Learn The Quran

ہم میں سے اکثر مسلمان جو کہ پکے نمازی ہونے کے باوجود
نماز میں
سُبْحَانَ رَبِّیَ الْعَظِیْم پڑھنے کی بجائے
سُبْحَانَ رَبِّیَ الْعَزِیْم پڑھ رہے ہیں

عظیم کا مطلب ہے عظمت والا
اور عزیم کا مطلب کچھ اور ہے عظمت والا نہیں ہے

یہ صرف ایک تجویدی غلطی ہے
جس کا جاننا ہم سب مسلمانوں کے لیے بہت ضروری ہے

یہ میں نے صرف ایک غلطی کو نوٹ کیا ہے
اس طرح کی اور بھی بہت غلطیاں ہو سکتی ہیں
خدارا !
اپنی نمازوں کو درست فرما لیں.

قرآن مجید اللہ تعالیٰ کی وہ آخری اورمستند ترین کتاب ہے جسے دین کے معاملے میں انسانیت کی ہدایت کے لیے محمد رسول اللّٰہ پر نازل کیا گیا ہے ۔اِس کتاب ہدایت سے استفادہ انسان تب ہی کرسکتا ہے جب وہ اِسے پڑھے گا ، اِس کی تلاوت اور اِس کا مطالعہ کرے گا ۔چنانچہ یہ بات تو ایک مسلمہ حقیقت ہے کہ تلاوتِ قرآن دین میں ایک نہایت ہی پسندیدہ اور مطلوب عمل ہے ۔جب دین میں اِس عمل کی حیثیت یہ ہے تو لامحالہ ایک مسلمان کے لیے یہ اجر وثواب کا باعث بھی ہے ۔تاہم یہ واضح رہے کہ کسی نیک عمل کی بارگاہِ الٰہی میں مقبولیت اور اُس کے باعثِ اجر وثواب ہونے کا تعلق تو ظاہر ہے کہ عمل کرنے والے کی نیت پر مبنی ہے جیساکہ نبی صلی اللّٰلہ علیہ وسلم کا ارشاد ہے کہ اعمال کا دارومدار نیتوں پر ہے (بخاری )چنانچہ تلاوت قرآن میں نیت واردہ اگر خالصتاً فہم قرآن ،طلب ہدایت اور اللّٰہ تعالیٰ کی خوشنودی کا حصول ہے تو پھر یہ عمل یقیناً بہت باعث اجر ہوگا ۔آئیے ! تلاوت قرآن کی فضیلت کے بارے میں احادیث رسول اللّٰہ صلی اللّٰہ علیہ وسلم سے پوچھتے ہیں۔
تلاوت قرآن کی فضیلت احادیث کی روشنی میں:

حضر ت ابوامامہ رضی اللّٰہ عنہ بیان کرتے ہیں کہ میں نے رسول اللّٰہ صلی اللہ علیہ وسلم کو فرماتے ہوئے سنا کہ قرآن کثرت سے پڑھا کرو، اس لیے کہ قیامت والے دن یہ اپنے پڑھنے والے ساتھیوں کے لیے سفارشی بن کر آئے گا۔(مسلم)