھ میٹرک ٹیک کے جدید اور ہنر مند شعبے بھی دستیاب ہیں، جو طلبہ کو تعلیم کے ساتھ عملی مہارت بھی فراہم کرتے ہیں۔
📘 روایتی گروپس:
🔹 سائنس بائیولوجی
🔹 سائنس کمپیوٹر سائنس
🔹 آرٹس کمپیوٹر سائنس
🔹 سادہ آرٹس
💡 نئے میٹرک ٹیک پروگرامز:
💻 آئی سی ٹی
🌾 ایگریکلچر
🩺 ہیلتھ سائنسز
👗 فیشن ڈیزائننگ
یہ جدید کورسز طلبہ کو مستقبل کے تقاضوں کے مطابق تیار کرتے ہیں اور آگے چل کر بہتر روزگار اور کامیابی کے مواقع فراہم کرتے ہیں۔
📌 داخلہ لیتے وقت اپنے بچے کی دلچسپی، صلاحیت اور مستقبل کو ضرور مدِنظر رکھیں۔
🌟 آج کا درست انتخاب، کل کا روشن مستقبل!

یوم پاکستان: ایک عہد وفا

23 مارچ 1940 یہ وہ تاریخی دن ہے جب برصغیر کے مسلمانوں نے منٹو پارک (موجودہ اقبال پارک) لاہور میں جمع ہو کر قائدِ اعظم محمد علی جناح کی قیادت میں اپنی منزل کا تعین کیا۔ یہ قرارداد جسے پہلے "قرارداد لاہور" کہا گیا اور بعد میں "قرارداد پاکستان" کے نام سے شہرت ملی اس نے ایک ایسی آزاد ریاست کی بنیاد رکھی جہاں مسلمان اپنی مذہبی، ثقافتی اور معاشرتی اقدار کے مطابق زندگی گزار سکیں۔
یہ دن ہمیں ان قربانیوں کی یاد دلاتا ہے جو ہمارے اسلاف نے ایک علیحدہ وطن حاصل کرنے کے لیے دیں۔ یہ دن ایک عہد ہے کہ ہم ان اصولوں پر کاربند رہیں گے جن کی بنیاد پر پاکستان قائم ہوا تھا۔ یہ دن ہمیں متحد، منظم اور یقین محکم کے ساتھ ترقی کی راہ پر گامزن رہنے کا سبق دیتا ہے۔
آج کے دن ہم الواحد سکول سسٹم اینڈ اکیڈمی کی جانب سے تمام پاکستانیوں کو مبارکباد پیش کرتے ہیں اور اس عزم کا اعادہ کرتے ہیں کہ ہم نسل نو کی تعلیم و تربیت کے ذریعے ایک مستحکم اور خوشحال پاکستان کی تعمیر میں اپنا کردار ادا کرتے رہیں گے۔

عید الفطر کے پُرمسرت موقع پر سکول کے معزز اور محنتی سٹاف کو عیدی پیش کرنا ایک خوبصورت روایت ہے۔ یہ وہ بااخلاص افراد ہیں جو اپنی محنت، ذمہ داری اور لگن کے ساتھ ادارے کی کامیابی میں اہم کردار ادا کرتے ہیں۔ ان کے چہروں پر خوشی اور مسکراہٹ دیکھ کر دل کو ایک خاص سکون ملتا ہے، اور یہی احساس مضبوط ہوتا ہے کہ ایک کامیاب ادارہ دراصل اپنی بہترین ٹیم کی بدولت ہی آگے بڑھتا ہے۔
اللہ تعالیٰ تمام سٹاف ممبران کو صحت، خوشحالی اور مزید کامیابیاں عطا فرمائے اور ان کی محنت کو قبول فرما کر ان کے لیے دنیا و آخرت میں آسانیاں پیدا کرے۔ عید مبارک۔
وائس پرنسپل
عاصمہ جاوید

الواحد سکول سسٹم اینڈ اکیڈمی
اعلانِ تعطیلات (عیدالفطر)
تمام طلباء و والدین کو اطلاع دی جاتی ہے کہ عیدالفطر کے سلسلے میں ادارہ 19 مارچ تا 24 مارچ (جمعرات تا منگل) بند رہے گا۔
تعلیمی سرگرمیاں 25 مارچ سے دوبارہ شروع ہوں گی۔

