Jamia Tul Madina Gulzar e Habib

💐تمام عاشقانِ رسول ﷺ کو ربیع النور کا 🌙چاند مبارک ہو😍

سرکارﷺ کی آمد مرحبا مرحبا

*دعوت اسلامی کا شعبہ FGRF اور شیخ سعدی کے تین شعر*

شاعر کے خیالِ صائب کے مطابق یہ معانی کی پت جھڑ کا زمانہ ہے۔ کئی لفظ بڑے اہتمام سے بولے تو جاتے ہیں لیکن ان کے معنی جھڑ چکے ہیں۔ شاید یہ معاملہ فقط الفاظ تک ہی محدود نہیں ہے بلکہ وہ سطریں، صفحے، نظمیں، اشعار اور مصرعے شمار سے باہر ہیں جن کا معنی انسانی معاشرے میں خال خال ہی نظر آتا ہے۔

لہذا ایسے دور میں کیا حیرت ہے کہ شیخ سعدی کے وہ اشعار جو بجا طور پر نوعِ انسانی کے ماتھے کا جھومر قرار دیے جا سکتے ہیں بعض اوقات ایسی جگہوں پر بھی آویزاں نظر آتے ہیں جہاں ان پر ذرہ برابر عمل ہوتا ہوا نظر نہیں آتا۔

پہلے آپ شیخ سعدی کے وہ اشعار اور ان کا ترجمہ دیکھیے اس کے بعد کچھ مزید گفتگو کرتے ہیں:

بنی آدم اعضائے یک پیکرند

که در آفرينش ز یک گوهرند

چو عضوئے بہ درد آورد روزگار

دگر عضو ها را نماند قرار

تو کز محنت دیگران بی غمی

نشاید کہ نامت نہند آدمی

تمام انسان ایک جسم کے اعضا کے مانند ہیں، جن کی تخلیق ایک ہی روح سے ہوئی ہے۔
جب (وقت کی آفات سے) ایک عضو کو تکلیف پہنچتی ہے تو دوسرے اعضاء کو قرار نہیں آتا۔
اگر تمہیں دوسرے کے درد کا احساس نہیں ہے تو تم آدمی کہلانے کے لائق نہیں ہو۔

سو ایسا ہے کہ اگرچہ موجودہ دور میں ان اشعار کی عملی صورتحال، ان اشعار جیسے نعروں کو گلے میں لٹکائے پھرنے والوں میں بھی کم ہی دیکھنے کو ملتی ہے لیکن پھر بھی دنیا مردانِ خدا سے خالی نہیں ہوئی۔ یعنی ایسے نفوس اگرچہ کم ہیں لیکن آج بھی موجود ہیں جو اپنے سینوں میں دوسروں کا درد لیے پھرتے ہیں اور اس درد کی دوا تلاش کرتے رہتے ہیں۔


اگر آپ ان اشعار کی جیتی جاگتی تصویر دیکھنا چاہتے ہیں تو کبھی وقت نکال کر دعوت اسلامی کے فلاحی شعبے ایف جی آر ایف کی خدمات پر نظر دوڑائیں (اس شعبے کے فیس بک پیج پر تفصیلات موجود ہیں) اور دیکھیں کہ نہ صرف پاکستان میں، بلکہ دنیا کے مختلف خطوں میں جب بھی کوئی آفت آتی ہے، یہ ادارہ بڑھ چڑھ کر اپنی خدمات پیش کرتا ہے۔ پاکستان میں سیلاب اور کورونا کی صورتحال ہو، یا تھیلیسمیا اور ماحولیات کے مسائل ہوں، علاج معالجے کی مشکلات ہوں، دیار غیر میں مہنگی ترین تجہیز و تکفین کا مسئلہ ہو یا زلزلے وغیرہ جیسی قدرتی آفات ہوں، ایف جی آر ایف کے تحت دعوت اسلامی کے وہی مبلغین جو نیکی کی دعوت میں مشغول ہوتے ہیں، شیخ سعدی کے اشعار کی عملی تصویر بن کر فلاحی خدمات کے لیے بھی میدان عمل میں نکل کھڑے ہوتے ہیں اور دکھی دلوں کے درد کا درمان کرتے چلے جاتے ہیں۔ یہ مردان خدا دکھ کی گھڑیوں میں ایسے والہانہ انداز میں، بلکہ ایک طرح کی خود فراموشی کے عالم میں میدان میں اترتے ہیں کہ بجا طور پر رشک آنے لگتا ہے اور ہمارے جیسا بال و پر سے عاری پنچھی بھی اڑ کر ان تک پہنچنے اور ان کا معاون بننے کی تمنا کرنے لگتا ہے۔

آج یہ سب کچھ اس وجہ سے ذکر کیا ہے کہ وقتِ سہ پہر بازار سے کہ نرم و شیریں افغانی انجیر خرید کر گھر پہنچا ہی تھا کہ یوکے کے مبلغِ دعوت اسلامی، شاہِ والا تبار، سید محمد فضیل رضا عطاری زید مجدہ کا اسٹیٹس نظر آیا جس سے معلوم ہوا کہ مراکش میں شدید ترین زلزلہ آیا ہے اور ایف جی آر ایف متاثرین کی مدد کے لیے جا رہا ہے۔

ایک تو ذکر تھا مراکش کا کہ جس سرزمین سے طارق بن زیاد اور یوسف بن تاشفین جیسے فاتحین سے لیکر ابن بطوطہ جیسے سیلانی اور ابن خلدون و ابن عربی جیسے اہل علم کی نسبتیں قائم ہیں۔ ایک ایسی سرزمین جس نے آج بھی عربی زبان اور مسلم تہذیب و ثقافت کو گلے سے لگا کر رکھا ہوا ہے۔ پھر ایسی اندوہناک آفت کا ورود اور ایف جی آر ایف کا فوری طور پر وہاں کے متاثرین کی مدد کے لیے کمربستہ ہونا۔ بس ان سب امور نے دل کو اپنی جانب کھینچ لیا۔

دلی دعا ہے کہ خدا تعالی اہلِ مراکش پر خاص کرم فرمائے اور مراکش کے زخموں پر مرہم رکھنے والے دعوت اسلامی کے مبلغین کو شیخ سعدی جیسے بزرگوں کا خصوصی فیضان نصیب فرمائے اور سیدی و سندی امیر اہلسنت مولانا محمد الیاس عطار قادری دامت برکاتہم العالیہ کا سایہ سلامت رکھے جو شیخ سعدی جیسے اسلاف کی تعلیمات کی جیتی جاگتی تصویر ہیں اور امت مسلمہ کی خیرخواہی کے پروگراموں کی سرپرستی فرما رہے ہیں۔

از قلم:
احمد رضا عطاری مدنی۔
جامعۃ المدینہ گلزارِ حبیب، سبزہ زار، لاہور۔

07ستمںبر یومِ تحفظِ عقیدہ ختم نبوت۔۔

شرح امتحانی فیس سالانہ امتحان 2024 برائے طلبہ
Annual Examination Boys Fees 2024

تمام عاشقانِ رسول کو یومِ دعوت اسلامی مبارک ہو

ڈیٹ شیٹ برائے سالانہ امتحانات 2023
کنز المدارس بورڈ پاکستان

7 ستمبر
یوم تحفظ ختم نبوت

ڈیٹ شیٹ برائے سالانہ امتحانات 2022
کنز المدارس بورڈ پاکستان