28/04/2022
سیاسی اختلاف ہوتے رہتے ہیں لیکن مدینہ پاک میں ایسا غل غپاڑہ کرنا نہایت شرم ناک عمل ہے۔ ایک پاکستانی ہونے کے ناطے آج شرم محسوس ہو رہی ہے ۔ وہ چور ہیں ڈاکو ہیں ۔۔۔۔ان کو بتانے کے لیے وہی پاک جگہ ملی ہے بہت افسوس کا مقام ہے۔۔۔۔۔اسلام اس چیز کی ہرگز اجازت نہیں دیتا۔
ایک مرتبہ حضرت عمر فاروق رَضِیَ اللہ تَعَالٰی عَنْہُ نے مسجد ِنَبوی میں دو شخصوں کی بلند آواز سنی تو آپ (ان کے پاس) تشریف لائے اور فرمایا
’’کیا تم دونوں جانتے ہو کہ کہاں کھڑے ہو؟پھر ارشاد فرمایا:تم کس علاقے سے تعلق رکھتے ہو؟
دونوں نے عرض کی: ہم طائف کے رہنے والے ہیں
ارشاد فرمایا:
اگر تم مدینہ منورہ کے رہنے والے ہوتے تو میں
(یہاں آواز بلند کرنے کی وجہ سے) تمہیں ضرور سزا دیتا (کیونکہ مدینہ منورہ میں رہنے والے دربارِ رسالت صَلَّی اللہ تَعَالٰی عَلَیْہِ وَاٰلِہٖ وَسَلَّمَ کے آداب سے خوب واقف ہیں )۔
( ابن کثیر، الحجرات، تحت الآیۃ: ۲، ۷ / ۳۴۳)
