16/04/2026
*بورڈ امتحانات: نہم کلاس کے طلبہ کے لیے جامع اور ترتیب وار ہدایات*
مرحلہ 1: امتحان سے چند دن پہلے کی تیاری
رول نمبر سلپ کی فوٹو کاپی: جیسے ہی آپ کو رول نمبر سلپ ملے، اس کی فوٹو کاپی کروا کر گھر میں کسی محفوظ جگہ پر رکھ لیں تاکہ اصل سلپ گم ہونے کی صورت میں آپ کے پاس ریکارڈ موجود ہو۔
سینٹر کا معائنہ: امتحان سے کچھ دن پہلے اپنے امتحانی مرکز (Center) پر جا کر اسے دیکھ لیں کہ وہ کہاں واقع ہے۔ اس سے آپ کو یہ اندازہ ہو جائے گا کہ وہاں پہنچنے میں کتنا وقت لگتا ہے اور آپ پیپر والے دن کسی بھی پریشانی یا تاخیر سے بچ سکیں گے۔
مرحلہ 2: گھر سے روانگی اور ضروری سامان
لباس اور آرام: سادہ، ڈھیلے ڈھالے اور آرام دہ کپڑے پہنیں تاکہ آپ پرسکون رہیں۔
اپنی رول نمبر سلپ لازمی ساتھ لیں۔
پانی اور رومال: اپنے ساتھ پانی کی ایک شفاف بوتل اور پسینہ صاف کرنے کے لیے رومال لازمی رکھیں تاکہ پیپر گیلا نہ ہو۔
گھڑی (Wrist Watch): وقت کا حساب رکھنے کے لیے اپنے ساتھ ایک سادہ کلائی والی گھڑی ضرور رکھیں (سمارٹ واچ کی اجازت نہیں ہے)۔
شفاف جومیٹری باکس: تمام قلم، مارکر اور ایک بڑا اسکیل (تاکہ حاشیہ جلدی لگے) ایک ایسی شفاف جومیٹری میں رکھیں جس کے آر پار نظر آتا ہو۔
ریموور پر پابندی: ریموور یا وائٹنر بالکل نہ لے جائیں، اس کے استعمال پر UMC (ناجائز ذرائع کا کیس) بن سکتا ہے۔
مرحلہ 3: امتحانی مرکز پہنچ کر
وقت پر پہنچنا: پیپر شروع ہونے سے کم از کم30 منٹ پہلے سینٹر پہنچیں۔
لسٹ دیکھنا: سینٹر کے باہر لگی ہوئی رول نمبر لسٹ میں اپنا رول نمبر تلاش کریں تاکہ آپ کو اپنی لائن اور کمرہ امتحان ڈھونڈنے میں آسانی ہو۔
مرحلہ 4: جوابی کاپی (Answer Sheet) کی وصولی اور پڑتال
صفحات کی گنتی: کاپی ملتے ہی سب سے پہلے اس کے صفحات گن لیں (عموماً23 صفحات ہوتے ہیں)۔
تبدیلی: اگر کاپی پھٹی ہوئی ہے یا سلائی خراب ہے، تو فوراً نگران کو بتا کر کاپی تبدیل کروائیں۔
حاشیہ اور ببل فلنگ: اگر کاپی ٹھیک ہے تو بڑے اسکیل سے حاشیہ لگائیں اور ببل شیٹ پر اپنا رول نمبر اور پیپر کوڈ بہت احتیاط سے بھریں۔
مرحلہ 5: پرچہ (Question Paper) کی تقسیم
معروضی (Objective) پر رول نمبر: معروضی پرچہ ملتے ہی اس پر اپنا رول نمبر لکھیں تاکہ وہ تبدیل نہ ہو سکے۔ اس کا کوڈ جوابی کاپی کے دونوں طرف لازمی درج کریں۔
انشائیہ (Subjective) کی تقسیم: معروضی کا ٹائم ختم ہونے سے پہلے ہی تمام بچوں کو انشائیہ پرچہ دے دیا جائے گا۔ اس پر بھی اپنا رول نمبر لکھ لیں۔
معروضی کا وقت ختم ہونے پر نگران صرف معروضی سوال نامہ واپس لے گا، ببل شیٹ آپ کی جوابی کاپی کے ساتھ ہی رہے گی۔
مرحلہ 6: حاضری شیٹ پر اپنے نام اور تصویر والی لائن میں حاضری شیٹ کا نمبر اور معروضی کا پیپر کوڈ لکھ کر اپنے دستخط کریں گے۔
مرحلہ 7: پیپر کا اختتام
پیپر کو ایک دفعہ دوبارہ ضرور پڑھیں ۔
خالی جگہ: جوابی کاپی میں اگر کوئی صفحہ یا جگہ خالی بچ جائے، تو وہاں ایک ترچھی لائن لگا دیں تاکہ پیپر کا اختتام واضح ہو جائے۔
دعا: اللہ پاک تمام محنت کرنے والے بچوں کو ان کی امیدوں سے بڑھ کر کامیابی عطا فرمائے۔ آمین۔
🅓🅞🅝'🅣 🅜🅘🅢🅢 🅣🅗🅔 🅤🅟🅓🅐🅣🅔🅢 &
𝑭𝒐𝒍𝒍𝒐𝒘 𝑶𝒖𝒓 𝑶𝒇𝒇𝒊𝒄𝒊𝒂𝒍 𝑾𝒉𝒂𝒕𝒔𝑨𝒑𝒑 𝑪𝒉𝒆𝒏𝒏𝒂𝒍
https://whatsapp.com/channel/0029VbAdQH22Jl8GgBt0mR0z
𝐋𝐢𝐤𝐞 | 𝐂𝐨𝐦𝐦𝐞𝐧𝐭 | 𝐒𝐡𝐚𝐫𝐞
Follow Learn With Ahsan Ul Haq's WhatsApp Channel. U ll be provided all kind of educational information and general information as well. Join 153 followers for the latest updates.
