27/03/2026
بہار کی آمد کے ساتھ #شجرکاری مہم کا آغاز
بہار کی خوشگوار آمد کے ساتھ گورنمنٹ #سینٹنیل ماڈل ہائیر سیکنڈری اسکول نمبر 4 کے ڈی اے کوہاٹ میں شجرکاری مہم کا باقاعدہ آغاز کیا گیا۔
پرنسپل #وقار عظیم صاحب نے معزز سٹاف ممبران اور ایجوکیشن آفس کے نمائندگان کے ہمراہ پودا لگا کر اس مہم کا افتتاح کیا۔ بعد ازاں اساتذہ کرام اور طلباء نے بھرپور جوش و جذبے کے ساتھ مختلف پودے لگا کر ماحول کو سرسبز بنانے کے عزم کا اظہار کیا۔
نبی #کریم ﷺ کا ارشاد ہے: "اگر کوئی مسلمان درخت لگاتا ہے یا کھیتی کرتا ہے، پھر اس میں سے کوئی انسان، پرندہ یا جانور کھائے تو یہ اس کے لیے صدقہ ہوتا ہے۔" (بخاری)
یہ مہم نہ صرف ماحولیاتی بہتری کی جانب ایک اہم قدم ہے بلکہ طلباء میں ذمہ داری اور خدمتِ خلق کا شعور بھی اجاگر کرتی ہے۔
منجانب: ادارہ ہذا
