Al Mubeen School System

چند لوگوں کو میرا رویہ اور لہجہ شاید آج ناگوار گزرتا ہو۔ اس کی بنیادی وجہ کسی کی دل ازاری نہیں بلکہ ماضی کے وہ تلخ تجربات ہیں جن میں بعض صاحبِ استطاعت افراد نے بھی ان سہولیات اور رعایتوں سے فائدہ اٹھایا جو دراصل یتیم اور مستحق بچوں کے لیے مختص تھیں۔ ایسے حالات میں بعض حقیقی ضرورت مند بچے اس مدد سے محروم رہ گئے جس کے وہ اصل حقدار تھے۔

الحمدللہ آج بھی سکول میں تقریباً 35 سے 40 یتیم اور مستحق بچوں کی فیس سمیت دیگر تعلیمی اخراجات برداشت کیے جا رہے ہیں۔ بعض اوقات چند دوست احباب بھی تعاون کر دیتے ہیں، جس پر میں ان کا تہہ دل سے شکر گزار ہوں، لیکن سال بھر کے اخراجات اور مالی ذمہ داری کا بیشتر حصہ مجھے خود ہی ادا کرنا پڑتا ہے۔ اس کے باوجود بہت سے کم آمدنی والے والدین سے صرف 500 روپے ماہانہ فیس لی جا رہی ہے تاکہ ان کے بچوں کی تعلیم کا سلسلہ بھی جاری رہے اور سکول کا نظام بھی کسی حد تک چلتا رہے۔

اسی لیے میری کوشش ہوتی ہے کہ جو بھی مدد، رعایت یا تعاون دستیاب ہو، وہ پوری دیانت داری کے ساتھ ان لوگوں تک پہنچے جو واقعی اس کے مستحق ہیں۔ اگر اس مقصد کے لیے کبھی اصولوں پر سختی کرنی پڑے تو اسے ذاتی رویہ نہیں بلکہ مستحق بچوں کے حقوق کے تحفظ کی کوشش سمجھا جائے۔
​ #اردو

افسوس کی بات یہ ہے کہ بعض لوگ روزانہ 5 گھنٹے کی تعلیم کے عوض صرف 16 روپے (500 روپے ماہانہ) ادا کرکے بھی ایسے رویے کا مظاہرہ کرتے ہیں جیسے انہوں نے بہت بڑا احسان کیا ہو۔ کئی سال گزر جانے کے باوجود فیس میں معمولی اضافہ قبول کرنے کو بھی تیار نہیں ہوتے، جبکہ ہر چیز کی قیمت میں کئی گنا اضافہ ہو چکا ہے۔

دوسری طرف ایسے مستحق افراد بھی موجود ہیں جن کے لیے 500 روپے بھی بڑی رقم ہیں، لیکن وہ ہمیشہ عزت، دعا اور شکرگزاری کے جذبات کا اظہار کرتے ہیں۔

الحمدللہ، یتیم بچوں سے آج تک ایک روپیہ بھی فیس نہیں لیا گیا، جبکہ بہت سے مستحق بچوں کو رعایت اور مہلت بھی دی جاتی ہے۔ لیکن جو لوگ استطاعت رکھنے کے باوجود مسلسل رعایت لینے کی کوشش کرتے ہیں، وہ دراصل ان وسائل پر بوجھ بنتے ہیں جو حقیقی مستحق اور یتیم بچوں کی مدد کے لیے مختص ہونے چاہئیں۔

ضرورت مند افراد کی مدد کرنا ہماری ذمہ داری ہے، لیکن استطاعت رکھنے والوں کا اپنی ذمہ داری سے گریز کرنا نہ صرف ادارے بلکہ ان بچوں کے حق میں بھی نقصان دہ ہے جو واقعی مدد کے مستحق ہیں۔

سب والدین اپنے بچوں کو اچھے سے اچھے سکول میں داخل کروانا چاہتے ہیں مگر یہ کلاس الگ ہے جس کا تصور بھی نہیں کیا جا سکتا۔
اپنے سکول میں ان جیسی سہولیات تو نہیں دے سکتا لیکن الحمد للہ پڑھانے کا طریقہ کار 20 25 لاکھ والے سکول کا
ہی استعمال کر رہا ہوں۔
#پاکستان

آج سروے کے دوران ایک اہم بات سامنے آئی کہ واجبات، خصوصاً اساتذہ کی فیس، صرف جیب سے نہیں بلکہ نیت اور ترجیحات سے ادا کی جاتی ہے۔
جب بچوں سے فیس کی عدم ادائیگی کے بارے میں پوچھا گیا تو معلوم ہوا کہ بعض ایسے طلبہ جن کی 2 یا 3 ماہ سے زائد فیس بقایا ہے، ان کا روزانہ جیب خرچ ماشاء اللہ 100 روپے تک ہے۔
جبکہ دوسری جانب کئی غریب اور خوشحال گھرانوں کے بچے ایسے بھی ہیں جن کی فیس ہر ماہ 10 تاریخ سے پہلے باقاعدگی سے ادا کر دی جاتی ہے، اور ان کا روزانہ جیب خرچ صرف 10 روپے ہوتا ہے۔
اصل فرق وسائل میں نہیں بلکہ ترجیحات اور احساسِ ذمہ داری میں ہوتا ہے۔
ازقلم: سید معین شاہ
#پاکستان