GPS-2 KAMAR DHAND KOHAT

السلام علیکم ورحمۃ اللہ وبرکاتہ!
​تمام قابلِ احترام والدین اور عزیز طلباء کو مطلع کیا جاتا ہے کہ تعلیمی سال 2025 / 2026 کی انتھک محنت، لگن اور کامیابیوں کا جشن منانے کا وقت آ گیا ہے۔ ہمارے نونہالوں نے پورے سال جو محنت کی، اب اس کا پھل سمیٹنے کا دن ہے۔
​گورنمنٹ پرائمری سکول نمبر 2 کمرڈھنڈ، کوہاٹ میں سالانہ رزلٹ ڈے کی شاندار تقریب کا انعقاد کیا جا رہا ہے۔
​🗓️ تقریب کا شیڈول:
​تاریخ: 25 مئی 2026ء (بروز پیر)
​وقت: صبح 09:00 بجے
​مقام: گورنمنٹ پرائمری سکول نمبر 2 کمرڈھنڈ / کوہاٹ
​🎯 خصوصی التماس:
​تمام والدین سے پرزور گزارش ہے کہ اس تقریب میں اپنی شرکت کو یقینی بنائیں۔ آپ کی موجودگی نہ صرف ہمارے اساتذہ کے لیے حوصلہ افزائی کا باعث بنے گی، بلکہ آئیے اپنے بچوں کی حوصلہ افزائی کریں! تاکہ وہ مستقبل میں مزید کامیابیوں کی طرف گامزن ہو سکیں۔
​نوٹ: طلباء کے والدین کو شرکت کی بھرپور دعوت دی جاتی ہے۔ وقت کی پابندی کا خاص خیال رکھیں۔
​منجانب: سکول سٹاف، گورنمنٹ پرائمری سکول نمبر 2 کمرڈھنڈ / کوہاٹ 🎓✨

گرمی ہو یا سخت حالات، تعلیم کا سفر رکنا نہیں چاہیے۔
گورنمنٹ پرائمری سکول نمبر 2 کمرڈھنڈ (کوہاٹ) میں سیکنڈ سمسٹر کے امتحانات کا آغاز ہو چکا ہے۔ زمین پر بیٹھے یہ معصوم بچے اپنے بہتر مستقبل کی تحریر لکھ رہے ہیں۔ ان کی محنت اور اساتذہ کی لگن کو سلام! 🇵🇰🤚

السلام علیکم!
آج مورخہ 7 مئی 2026 کو گورنمنٹ پرائمری سکول نمبر 2، کمرڈھنڈ کوہاٹ میں کلاس پنجم کے طلباء کے لیے ایک خوبصورت اور یادگار الوداعی تقریب کا اہتمام کیا گیا۔ ہیڈ ماسٹر جناب انور الدین صاحب اور سکول سٹاف کی طرف سے اپنے پیارے طلباء کو الوداع کہنے کے لیے یہ اکرام کیا گیا، کیونکہ وہ اب کلاس ششم میں داخل ہو کر گورنمنٹ ہائی سکول کمرڈھنڈ منتقل ہو رہے ہیں، جن کے سالانہ سمسٹر امتحانات بھی 11 مئی 2026 سے شروع ہو رہے ہیں۔ تقریب کے دوران طلباء نے ایک ہی دسترخوان پر بیٹھ کر ایک ساتھ دلی اور پرتکلف کھانا کھایا۔ مینو میں چاول، دال، سبزی، میکرونی، سموسے، پکوڑے، دہی بھلے، میٹھی ڈش اور چائے وغیرہ شامل تھی۔ بچوں کے چہروں پر خوشی اور تھوڑا سا غمِ الوداع کا ملا جلا احساس صاف نظر آ رہا تھا۔ ہیڈ ماسٹر صاحب اور تمام سٹاف ممبران نے خود طلباء کی خدمت کی اور انہیں ہائی سکول کی زندگی کے لیے نیک خواہشات پیش کیں۔ بچوں نے بھی اپنے اساتذہ کا شکریہ ادا کیا اور ان سے محبت کا اظہار کیا۔ یہ ایک سادہ مگر بہت پیاری اور جذباتی تقریب تھی جو بچوں کے دلوں میں سکول اور اساتذہ کی یادگار بن کر رہے گی۔الله تعالیٰ ان تمام بچوں کو کامیاب و کامران کرے، ان کے مستقبل کو روشن کرے اور ان کے اساتذہ کو بھی صحت و عافیت عطا فرمائے۔ آمین. 🇵🇰 🤲

نوٹ 🚨💥
والدین سے انتہائی مودبانہ گزارش ہے کہ بچوں کو سکول بھیجا کریں اور غیر حاضری سے اجتناب کریں، 11 مئی سے بچوں کا فائنل امتحان ہونے جارہا ہے. شکریہ

کل صوبہ بھر میں پرائمری اساتذہ کے پی ڈی ڈے کے پیشِ نظر گورنمنٹ پرائمری سکول نمبر 2 کمرڈھنڈ بند رہے گا۔

یکم اپریل 2026 سے پرائمری اسکول کے اوقات درج ذیل ہوں گے:
​اسکول لگنے کا وقت (حاضری): صبح 07:30 بجے
​اسکول کی چھٹی کا وقت: دوپہر 01:35 بجے

آج 31 دسمبر 2025 کو گورنمنٹ پرائمری سکول نمبر 2 کمرڈھنڈ کوہاٹ میں فرسٹ سمسٹر کے نتائج کے موقع پر پوزیشن ہولڈرز میں تقسیم انعامات کی تقریب منعقد کی گئی تھی، اس موقع پر تصویری جھلکیاں، پوزیشن ہولڈرز کو گورنمنٹ پرائمری سکول نمبر 2 کمرڈھنڈ کے سٹاف کی طرف سے بہت بہت مبارک ہو.

متحرم والدین السلام علیکم

سمارٹ سٹارٹ پروگرام کے تحت منعقد ہونے والے مقابلوں میں گورنمنٹ پرائمری سکول نمبر 2 کمرڈھنڈ کوہاٹ کے طالب علم محمد کامل ولد محمد جبران نے دوڑ کے مقابلے میں مسلم آباد، جرما اور تپی سرکلز کو شکست دے کر پہلی پوزیشن حاصل کرلینے کے بعد کل بروز پیر 4 نومبر 2024 کو کوہاٹ سپورٹس کمپلیکس میں منعقد ہونے والے فائنل ایونٹ کےلیے کوالیفائی کرلیا ہے.

کمشنر کوہاٹ محترم معتصم بالله شاہ صاحب اور ڈسٹرکٹ ایجوکیشن آفیسر کوہاٹ محترم جناب ظہور خان صاحب کی خصوصی ہدایت پر گورنمنٹ پرائمری سکول نمبر 2 کمرڈھنڈ کوہاٹ میں منعقد کیے گئے غیر نصابی سرگرمیوں میں اول پوزیشن حاصل کرنے والے طلباء میں انعامات تقسیم کیے جارہے ہیں.

کمشنر کوہاٹ محترم جناب معتصم بالله شاہ صاحب اور ڈسٹرکٹ ایجوکیشن آفیسر کوہاٹ محترم جناب ظہور خان صاحب کی خصوصی ہدایت پر آج گورنمنٹ پرائمری سکول نمبر 2 کمرڈھنڈ کوہاٹ میں غیر نصابی سرگرمیوں کا انعقاد کیا گیا، جس میں اساتذہ سمیت طلباء نے بڑھ چڑھ کر حصّہ لیا.