22/12/2025
سحر پبلک گرامر ہائی اسکول، تمبو کوہلو میں تعلیمی سال 2025 کی *چوتھی سالانہ رزلٹ تقریب* انتہائی شاندار اور پُروقار انداز میں منعقد ہوئی، جس میں عوام کی بڑی تعداد نے شرکت کی۔ پروگرام کا باقاعدہ آغاز *تلاوتِ کلامِ پاک* سے کیا گیا، جس سے محفل کو نور بخشا گیا۔ بعد ازاں *قومی ترانہ* انتہائی ادب و احترام کے ساتھ پیش کیا گیا، جس پر تمام حاضرین نے کھڑے ہو کر وطن سے محبت کا عملی ثبوت دیا۔
محفل میں بچوں نے *دل کو چھو لینے والی نعتیں اور حمدیہ کلام* پیش کیے، جب کہ طلبا و طالبات نے *اردو و انگریزی میں پراثر تقاریر* کے ذریعے تعلیم، والدین، اساتذہ، سیرت النبی ﷺ اور خواتین کی تعلیم جیسے اہم موضوعات پر اپنے خیالات کا اظہار کیا۔
پروگرام میں پیش کیے گئے *خوبصورت اور رنگا رنگ ٹیبلو*، ڈرامے اور دیگر فنکارانہ مظاہرے حاضرین کی توجہ کا مرکز بنے، جن سے حاضرین خوب لطف اندوز ہوئے بچوں کی محنت اور اساتذہ کی تربیت نے پروگرام کو یادگار بنا دیا۔
پروگرام کے اختتام پر *سکول کے ڈائریکٹر جناب رسول خان مری* نے سامعین سے خطاب کرتے ہوئے تعلیمی کارکردگی، ادارے کی ترقی اور بچوں کی کامیابیوں پر روشنی ڈالی۔ ان کے خیالات نے والدین اور طلبا دونوں کو نہ صرف متاثر کیا بلکہ تعلیم کے سفر میں نئی حوصلہ افزائی بھی دی۔شرکا میں سے ظفر پبلک گرائمر ہائی اسکول کے ڈائریکٹر جناب ڈاکٹر محمد غنی ،ڈاکٹر شوکت عزیز صاحب ،جناب ڈاکٹر شیر باز صاحب ، جناب میاں خان قلندرانی صاحب اور عنایت صاحب نے خطاب کرتے ہوئے بچوں میں محنت لگن اور تعلیم کی اہمیت اجاگر کرنے، والدین کا بچوں پر خصوصی توجہ مرکوز کرنے کے اہمیت کے علاؤہ سحر سکول کی مختصر عرصے میں بہت بڑی کا میابی حاصل کرنے پر رسول خان صاحب کی محنتوں کو سراہا ۔
تقریب کے آخری حصے میں *پوزیشن ہولڈر طلبا و طالبات* میں *انعامات، میڈلز اور شیلڈز* تقسیم کی گئیں، جنہوں نے سال بھر بہترین کارکردگی کا مظاہرہ کیا تھا۔
والدین، مہمانانِ خصوصی، اور علاقہ مکینوں نے ادارے کی کوششوں کو سراہتے ہوئے اسے علاقے میں تعلیمی انقلاب کی بنیاد قرار دیا۔
آخر میں سکول انتظامیہ کے جانب سے معزز مہمانوں کو ٹی پارٹی دی گئی۔