عنوان: ہر مسئلے کا حل کیا اسکول بند کرو؟
از قلم: ذیشان افضل

کل رات سوشل میڈیا پر چند سیکنڈ کی ایک ویڈیو نظر سے گزری تھی۔ ویڈیو بہت مختصر تھی مگر اس میں چھپی حقیقت بہت بڑی تھی۔ اس میں مزاحیہ انداز میں ایک جملہ بار بار دہرایا جا رہا تھا کہ:
گرمی زیادہ ہو جائے تو اسکول بند کر دو۔
سردی بڑھ جائے تو اسکول بند کر دو۔
سموگ ہو تو اسکول بند کر دو۔
فوگ ہو تو اسکول بند کر دو۔
اور اب اگر پٹرول کا مسئلہ ہوا ہے تو سب سے پہلے وہی ایک جملہ… اسکول بند کر دو۔
ویڈیو دیکھ کر بے اختیار مسکراہٹ تو آئی مگر ساتھ ہی ایک تلخ احساس بھی پیدا ہوا کہ یہ دراصل ہمارے نظام کی ایک سچی تصویر ہے۔ ایسا لگتا ہے جیسے ملک میں جب بھی کوئی مسئلہ پیدا ہوتو سب سے پہلے جو فیصلہ آسان سمجھا جاتا ہے وہ یہی ہے کہ اسکول بند کر دیے جائیں۔
آج کل بھی یہی صورت حال سامنے آ رہی ہے۔ پٹرول کے مسئلے کی بات ہو رہی ہے تو فوراً رات کو حکم نامہ جاری ہوا کہ اسکول بند کر دیے جائیں۔ سوال یہ ہے کہ کیا واقعی ہر مسئلے کا حل یہی ہے؟
فیصلے کرنے والوں کو شاید کبھی یہ خیال نہیں آتا ہے کہ پہلے زمینی حقائق کو بھی دیکھا جائے۔ یہ معلوم کیا جائے کہ کتنے بچے ایسے ہیں جو دور دراز علاقوں سے آتے ہیں اور کتنے ایسے ہیں جن کے گھر اسکول کے بالکل قریب ہوتے ہیں۔ ہمارے معاشرے میں ایک بڑی تعداد ایسے طلبہ کی ہے جو اپنے گھروں سے چند قدم کے فاصلے پر واقع اسکولوں میں پڑھتے ہیں۔ وہ پیدل آتے ہیں، سائیکل پر آتے ہیں یا محلے کے دوسرے بچوں کے ساتھ پیدل چل کر پہنچ جاتے ہیں۔
پھر یہ سوال بھی پیدا ہوتا ہے کہ جب بازار کھلے رہتے ہیں، دفاتر چار دن کے کیے کھلے ہیں اور دیگر سرگرمیاں جاری رہتی ہیں تو صرف تعلیمی اداروں کو ہی کیوں سب سے پہلے بند کر دیا جاتا ہے؟ کیا تعلیم واقعی اتنی غیر اہم چیز ہے کہ اسے ہر بحران میں سب سے پہلے قربان کر دیا جائے؟
اسکول بند کرنے کا فیصلہ بظاہر آسان ضرور ہوتا ہے لیکن اس کے اثرات بہت گہرے ہوتے ہیں۔ طلبہ کا تعلیمی تسلسل ٹوٹ جاتا ہے، اساتذہ کی منصوبہ بندی متاثر ہوتی ہے اور نصاب مکمل کرنا مشکل ہو جاتا ہے۔ خاص طور پر ان بچوں کے لیے جو پہلے ہی محدود وسائل میں تعلیم حاصل کر رہے ہوتے ہیں ان کے لیے یہ وقفے مزید مشکلات پیدا کر دیتے ہیں۔
یہ بھی ایک حقیقت ہے کہ جب اسکول بند ہوتے ہیں تو اکثر یہ کہہ دیا جاتا ہے کہ آن لائن تعلیم شروع کر دی جائے۔ لیکن ہمارے معاشرے میں کتنے بچوں کو انٹرنیٹ، موبائل فون یا کمپیوٹر کی سہولت حاصل ہے؟ دیہی علاقوں میں تو بہت سے بچوں کے لیے یہ سہولت خواب سے زیادہ کچھ نہیں ہے۔
ضرورت اس بات کی ہے کہ فیصلے کرتے وقت زمینی حقائق کو سامنے رکھا جائے۔ اگر کسی مسئلے کی وجہ سے مشکلات پیدا ہو رہی ہیں تو اس کا حل تلاش کیا جائے۔ نہ کہ سب سے آسان راستہ اختیار کرتے ہوئے اسکولوں کے دروازے بند کر دیے جائیں۔
تعلیم کسی بھی قوم کی بنیاد ہوتی ہے۔ اگر ہر مسئلے کے وقت اسی بنیاد کو ہلا دیا جائے تو پھر مضبوط عمارت کیسے کھڑی ہو سکتی ہے؟
شاید اب وقت آ گیا ہے کہ سنجیدگی سے سوچا جائے اور یہ سوال پوچھا جائے کہ کیا واقعی ہر مسئلے کا حل اسکول بند کرنا ہی ہے یا اس سے بہتر کوئی راستہ بھی موجود ہے؟

🏫 Al-Wahid School System
ماہِ مقدس رمضان المبارک کے بابرکت ایام میں اسکول کے اوقاتِ کار درج ذیل ہوں گے:
📚 Nursery to 8th Class
🕗 8:00 AM to 12:30 PM
🧒 Play Group
🕗 8:00 AM to 12:00 PM
🕌 Friday Timings (All Classes)
🕗 8:00 AM to 12:00 PM
تمام والدین سے گزارش ہے کہ بچوں کو وقت کی پابندی کے ساتھ اسکول بھیجیں۔
اللہ تعالیٰ ہمیں رمضان المبارک کی برکتوں سے بھرپور فائدہ اٹھانے کی توفیق عطا فرمائے۔ 🤲✨
Management
Al-Wahid School System

الحمدللہ
ہم پہچان پہچان پاکستان نیوز کے معزز مدیران اور پوری ٹیم کے دل سے شکر گزار ہیں جنہوں نے الواحد سکول سسٹم کے سالانہ امتحانات کے نتائج اور تقسیمِ انعامات کی پروقار تقریب کی روداد کو اپنے معزز اخبار میں شامل کر کے ہماری حوصلہ افزائی فرمائی۔ یہ ہمارے لیے باعثِ فخر ہے کہ طلبہ کی محنت، اساتذہ کی ان تھک کاوشوں اور والدین کے اعتماد کو اس خوبصورتی اور ذمہ داری کے ساتھ اجاگر کیا گیا۔ پہچان پاکستان نیوز کا یہ مثبت اور تعمیری کردار تعلیم کے فروغ اور معاشرتی شعور کی عکاسی کرتا ہے جس پر ہم دل کی گہرائیوں سے ان کے شکر گزار ہیں اور دعا گو ہیں کہ اللہ تعالیٰ اس ادارے کو مزید ترقی، دوام اور وقار عطا فرمائے۔ آمین
Pehchane pakistan news
Sir Zakeer Bhatti
دل کی گہرائیوں سے شکریہ