09/10/2025
الحمد للّٰہ ثم الحمد للّٰہ!
آج بروز جمعرات، مؤرخہ 9 اکتوبر 2025ء دارالعلوم تبلیغ القرآن والسنہ کاکڈ واڑی ضلع دیر بالا میں ایک نہایت پُررونق اور بابرکت علمی و ادبی پروگرام منعقد ہوا، جس میں طلباءِ کرام کے درمیان تلاوتِ قرآن، اذان، اشعار اور تقاریر کے مختلف مسابقات کا انعقاد کیا گیا۔
طلباء نے بے پناہ جوش و خروش، دلچسپی اور محنت کے ساتھ حصہ لیا۔ ہر طالبِ علم نے اپنے اپنے فن میں نہایت خوبصورتی، اعتماد اور دلنشین انداز سے اپنی صلاحیتوں کا مظاہرہ کیا۔ پورا ہال ایمان و جذبہ سے لبریز، اور فضا نغماتِ قرآنی و کلماتِ توحید سے معمور تھی۔
پروگرام کے مہمانِ خصوصی صاحب تھے، جنہوں نے طلباء کرام کی محنت، لگن اور حسنِ کارکردگی کو سراہتے ہوئے ان کے روشن مستقبل کے لیے دعا فرمائی۔ آپؒ نے نہایت قیمتی اور پُراثر کلمات میں نصیحت فرمائی کہ علم محض حصولِ درجات کا نام نہیں، بلکہ یہ نور ہے جو اخلاص، محنت اور عمل سے حاصل ہوتا ہے۔
اختتامی کلمات میں مدیر دارالعلوم محترم ّٰہ_الدیروی صاحب نے طلباء کرام کی حوصلہ افزائی فرمائی، ان کی کوششوں کو سراہا اور مزید محنت، اخلاق اور تقویٰ کی تلقین کی۔ آپ نے فرمایا کہ ایسے مسابقات طلباء کی تربیت، خود اعتمادی اور علمی نکھار کا بہترین ذریعہ ہیں۔
یوں یہ روح پرور علمی و فکری نشست دعا و مسنون کلمات پر اختتام پذیر ہوئی۔
اللّٰہ تعالیٰ اس دارالعلوم کو مزید ترقی، استقامت اور قبولیت عطا فرمائے، اور اس کے فیوض و برکات کو تا قیامت جاری و ساری رکھے۔ آمین یا رب العالمین۔
