25/01/2023
ادارہ معارف اسلامی کے زیراہتمام 24؍جنوری2023ء کو ادارہ کی نئی کتاب ’’نعیم صدیقی ۔۔۔بطور شاعر‘‘ از قلم زوبیہ لطیف کی تعارفی تقریب منعقد ہوئی۔ تقریب کی صدارت ممتاز محقق، ادیب اور شاعر جناب ڈاکٹر خورشیدالحسن رضوی نے کی، جبکہ مقررین میں ڈاکٹر رفیع الدین ہاشمی، ڈاکٹر فریداحمد پراچہ، ڈاکٹر حافظ ساجدانور (ڈائریکٹر ادارہ) ، جناب حافظ محمدادریس،جناب نوید اسلام صدیقی، پروفیسر ظفرحجازی، ڈاکٹر عبداللہ شاہ ہاشمی، پروفیسرایوب منیر، زوبیہ لطیف (مصنفۂ کتاب) پروفیسر خالد محمودعطا اور سلیم طاہر شامل تھے۔ نظامت کے فرائض ادارہ کے ڈپٹی ڈائریکٹر محمدانورگوندل نے سرانجام دیے۔
مقررین نے نعیم صدیقیؒ کی شاعری اور نثرنگاری پر سیرحاصل تبصرہ کرتے ہوئے کہا کہ ان کی شاعری اور نثر ادب برائے ادب نہیں بلکہ اداب برائے زندگی کے نظریے کے مطابق ہے اور اس سے آگے بڑھ کر زندگی برائے بندگی کا درس دیتی ہے۔
مقررین نے کتاب کی مصنفہ زوبیہ لطیف کو بھی خراج تحسین پیش کیا کہ انھوں نے نعیم صدیقیؒ کی مختلف ادبی جہات کا بڑی محنت اور عرق ریزی سے اس کا احاطہ کیا ہے۔
یہ کتاب مکتبہ معارف اسلامی منصورہ،لاہور سے دستیاب ہے۔
24/01/2023
20/01/2023
12/01/2023
10/01/2023
30/12/2022
28/12/2022
26/12/2022