24/10/2023
*بسمہ اللہ الرحمن الرحیم*
موسم سرما میں پنجاب کے سرکاری سکولوں میں اوقات کار کی تبدیلی وقت کی اشد ضرورت ہے۔۔
موسم سرما میں سکولوں کے اوقات کار تبدیل کرنے کی سخت ضرورت ہے ہر سال پنجاب کے تعلیمی اداروں میں برسوں پرانے رائج اوقات کار کو نافذ کیا جاتا ہے لیکن یہ کوئی نہیں دیکھتا ایسے اوقات کار سے لوگوں کو بالخصوص طلبہ اور والدین کو کتنی پریشانی کا سامنا کرنا پڑتا ہے اگر ان اوقات کار کو تبدیل کیا جائے یعنی فیڈرل کی طرح صبح سوا اٹھ سے سوا ایک بجے چھٹی کر دی جائے تو یہ موسم سرما میں پیش انے والی پریشانیوں کے خاتمے کا باعث بن سکتا ہے یہ کہاں کا انصاف ہے کہ دن چھوٹا ہو جائے تو تعلیمی اداروں کے اوقات کار کو مزید بڑھا دیا جائے اگر ایک یا سوا ایک بجے چھٹی ہو تو اس طرح بچے گھر جا کر سکون سے کھانا کھا سکتے ہیں نماز ادا کر سکتے ہیں اور پھر غیر نصابی سرگرمیوں میں حصہ بھی لے سکتے ہیں اپنے دوستوں محلہ داروں کے ساتھ کھیل کود میں بھی حصہ لے سکتے ہیں جو ان کی صحت کے لیے ضروری ہے چونکہ زیادہ تر بچوں کا تعلق دیہاتوں سے ہوتا ہے جو پنجاب کے سرکاری سکولوں میں پڑھتے ہیں بچے کافی دور دراز سے پیدل اتے ہیں چھٹی لیٹ ہونے کی وجہ سے شام کے قریب گھروں کو پہنچتے ہیں ۔۔۔ اس طرح وہ تھکے ہوتے ہیں اور شام کو جب گھر پہنچتے ہیں تو دن کا کھانا بھی وہ شام ہی کو کھاتے ہیں اور پھر سونے کی تیاری کرتے ہیں نہ وہ غیر نصابی سرگرمیوں میں حصہ لے سکتے ہیں اور نہ ہی ہوم ورک مکمل کر سکتے ہیں اور اس طرح ان کا تعلیمی نقصان بہت زیادہ ہوتا ہے اگر وقت پر چھٹی ہو جائے تو بچے گھر میں ا کر دیگر مصروفیات کے ساتھ ساتھ اپنا ہوم ورک بھی باآسانی مکمل کر سکتے ہیں جو ان کی تعلیمی قابلیت میں کافی فائدے کا باعث بن سکتا ہے ۔۔۔امید ہے کہ محمکہ ایجوکیشن اور ارباب اختیار بچوں کی صحت اور تعلیم پر ہمدردانہ غور فرماتے ہوئے سکول ٹائمنگ موسم سرما میں سوا آٹھ سے ایک بجے کا نوٹیفکیشن جاری کر دیں گے
انشاء اللہ
جتنا ہوسکے شیئر فرماتے جائیں تاکہ یہ التجا ارباب اختیار تک پہنچ جائے۔۔۔
